Burela
A Asociación Deportiva de Sendeirismo Pasada das Cabras, de Burela, organiza unha nova ruta o domingo, 8 de setembro, para todos os afeccionados á natureza e ao sendeirismo. Nesta ocasión, será ata As Xanas, en Proaza, Asturias, para percorrer unha ruta de 8 quilómetros, de dificultade fácil e con traxecto lineal (ida e volta).
O prezo para participar é de 35 euros para os socios e 45 euros para os non socios, incluíndo o autobús, a comida e o seguro. A saída realizarase ás 8:00 da mañá dende a estación de autobuses de Burela. Recoméndase aos participantes levar bastón e calzado adecuado para garantir unha experiencia máis segura e cómoda.
As inscricións pódense realizar a través do grupo de WhatsApp da Asociación ou chamando aos números 666609875 e 676023177, antes do xoves 5 de setembro.
... leer más
A Asociación Española Contra o Cancro en Lugo organiza un taller de ioga en Burela para pacientes e familiares. O Concello colabora coa AECC Lugo na organización deste obradoiro, que terá lugar todos os luns de 12:00 a 13:00 horas. Será na sala multiusos da Casa da Cultura de Burela con entrada de balde.
As inscricións poden facerse a través do número de teléfono 658.872.196 ou do correo electrónico lugo@contraelcancer.es.
Burela celebrará do martes 27 de agosto ao venres 30 a súa Festa do Verán. Será na Praza do Concello, con entrada de balde, e nela haberá deslizadores acuáticos e moito máis.
O horario do martes será de 16:30 a 20:00 e nos días restantes de 11:30 a 14:00 e de 16:30 a 20:00 horas.
A asociación deportiva de sendeirismo Pasada das Cabras convoca a todos os afeccionados ao sendeirismo a participar na ruta nocturna entre Fazouro e Burela, que terá lugar o vindeiro sábado, 24 de agosto.
A actividade comezará coa saída en tren desde a estación de Burela ás 21:40 horas, en dirección á de Fazouro. Unha vez alí, os participantes emprenderán o camiño de volta a pé ata Burela, nunha ruta de 10 quilómetros de dificultade baixa.
O prezo para participar é de 5 euros, e inclúe a viaxe en tren e unha chocolatada á chegada, que se servirá na cafetería Boas Migas. Para garantir a seguridade dos sendeiristas recomendase levar chaleco reflector e lanterna.
As inscricións pódense realizar no grupo de WhatsApp da asociación ou a través dos números 666609875 e 676023177, antes do xoves...
leer más
O Concello de Burela acollerá, na Casa da Cultura, a exposición “Luces de Alén Mar. As Escolas de Americanos en Galicia”. Esta mostra do Consello da Cultura Galega será inaugurada o martes 20 de agosto ás 20:00.
O acto de presentación contará coa presenza de Rosario Álvarez Blanco, presidenta do Consello da Cultura Galega, e da burelá Emilia García López, responsable de Acción Exterior da mesma institución.
Esta exposicíón encádrase dentro da conmemoración do centenario das coñecidas como "Escolas Vellas" de Burela, e estará na Sala de Exposicións da Casa da Cultura ata o 10 de Setembro.
"Cremos que é unha boa oportunidade contar con esta exposición dunha entidade do prestixio como é o Consello da Cultura Galega, e especialmente facelo da man da súa presidenta Rosario Álvarez e dunha...
leer más
Burela acolle este xoves, día 15 de agosto, unha actividade de surfskate organizada polo Burela Surf Club na Praza do Concello.
Tratase dunha actividade gratuíta dirixida a maiores de 12 anos, que consiste nunha simulación dos movementos do surf tradicional no asfalto. Desenvolverase entre as 16:30 e as 19:00 horas.
O presidente de Burela Surf Club, Iván Penelo, sinala que o surfskate “axuda a ter un maior control e axilidade, para logo poñer ditos movementos en práctica na auga. Ademais serve para desprazarse polas rúas como se foses surfeándoas. Se queredes comezar a surfear o asfalto non vos perdades esta actividade, o voso primeiro tubo será na praza do Concello de Burela”.
Esta actividade encádrase no proxecto Ondas Limpas do Concello de Burela, financiado polo GALP A Mariña Ortegal...
leer más
O Concello de Burela organiza un torneo 3x3 de fútbol os días 20 e 21 de agosto, martes e mércores, na Praza da Mariña a partir das 19:30 horas.
Haberá 4 categorías: sub 10, sub 12, sub 14 e sub 16. As inscricións deben facerse na Casa da Xuventude ata o día 19 de agosto, de 9 a 14 horas.
O Concello de Burela destaca que “hai previsión dun gran número de equipos participantes”.
Burela acollerá un dos concertos do festival Bal y Gay de música clásica na Mariña lucense. Será o que darán a soprano RuthIniesta e o pianista JavierCarmena o 16 de agosto.
O concerto terá lugar no auditorio da Casa da Cultura de Burela ás 20:30. Aínda hai entradas dispoñibles, a un prezo de 20€ na páxina web do festival, no enderezohttps://entradas.festivalbalygay.com/
O festival está organizado pola Fundación Bal y Gay e comezou no día de onte, 8 de agosto. Desenvolverase ata o día 23 en diferentes puntos repartidos por toda a Mariña.
"Despois do primeiro encontro coral Mariñaencanto, que tivo lugar en Burela en abril da man da fundación Xesús Bal y Gay, é un placer poder colaborar de novo coa fundación nesta XI edición do festival de música clásica",...
Socias y socios de la pasada temporada del Pescados Rubén Burela FS ya pueden renovar sus abonos para la temporada 24-25 y elegir su asiento favorito.
Para conservar el asento de la temporada 23-24 el prazo finaliza el 19 de agosto.
A partir del 20 de agosto los asientos no renovados quedan liberados.
Más información sobre cuotas, precio entradas, días del club... en el siguiente enlace: https://burelafs.org/gl/o-club/socios/
Enlace para renovar el abono: https://app.cluber.es/clubes/18e225bc917ef0c07cc1eaa25747338de7db771f/al...
A partir del 22 de agosto comenzará la campaña de nuevas altas.
O Concello de Burela organiza o que será o seu I Torneo Social de parchís por parellas. Celebrarase o día 31 de agosto na praza do Concello a partir das 10:00.
A partir de mañá, venres 9 de agosto, as persoas interesadas poderanse inscribir na Casa do Concello en horario de 9:00 a 14:00, e oprazo rematará odía 14 de agosto.
Como máximo poderán participar un total de 16 parellas, que serán seleccionadas por orde de inscrición. As dúas parellas finalistas gañarán un trofeo doado pola asociación Saúde Mental A Mariña.
"O noso obxectivo principal é fomentar a convivencia e o entretemento entre veciñas e veciños, así como promocionar os xogos tradicionais como o parchís", sinala a concelleira de Igualdade e Servizos Sociais, Sandra Fernández.
Pola súa banda, a...
leer más