Deporte
A Asociación Deportiva Augasantas, recentemente creada, en colaboración co Concello de Barreiros fomenta a práctica do atletismo.
A A.D. Augasantas anuncia: “en colaboración co Concello de Barreiros, traemos unha actividade moi interesante para os nosos socios, neste caso para a sección de atletismo. Para fomentar a práctica deste deporte entre a xente adulta contaremos coa asistencia dun técnico deportivo un día á semana para asesoramento para principiantes, preparación de carreiras populares, mellora da condición física e técnica de carreira e adestramento grupal”.
Os interesados pode obter máis información contactando con calquera integrante da directiva da asociación, a través das redes sociais ou do correo electrónico a.d.augassantasbarreiros@gmail.com...
A Asociación Cultural Deportiva Xove ten aberto o prazo de inscrición para as escolas deportivas e culturais 2021-2022, que empezarán a desenvolver as súas actividades o 18 de outubro, luns.
Haberá escolas de xogos pre-deportivos, karate, patinaxe artística, fútbol sala, baloncesto, xadrez, atletismo, badminton, tenis de mesa, fitdance-pilates, surf, teatro e pintura.
As inscricións deben facerse na páxina web da ACD Xove (www.acdxove.com) e o prazo remata o 30 de setembro.
O Concello de Alfoz comunicou o pasado martes, 26 de xaneiro, a suspensión das clases presenciais nas Escolas Deportivas Municipais e nas Actividades Deportivas para Adultos como consecuencia do Covid-19 e das novas medidas tomadas pola Xunta de Galicia. Sabemos que o éxito e o valor destas actividades non só é pola práctica deportiva, senón por ser un lugar de encontro e onde relacionarse, algo fundamental en concellos pequenos e rurais coma o noso. Está claro que a situación actual non recomenda para nada estas reunións sociais pero no que respecta á práctica deportiva non temos porque abandonala cando se conta con medios para ofrecer alternativas.
A Delegación de Deportes de Alfoz, dirixida por César Marrube, anuncia que todas as modalidades deportivas: ioga, aeróbic, ximnasia de mantemento, baile, patinaxe e fútbol serán impartidas...
leer más
Xa está aquí, MaisKmsBarreiros, un evento deportivo virtual que se celebrará entre os días 21 e 31 de decembro e que vai sacar o maior potencial solidario das persoas nestes tempos de pandemia tan difíciles que estamos a vivir.
Como? O evento reta a todas as persoas inscritas a percorrer un total de 6000kms (entre todas as persoas que participen) camiñando, correndo ou andando en bicicleta, destinando a recadación íntegra das súas inscricións a prol das necesidades de emerxencia social da poboación do Concello de Barreiros (alimentación, roupeiro,material escolar, etc).
E ademais, se o reto se conseguise, no sorteo que se realizará ao final do evento entregaranse cheques regalos cun valor total de 3000 euros que destinará o Concello de Barreiros, para comprar ou consumir nos establecementos locais asociados a esta...
leer más
A orientación deportiva centrará o segundo relatorio das IX Xornadas do Deporte Academia Imdecum. Continuando coa modalidade en Zoom, será o vindeiro luns, 15 de xuño (12.00 horas), coa colaboración do especialista en deporte na natureza Xan Mariano Trigo Recarey.
Aberto para todo o público interesado: INSCRICIÓN EN ZOOM
Relatorio: “A orientación deportiva: Aproximación a unha modalidade de turismo activo en alza”
O ourensán, organizador de probas e xuíz controlador autonómico de orientación, leva dúas décadas da súa vida unido á orientación deportiva. Licenciado en Educación Física e con experiencia como docente, Xan Trigo conta cunha dilatada vinculación cos tres paus das actividades físico-deportivas na natureza (terra, auga e aire), abranguendo disciplinas como a escalada, o montañismo, a espeleoloxía,...
leer más
As Xornadas do Deporte Academia Imdecum regresan en 2020 co coidado do pé. O podólogo do Pescados Rubén Burela Fútbol Sala, o burelao Miguel Ángel Murias Carrasco, será o primeiro convidado nesta novena edición, aberta a todo o público, para falar sobre “Os pés do deportista e a importancia da prevención de lesións”; será o venres, 12 de xuño, ás 19.00 horas. Todos os interesados en participar xa poden rexistrarse no relatorio, nun ciclo que cambiará o tradicional escenario presencial do IES Monte Castelo pola plataforma Zoom.
Con máis de 15 anos de experiencia e especializado en cirurxía do pé e podoloxía deportiva, Miguel Murias atende as necesidades dos deportistas profesionais do club mariñán dende hai máis dunha década. Entre os seus últimos traballos destacan o presentado en Moscova no Congreso Internacional de Cirurxía do Pé en...
leer más
O Concello de Ribado e BeOne poñen a disposición dos veciños e das veciñas unha aplicación gratuíta para adestrar e manterse en forma desde a casa nesta época de confinamento. Así o anunciou hoxe o alcalde, Fernando Suárez, Barcia.
O rexedor explicou que “desde o Concello de Ribadeo, a parte das outras cuestións nas que traballamos, estamos preocupados por estas medidas de confinamento. Os días van pasando e faise moi longo o tempo, a xente está a vivir entre catro paredes, e temos que poñer en práctica aquel dito latino que dicía mens sana in corpore sano, é dicir para estar ben mentalmente debemos ter o corpo ben. E para iso debemos facer deporte e para facer deporte na práctica totalidade dos casos é necesario saír e como non podemos facelo temos que aproveitar os recursos que a técnica ou a tecnoloxía nos permiten”.
... leer más
O concelleiro de Deportes, Jorge Díaz Freije, fai un balance moi positivo da acollida que están a ter as escolas deportivas que organiza o Concello. Nas doce que se ofrecen durante o inverno inscribíronse 447 nenas e nenos. E nas cinco que houbo no verán participaron 94 rapaces.
O edil nacionalista dixo que “ven de pecharse o prazo de inscrición das escolas deportivas de inverno, que son 12 especialidades e en total, entre nenos e nenas, hai 447 inscritos. E nas escolas de verán contaron con 94 participantes en total, repartidos entre as 5 especialidades que houbo. Polo tanto en total, entre as de verán e as de inverno, hai arredor 540 alumnos e alumnas”.
As modalidades das escolas deportivas de inverno que se están a impartir son: atletismo, baloncesto, fútbol, fútbol sala, hoquei liña, natación, pádel, patinaxe...
leer más
En Burela celebrarase a IV Semana do Deporte, que organiza o Concello, do 3 ao 7 de abril. Haberá talleres de iniciación ao atletismo para nen@s e ao xadrez para adultos, un clínic de pádel e outro de baloncesto no que participarán xogadores do Obradoiro, así como charlas e unha ruta de sendeirismo. O concelleiro de Deportes, Ramiro Fernández Rey, anima á veciñanza a acudir ás actividades programadas e agradece a participación das firmas colaboradoras. Na presentación, que tivo lugar este mediodía, participaron o alcalde, Alfredo Llano, e o concelleiro de Deportes, Ramiro Fernández Rey, xunto a representantes das distintas entidades colaboradoras e o técnico municipal de Deportes, Lucas.
Ramiro Fernández dixo que “desde o Concello, un ano máis, estamos moi orgullosos de que esta actividade siga saíndo adiante. É o cuarto ano e é unha...
leer más
O estadio Martínez Otero acollerá o vindeiro domingo, 14 de outubro, a homenaxe que o CD Foz lle renderá ao comercio de proximidade e á hostalaría local. O presidente do Centro Comercial Aberto, José Carlos Paleo, anima a asistir a este acto que terá lugar ás 16:45 horas, durante o encontro que disputarán o CD Foz e o San Tirso.
O CCA focense invitará a café a todos os asistentes a ese partido e sorteará 100 euros en vales en vales de compra para gastar nos establecementos asociados.
José Carlos Paleo sinalou que “para o comercio de proximidade é un recoñecemento moi importante que se teña en conta o esforzo que aporta a todas as actividades que axuda a financiar como festas, torneos deportivos, etc”.
O presidente do Centro Comercial Aberto lembra que “o comercio fai pobo, como di o...
leer más