Alfoz
Os Concellos de Alfoz e O Valadouro veñen de asinar un convenio de colaboración para levar a cabo a actividade Noites de Campamento, dirixida á mocidade de 13 a 17 anos e que se desenvolverá do 26 ao 28 de agosto no entorno do CEIP Castro de Ouro (Alfoz).
Os organizadores explican que “esta iniciativa busca ofrecer unha experiencia única de convivencia, ocio e aprendizaxe en plena natureza, con actividades pensadas para fomentar a cooperación, a creatividade e o tempo libre saudable”.
As inscricións estarán abertas do 11 ao 18 de agosto en cada concello. Cada municipio contará con 15 prazas dispoñibles, que se cubrirán por orde de inscrición. As persoas interesadas poderán anotarse a través da sede electrónica do seu concello ou de forma presencial nas oficinas de rexistro.
Con esta...
leer más
A parroquia de Bacoi, no municipio de Alfoz, celebrará os días 14 e 15 de agosto as súas tradicionais festas na honra á Nosa Señora.
A festa comezará o xoves 14 ás 21:30 horas cunha churrascada e chourizada popular, que incluirá pan e bebida para os asistentes. A noite continuará coa música en directo do Dúo Zafiro, acompañados de Conxuro Discomóbil, que animarán o ambiente ata ben entrada a madrugada.
O venres 15 a programación comeza cun dos momentos máis solemnes da festa: a misa e procesión en honra á Nosa Señora ás 13:30 horas. A continuación terá lugar a sesión vermú coa actuación da orquestra Tokio, que poñerá música ao mediodía con temas do máis animado. A mesma orquestra Tokio será a encargada de dar vida á verbena do venres, que comezará as 21:00 horas, ofrecendo un espectáculo cheo de ritmo para...
leer más
O vindeiro domingo, 3 de agosto, ás 18:00 horas o Campo Municipal de Alfoz será escenario do II Memorial José Antonio Río, un emotivo encontro deportivo organizado polo CD Alfoz en colaboración co Concello de Alfoz, en lembranza dun dos veciños máis queridos e implicados no deporte local.
Nesta segunda edición, a SD Burela e a UD Somozas serán os equipos protagonistas dun partido amigable que se presenta como un auténtico espectáculo para os afeccionados ao fútbol da comarca e como unha merecida homenaxe a José Antonio Río.
Desde a directiva do CD Alfoz sinalan que “este memorial é unha forma de manter vivo o recordo dunha persoa que tanto fixo polo deporte e pola mocidade de Alfoz. Agradecemos aos clubs participantes o seu compromiso con esta iniciativa”.
O evento está aberto ao público...
leer más
A Asociación Cultural Xuvenil O Castelo organiza un ano máis a Festa dos Chóferes de Alfoz, que se celebrará esta fin de semana –do venres 1 ao domingo 3 de agosto e conta co apoio da Xunta de Galicia. Este mércores presentaron a programación nun acto no que participou o delegado territorial da Xunta en Lugo, Javier Arias.
Os actos centrais terán lugar o domingo. Ás 11:00 horas comezará a procesión polas parroquias do municipio dos vehículos participantes, que posteriormente serán bendicidos; outorgaranse premios aos mellores de cada categoría.
O programa inclúe verbenas todas as noites desde o venres, e sesión vermú o sábado e o domingo. Haberá unha zona de acampada e carpa con mesas e toma de corrente eléctrica para os que queiran desfrutar alí dos tres días de festa.
O venres na...
leer más
A parroquia de Lagoa, no concello de Alfoz, celebrará a feira e festas na honra a Santiago Apóstol e Santa Ana os días 24, 25 e 26 de xullo de 2025.
As actividades comezarán este xoves, día 24, ás 21:00 horas con sardiñada, torrezmada e chourizada (con servizo de mesas e bancos). A continuación haberá festa verbena co dúo Belinda e DJ Pataquiña.
O venres ás 13:00 horas celebrarase misa solemne e despois sesión vermú amenizada pola orquestra Magos de España, que tamén actuará na verbena.
E o sábado ás 13:00 horas haberá misa solemne e a continuación sesión vermú amenizada por unha banda de música e o dúo Crazy.
O recinto da festa estará cuberto con carpa, anuncia a organización, que corre a cargo da asociación veciñal San Vicente de Lagoa.
O Circuíto de Teatro Profesional da Vicepresidencia da Deputación de Lugo bota a andar coa actuación de Mircromina Títeres este sábado, 19 de xullo, en Alfoz.
A compañía mindoniense representará a obra Pasmo de pedra, unha comedia para publico infantil e familiar arredor da figura de Pardo de Cela. A actuación será ás 13.00 horas no Castelo de Castrodouro, no marco do Mercado Medieval de Alfoz.
A Vicepresidencia da Deputación de Lugo anuncia: “trátase da primeira actuación deste ciclo, co que dezaseis compañías lucenses xirarán ao longo do ano por distintas localidades da provincia, en colaboración con concellos e asociacións. Ademais de Mircromina Títeres, Trécola Producións, Xamón Producións, Ítaca Teatro, Ubú Teatro, Teatro do Miolo, Señor López Producións, Satori Teatro, Lîlâ Teatro, Bátega Teatro,...
leer más
Alfoz retrocede no tempo para celebrar o XXV Mercado Medieval, que terá lugar os días 18 e 19 de xullo ao redor do Castelo de Castrodouro.
O venres 18 ás 21:00 horas chegará o Mariscal e descubrirá a Lousa da Lembranza para conmemorar as 25 edicións deste mercado.
O sábado 19 ás 11:00 horas comezará a visita guiada Dende a ponte ao Castrodouro da man da guía Ana Pena.
Durante a fin de semana haberá obradoiros, xogos tradicionais, exhibicións de cetrería, ceas medievais e espectáculos teatrais e musicais para todas as idades.
"Artesanía, tradición, historia e moita festa nun ambiente que nos transporta ao século XV", anuncia o Concello de Alfoz.
A parroquia de Mor, en Alfoz, celebra as festas do Carme os días 13 e 16 de xullo, domingo e mércores.
A asociación veciña de Mor anuncia: “o próximo domingo, 13 de xullo, tedes unha cita no atrio de Mor: misa ás 13 horas; sesión vermú amenizada polo grupo Lume; en sesión de tarde baile amenizado polo Grupo Lume. Tamén contaremos con actividades gratuítas para os máis pequenos da casa”.
E o día do Carme, 16 de xullo, haberá misa ás 10 horas e ás 13:00, procesión e de seguido sesión vermú a cargo da banda de gaitas da Agrupación Cultural e Musical Dambara.
Alfoz acollerá a obra Punto en boca: entre fíos anda o lío, “un espectáculo teatral de Raquel Crespo que entrelaza emoción, música e historia”, anuncia o Concello. Será este sábado, día 12 de xullo, ás 20:30 horas na Casa da Cultura.
Da dramaturxia desta obra ocúpase Susana Crespo e a música é de Xosé Lois Romero.