Barreiros
Barreiros recibe a maleta viaxeira (MAVI) pola igualdade e contra a violencia machista. A iniciativa promovida pola Subdelegación do Goberno achega libros sobre feminismo, violencia machista, empoderamento e autoestima das mulleres.
A alcaldesa, Ana Ermida, acompañada polas concelleiras do goberno, Carmen Veiga e Montse Porteiro, recibiu de mans da subdelegada do goberno, Isabel Rodríguez, a Maleta Viaxeira, que estará en Barreiros ata despois do verán.
A alcaldesa agradeceu á subdelegada que escolleran Barreiros para achegar esta iniciativa que “permite acceder a lecturas que facilitan coñecer e acadar un pensamento crítico sobre esteoreotipos e roles de xénero que perpetúan o patriarcado e o machismo estrutural que se manifesta do peor xeito posible na violencia machista.”
A maleta que...
leer más
O Concello de Barreiros organiza unha vez máis os esperados Campamentos de Verán para crianzas nadas entre o 01/01/2012 e o 31/12/2020. Serán no CEIP San Cosme con prazas limitadas. O prazo de inscrición estará aberto desde o 28 de maio ata o 7 de xuño.
Desenvolverase nos días laborais dos seguintes períodos: +Concilia Xuño, do 24 o 28 de xuño; campamentos de verán, do 1 de xullo do 2024 ata o 31 de agosto do 2024, en quendas de 15 días naturais; e +Concilia Setembro, do 2 o 6 de setembro.
Ademais, para facilitar a conciliación familiar amplíase o horario de entrada de 9:00 a 9:30 horas para aquelas familias que o precisen antes do comezo oficial do campamento. Durante ese tempo as crianzas serán custodiadas e vixiadas pero sen ter actividades programadas.
Cáritas Diocesana de Mondoñedo-Ferrol organiza para este sábado, 25 de maio, a primeira Andaina Solidaria A Mariña Memorial Carmela Primo. Será en Barreiros ás 11:00 horas.
Farase unha ruta circular de 6 quilómetros, con saída e chegada á praia de Coto, en Barreiros. Ás 09:00 horas sairá un autobús para as persoas participantes desde Viveiro e fará paradas en Xove, San Cibrao, Burela e Foz ata Barreiros.
Todos os fondos recadados irán destinados á atención a persoas vulnerables.
As persoas interesadas poden obter máis información no teléfono 652.15.01.54.
Nesta iniciativa de Cáritas colabora o Concello de Barreiros.
Este domingo, 26 de maio, ás 12:00 horas celebrarase en Barreiros a cuarta edición do recital poético-musical "Versos na a Baixamar". Terá lugar no exterior das escolas de Reinante e, en caso de mal tempo, trasladarase aos colexios vellos de San Miguel.
O recital contará coa participación de recoñecidas figuras do panorama literario e musical galego como son a poeta e xornalista Eva Veiga, a cantante Uxía, a escritora Beatriz Dourado e a escritora local Lucía Ferro. O acto será conducido polo polifacético escritor, poeta e narrador Lois Pérez.
Durante o evento farase entrega dos premios do certame de narración e debuxo Letras galegas 2024 convocado pola Biblioteca Pública Municipal de Barreiros. Ademais, a orquestra infantil de Sinfónico no Rural na que participan nenas e nenos de Barreiros, ofrecerá unha...
leer más
Vilamar, en Barreiros, celebrará as festas na honra de San Xulián esta fin de semana, desde o venres 24 ata o domingo 26.
As actividades comezarán o venres 24 ás 21:30 horas cunha “pulpada e churrascada” a partir das 21:30 horas. A continuación haberá festa verbena amenizada polo grupo Lume e Xilo e Carlos Manteiga.
O sábado 25 ás 13:30 horas celebrarase a misa e despois procesión e sesión matinal a cargo do dúo Son de festa. É as 22:30 horas empezará a verbena, que amenizarán as orquestras Metrópolis e Finisterre.
E o domingo 26 desde as 14:00 horas haberá sesión matinal amenizada polo dúo Belinda e a discoteca móbil The Sound Project e sesión vermú longa con degustación de xamón cocido e chourizos gratis.
A organización destaca que contan con amplos...
leer más
O Concello de Barreiros celebra una nova edición dos seus mercadiños estacionais. Será na Praza do Concello e o horario de apertura será de 11 da mañá a 8 da tarde.
Neste caso o Mercadiño na Primavera achegará ata a Praza do Concello produtos de calidade e proximidade en máis de 30 postos que encherán a praza de vida acompañados de actividades durante todo o día. Aos postos, que van desde alimentación a artesanía ou ornamentación, acompañaranos diferentes actividades e actuacións en directo durante a xornada.
O horario previsto para as mesmas é o seguinte:
Ás 12:30 horas actuación do grupo Os Mustélidos, que interpreta versións de temas coñecidos. Á mesma hora comezarán degustacións, de balde ata rematar existencia, tanto de minihamburguesas de Porco Celta, a cargo das ganderías Celtagal...
leer más
O Concello de Barreiros presenta as súas actividades para o mes das letras. A programación de maio comeza este sábado, día 11, coa obra de teatro “Trepa, Tripa e Tropa”, do grupo O Centiño. Será ás 19horas no Centro Sociocultural de San Cosme.
A fin de semana do 17 de maio haberá un obradoiro de ilustración para crianzas; o Concerto das Letras Galegas das agrupacións barreirenses (Coro Airiños do Mar e O Arco da Vella Infantil); unha xornada formativa sobre a velutina e o Mercadiño na Primavera.
No domingo 26 volverá o recital poético musical “Versos na Baixamar”, no que tamén actuará a orquestra infantil do Sinfónico no Rural, na que participan nenos e nenas de Barreiros.
E o peche do mes será cun concerto didáctico dirixido aos centros de ensino que levará a cabo a Escola de Música de...
leer más
Hoxe tivo lugar a presentación do agardado "Campus de Verán Fundación Celta by Cabreiroá 2024" no Concello de Barreiros. O evento contou coa presenza da alcaldesa, Ana Ermida; e o concelleiro de dinamización e participación veciñal, Dani García, xunto co coordinador da Fundación Celta de Vigo, Manu Gómez, e membros das directivas dos equipos locais colaboradores.
Dirixido a nenos e nenas de 4 a 16 anos, tanto do municipio como doutras localidades, o campus ofrece a oportunidade de mellorar a súa formación futbolística a través das metodoloxías lúdico-educativas de adestramento da canteira do RC Celta. Ademais, fomenta valores como o compañeirismo, a superación, xunto cunha educación integral.
O campus desenvolverase en Barreiros do 29 de xullo ao 2 de agosto, nos campos de fútbol dos equipos locais, Celta de...
leer másOllomao, de Barreiros, convoca o Concurso de reels pola igualdade, especialmente dirixido á mocidade
"Ollo, cámara... Acción: reels pola igualdade" é o nome do certame que vén de convocar o Colectivo Cultural Ollomao, de Barreiros, cuxo eixo temático central e principal cuestión a reivindicar é a igualdade real e efectiva entre as persoas de diferente xénero.
A participación no concurso está dirixida a calquera persoa desde os 12 anos (ou a cumprir neste 2024) e matriculada nun centro de ensino, que desexe participar. As pezas presentadas a concurso deberán ser pequenos vídeos de non máis de un minuto de duración, que empreguen o galego e nos cales se defenda a erradicación da desigualdade de xénero ou se mostren en clave positiva exemplos de situacións dunha igualdade real. Os reels ou microvídeos, tan empregados en redes sociais como Instagram ou Tik Tok, son parte da inspiración deste concurso, que busca contribuír a viralizar a importancia dunha sociedade...
leer más
O Praias de Barreiros Club Deportivo celebrará a súa cea baile desta tempada 2023-24 o sábado 11 de maio ás 21:30 horas no restaurante A Ribeira, de Benquerencia.
A organización anuncia: “se queres volver a desfrutar desa noite fantástica na que se xunta toda a familia verde, xa podes mercar a túa entrada no propio restaurante A Ribeira, a través de calquera membro da directiva ou a través de calquera das nosas canles e redes sociais. Date présa, pois o aforo é limitado e non queremos que te perdas esta gran cita. Para amenizar a velada contaremos coa presenza da Discomovil EvenTeC, que de seguro que nos fará baixar ben a comida con uns bailes”.
O prezo da entrada son 30 euros para os adultos e 15 euros para os menores de 10 anos.