Barreiros
O Concello de Barreiros, a través da súa Aula Mentor, abre o prazo de inscrición para unha nova convocatoria de cursos formativos en liña, totalmente gratuítos e dirixidos a persoas adultas que desexen mellorar as súas competencias profesionais e dixitais. O prazo de matriculación manterase aberto ata o 10 de novembro.
As persoas interesadas poden inscribirse ou solicitar máis información na Aula Mentor de Barreiros, a través do teléfono 666.87.59.46 ou no correo electrónico barreiros@aulamentor.es. As prazas son limitadas e ocuparanse por rigorosa orde de inscrición, explica o Concello de Barreiros.
Os cursos, cunha duración aproximada de 60 horas para facer en 2 meses a partir do 12 de novembro, impártense en liña e contarán con titorías personalizadas.
... leer más
Este sábado, día 25 de outubro, ás 19:00 horas os colexios vellos de San Miguel, no municipio de Barreiros, acollerán a representación da obra Cousas, a cargo da compañía Os Quinquilláns. Con entrada de balde ata completar aforo.
O Concello de Barreiros explica que se trata “dunha adaptación da coñecida obra de Castelao, chea de retranca, humor e costumbrismo galego, que mestura traxedia, farsa e comedia”.
Ademais no mesmo espazo continúa aberta a exposición titulada Sempre Galiza, que pode visitarse ata o 31 de outubro nos seguintes horarios: luns, martes e mércores, de 10:30 a 11:30 horas; e os xoves de 12:00 a 13:00 horas.
O Concello de Barreiros organiza actividades para celebrar o Día das Bibliotecas este venres, día 24 de outubro, e o martes 28.
“Con motivo do Día Internacional das Bibliotecas, o 24 de outubro, desde o Concello de Barreiros queremos poñer en valor estes espazos cheos de vida, historias e igualdade. Na Biblioteca Pública Municipal o venres 24 de outubro ás 12:00 horas, inauguración do Punto Lila coa doazón de libros dende a área de Igualdade do Concello de Barreiros. A partir deste día a biblioteca contará cun novo espazo onde se albergarán as obras escritas desde unha perspectiva que axude na concienciación sobre a violencia de xénero e á igualdade”, anuncia o Concello de Barreiros.
E na Biblioteca Rural de San Xusto o martes 28 de outubro ás 18:00 horas a área de Igualdade do Concello de Barreiros fará entrega...
leer más
O Centro Sociocultural Manuel Díaz Sampedro, de San Cosme de Barreiros, acollerá unha charla sobre as velutinas este venres, día 24 de outubro, ás 20 horas.
É unha actividade organizada polo Colectivo Cultural Ollomao, de Barreiros, que explica que “As Lambiscadas Científicas son charlas de divulgación científica para público xeral. Teñen unha duración aproximada dunha hora ou hora e media e realízanse a través de asociacións e colectivos locais. Están impulsadas por XuvenLab, en colaboración coa Área de Medio Rural, do Mar e Mocidade da Deputación Provincial de Lugo, dentro do proxecto Ciencia á Feira financiado pola FECYT. Trátase dun proxecto interxeracional, comunitario e itinerante, que leva o coñecemento científico a lugares onde habitualmente non chega, e sempre en diálogo coas realidades locais. E no noso caso escollemos...
leer más
O día 10 de novembro, luns, volverán en Barreiros as actividades dos obradoiros do programa Activamente.
O Concello de Barreiros anuncia: “se tes máis de 67 anos, estás xubilado/a con máis de 60 ou tes recoñecido un grao de discapacidade (e a actividade se pode adaptar), isto é para ti. Obradoiros semanais de aprendizaxe e lecer para manter a mente activa, facer novas amizades e pasalo en grande!”.
Desenvólvense durante 1 hora á semana e o prezo é de 10 euros.
Os luns serán nas Escolas Vellas de San Miguel de Reinante de 18:00 a 19:00 horas.
Os xoves terán lugar no Centro Social de Cabarcos de 15:00 a 16:00 horas e no Centro Social de San Xusto de 16:30 a 17:30 horas e nas Escolas Unitarias de San Cosme de Barreiros de 18:00 a 19:00 horas.
... leer más
Alentía Teatro representará en Barreiros a obra titulada Maleta aberta. Será este domingo, día 19 de outubro, no Centro Social de San Cosme, con entrada de balde.
“Comezamos a tempada coa compañía Alentía Teatro, que nos fará gozar coa obra Maleta aberta, unha comedia familiar chea de fantasía, risas e emoción. Unha obra que nos convida a mirar o teatro como un xogo, unha ferramenta para aprender a escoitar, respectar e convivir mentres nos deixamos levar polas historias que nos contaban os nosos avós e avoas cando eramos nenos”, anuncia o Concello de Barreiros.
Técnicos especialistas en medio ambiente formarán aos inscritos no programa de compostaxe domiciliaria municipal de Barreiros. O día 21 de outubro, martes, realizarase unha charla nas Escolas de San Cosme (ao lado do Concello) ás 19:00 horas. Nestas xuntanzas tamén se entregarán ás persoas participantes os kits de compostaxe compostos por un composteiro, cun caldeiro doméstico, un aireador, un termómetro, unha criba e unha guía de compostaxe.
O Concello de Barreiros explica que “esta iniciativa, que se desenvolve co obxectivo de promover a reciclaxe en orixe dos biorresiduos entre a veciñanza, conta co financiamento da Xunta de Galicia, no marco do Plan de recuperación, transformación e resiliencia, a través da Unión Europea NextGenerationEU e do propio Concello de Barreiros. Os veciños e veciñas que non se inscribiran e aínda estean...
leer más
Os colexios vellos de San Miguel de Reinante (Barreiros) acollerán do 17 ao 31 de outubro unha exposición que recolle a actividade política e literaria de Castelao desde o ano 1934, cando firma os seus primeiros artigos no desterro estremeño, ata 1944, ano da publicación da primeira edición de Sempre en Galiza e da fundación do Consello de Galiza, goberno galego no exilio do que precisamente Castelao foi o primeiro presidente, anuncia o Concello de Barreiros.
A iniciativa forma parte do programa conmemorativo 75 cabodano de Castelao (1950-2025), do Museo Provincial de Lugo, e conta coa colaboración da Vicepresidenta da Deputación de Lugo e do Concello de Barreiros.
A mostra poderá visitarse os luns, martes e mércores de 10:30 a 11:30 horas e os xoves de 12:00 a 13:00 horas.
... leer más
O concello de Barreiros acollerá tres cursos do programa É para Dixitalizarse, Lugo, unha iniciativa da Deputación Provincial dirixida a achegar a aprendizaxe dixital á poboación do ámbito rural e favorecer o uso das novas tecnoloxías na vida diaria.
Os cursos, totalmente gratuítos, impartiranse na aula CeMIT de Barreiros os luns, martes e xoves de 10:00 a 12:00 horas e serán os seguintes: Informática básica; do 27 de outubro a finais de decembro; Certificados dixitais, durante o mes de xaneiro; e Banca electrónica, ao longo do mes de febreiro.
As persoas interesadas poden informarse e reservar praza no teléfono 666.875.946 ou na propia aula CeMIT de Barreiros.
O Concello de Barreiros destaca que esta programación “supón unha oportunidade para seguir avanzando na inclusión...
leer más
O Concello de Barreiros programa sete representacións teatrais desde este mes de outubro ata decembro, “unha nova programación teatral chea de boas historias e moita vida sobre o escenario”. Todas as funcións serán ás 19:00 horas con entrada libre.
O domingo 19 de outubro Alentía Teatro ofrecerá a obra Maleta aberta no Centro Social de San Cosme; o sábado 25 de outubro, Os Quinquilláns con Cousas nos Colexios Vellos de San Miguel; o domingo 2 de novembro, Avelaiña Teatro con A Lola no Centro Social de San Cosme; o sábado 8 de novembro, Bátega Teatro con O pano nos Colexios Vellos de San Miguel; o sábado 22 de novembro, Tarabela Creativa con Vaites rapariga! no Centro Social de San Cosme; o domingo 14 de decembro, Lume Escénico con Activ@s no Centro Social de San Cosme; e o sábado 20 de...
leer más