Deportes
A Delegación de Deportes do Concello de Ribadeo organiza, xunto coa Federación Galega de Karate e o Club Karate Shito-Kai de Asturias e Galicia, un Curso de Kumite que se celebrará o 28 de setembro.
A actividade será impartida por Rubén Villaverde Canal, campión de España en catro ocasións en categoría individual e outras tantas por equipos. Rubén Villaverde foi ademais dez veces campión de Asturias, seis veces campión nacional do estilo Gensei ryu, subcampión de Europa Junior 98, terceiro clasificado junior 97 e campión de Europa cadete 95.
O curso desenvolverase no polideportivo de Ribadeo de 11:00 a 13:00 horas.
O concelleiro de Deportes, Francisco José Silvent, anima aos amantes desta disciplina “a acudir a esta cita o 28 de setembro, que será impartida por todo un experto na materia...
leer más
O Concello de Alfoz anuncia que a partir do 2 de setembro abrirase o prazo de inscrición para as actividades de apertura do CEIP. Este ano, o centro escolar continuará coa ampliación do horario no programa de Madrugadores, así como no horario de tarde a través das actividades de Ocio e Estudo (OES) e clases de Inglés.
Ademais, tamén se abrirán as inscricións para as Escolas Deportivas de Alfoz, nas que se ofrecerán actividades de fútbol, dirixidas especialmente a nenos e nenas en idade escolar.
“Resaltar a importancia destas actividades tanto para facilitar a conciliación das familias, como para promover unha vida saudable entre os máis novos mediante a práctica do deporte desde idades temperás” apuntan dende a área delegada de Igualdade e Deportes do Concello de Alfoz.
A primeira edición do torneo de balonmán 5x5 Concello de Viveiro celebrarase o sábado 7 e o domingo 8 de setembro no Pavillón Municipal de Viveiro, no cal participarán rapaces e rapazas de idades comprendidas entre os 6 e os 16 anos en dúas categorías: sub 12 e sub 16.
Está organizado polo Club Balonmán Viveiro e o torneo é de participación libre. A data límite de inscrición dos equipos é o domingo 1 de setembro.
Do 16 ao 30 de setembro estará aberta a inscrición nas escolas deportivas municipais de inverno do Concello de Ribadeo. En total son 12 as disciplinas ofertadas: atletismo, bádminton, baloncesto, fútbol, fútbol sala, hockei liña, natación, pádel, patinaxe, tenis, tenis de mesa e ximnasia rítmica.
O 16 de setembro darán comezo as escolas de fútbol e bádminton. O 18 será a quenda para o baloncesto, o día 23 iniciaranse as escolas de atletismo e fútbol sala e o día 30 a de tenis de mesa.
Xa en outubro o día 1 comezarán a escolas de ximnasia rítmica e patinaxe, o 3 empezará a de hockei liña, o 4 as de tenis e natación e o 7 de outubro a de pádel.
As inscricións deben realizarse na Casa da Xuventude.
O concelleiro de Deportes, Francisco José Silvent, anima “a...
leer más
A Asociación Deportiva de Sendeirismo Pasada das Cabras, de Burela, organiza unha nova ruta o domingo, 8 de setembro, para todos os afeccionados á natureza e ao sendeirismo. Nesta ocasión, será ata As Xanas, en Proaza, Asturias, para percorrer unha ruta de 8 quilómetros, de dificultade fácil e con traxecto lineal (ida e volta).
O prezo para participar é de 35 euros para os socios e 45 euros para os non socios, incluíndo o autobús, a comida e o seguro. A saída realizarase ás 8:00 da mañá dende a estación de autobuses de Burela. Recoméndase aos participantes levar bastón e calzado adecuado para garantir unha experiencia máis segura e cómoda.
As inscricións pódense realizar a través do grupo de WhatsApp da Asociación ou chamando aos números 666609875 e 676023177, antes do xoves 5 de setembro.
... leer más
Será ás seis da tarde no Campo Municipal Pepe Barrera. O Atlético Villalonga e o Real Oviedo (2 equipos de 2ª RFEF) mediranse neste trofeo organizado polo Ribadeo FC.
Desde o club local subliñan que “volve o fútbol feminino a Ribadeo, un trofeo que chegou para quedarse”.
O Concello xovense presentou o tradicional Torneo Concello de Xove de Fútbol, que terá lugar o sábado 31 de agosto ás 18:15 no Campo Municipal de Fútbol de Xove. No acto de presentación estiveron presentes Demetrio Salgueiro, alcalde do Concello de Xove, Cristina Iglesias, concelleira de Deportes, e Antonio Meitín, presidente da Unión Deportiva Xove-Lago.
Este torneo enfrontará ao equipo local UD Xove-Lago contra a UD Folgueiro, nun partido que promete emoción e competitividade. A entrada ao evento será gratuíta para todos os asistentes.
Ademais, o domingo 1 de setembro ás 19:00, tamén no Campo Municipal de Xove, disputarase un partido entre a UD Somozas e o Viveiro FC. Para este encontro, a entrada será gratuíta para os socios, mentres que os non socios deberán abonar un prezo de 10 euros.
O evento foi presentado esta mañá co Campo de San Francisco con asistencia do alcalde, Dani Vega, o concelleiro de Deportes, Francisco José Silvent, o xefe comercial de La Voz de Galicia en A Mariña e Ferrol, Luis García, o técnico municipal de Deportes, Iván López, así como representantes das empresas colaboradoras.
A concentración dos participantes está prevista para as 10:30 horas das inmediacións da Casa do Concello. E a saída está prevista para as 11 da mañá. Haberá camisetas de regalo para todos os participantes, así como outros agasallos doados por BeOne, Decathlon, Deportes Docobo, La Moda Sport, Cerezo Bikes, Pillabikes, Club Ciclista Eo e Hola Ola.
O Día da Bicicleta conta co patrocinio de Vegalsa. A xornada está promovida por La Voz de Galicia e RadioVoz.
Desde a Concellería...
leer más
As Escolas Deportivas de Lourenzá e o Concello organizan a vixésimo quinta edición do Día da Bici, que se celebrará estes venres, día 30 de agosto.
A saída do percorrido en bicicleta será desde a Praza do Conde Santo ás 17:00 horas, con destino á Cazolga, para facer un traxecto de 12 quilómetros, no que é obrigatorio usar casco. As inscricións para participar faranse na Praza do Conde Santo a partir das 16:00 horas.
O Concello do Vicedo organiza unha subida do río Sor en kaiaks para este mércores, día 28 de agosto, ás 10 horas.
O percorrido partirá do porto do Vicedo, cruzando a ría, pasando por debaixo das pontes sobre o Sor, visitando a Illa de San Martiño, en Negradas, e rematando, río arriba, nas Ribeiras do Sor. A volta realizarase en vehículos da empresa Actividades Estaca.
As inscricións para participar poden facerse a través do teléfono 982.59.01.95 ou do correo electrónico omix@concellodovicedo.org.