Concerto
O auditorio da Casa da Cultura da Pontenova acollerá o Concerto de Nadal da Escola Municipal de Música pontenovesa este domingo, 17 de decembro, ás 19:00 horas.
A Banda de Música O Landro de Viveiro ofrecerá un concerto de Nadal o sábado 23 de decembro ás 20:30 horas no Teatro Pastor Díaz, de Viveiro.
Esta actuación leva por título “Polo Nadal, solistas!” e a entrada é de balde.
Está organizado pola Banda de Música O Landro de Viveiro coa colaboración da Concellería de Educación do Concello de Viveiro.
O XXXII Concerto de Panxoliñas organizado pola Coral Polifónica de Burela celebrarase este domingo, 17 de decembro, ás 20:00 horas no auditorio da Casa da Cultura burelesa.
Ademais da organizadora actuarán a Coral Polifónica de Ribadeo e a Coral Polifónica Alborada, de Viveiro.
O Concello de Alfoz organiza un Concerto de Nadal para o día 9 de decembro ás 19:00 horas no salón de actos da Casa de Cultura.
Os asistentes poderán gozar do repertorio de Nadal da Banda de Música de Lourenzá.
A entrada é libre e de balde.
A Banda Municipal de Música de Ribadeo, que dirixe David Ballester Martínez, estreará varias pezas e incorporará novos músicos no concerto para celebrar Santa Cilla. Será o 25 de novembro, sábado, ás 20:30 horas no Teatro.
O director da formación explica que “despois das pequenas vacacións que tivo a Banda Municipal de Música de Ribadeo tralas festas patronais retomamos os ensaios a finais de setembro para preparar a actuación que temos o sábado 25 de novembro ás oito e media da tarde no Teatro, que é o concerto da patroa dos músicos: Santa Cilla, Santa Cecilia ou Santa Icía, como se lle chama en diferentes lugares. Para esta actuación temos o pracer de poder dicir que vamos incorporar novos músicos. Vai estar dividida en dúas partes porque sempre no concerto de Santa Cilla algún dos músicos da banda toca como solista, pero desta volta...
leer más
O salón de Actos do Centro Sociocultural, Xuvenil e da Terceira Idade Manuel Lourenzo, de Ferreira do Valadouro, acolle un concerto para celebrar Santa Icía (a patroa da música) este domingo, 19 de novembro, ás 19:00 horas.
Actuarán a Banda de Música de Lourenzá e a Banda Xuvenil de Lourenzá Pituband. A entrada é de balde.
É unha actividade incluída na programación cultural do Concello do Valadouro.
A Banda de Música O Landro ofrece un concerto na honra de Santa Icía o 18 de novembro, sábado, ás 20:30 horas no teatro Pastor Díaz, de Viveiro. A entrada é de balde.
A organización anuncia que será “un concerto tan especial coma fascinante baseado na investigación do musicólogo Javier Franco Juiz e narrado por el mesmo. Interpretaranse xoias do arquivo musical dunha banda de música con máis dun século de vida e baixo a dirección de Rodrigo Rodríguez Rodríguez”.
A cantante tinerfeña Ana Guera ofrecerá este xoves, día 9, un concerto en Ribadeo. O alcalde, Dani Vega, asegura que se trata dunha aposta clara pola música en directo e pola cultura.
O rexedor contou que “este xoves, día 9, recibiremos en Ribadeo a Ana Guerra, que nos deleitará coa súa voz no auditorio municipal Hernán Naval a partires das 20:30 horas”.
Vega explicou que “Ana Guerra chega da man de Cadena Dial, á que lle queremos dar as grazas polo seu traballo e pola súa colaboración co Concello de Ribadeo para facer posible este concerto, que será gratuíto. É unha aposta clara pola música en directo e pola cultura, en definitiva”.
O alcalde dixo que “todas aquelas persoas que desexen asistir a este concerto o único que teñen que facer é retirar os seus convites, en horario de mañá...
leer más
A Coral Polifónica de Ribadeo ofrecerá un concerto a beneficio da Asociación Española Contra o Cancro no Teatro ribadense este sábado, 4 de novembro, ás 20:30 horas.
Esta actuación da Coral Polifónica de Ribadeo, que preside Gloria Rodríguez Saavedra e dirixe Mari Carmen Rodríguez Cancelo, leva por título Música para a escena.
O prezo da entrada solidaria é de 5 euros.
O Teatro Pastor Díaz, de Viveiro, albergará un concerto polo Día das Artes Galegas 2023 dedicado ao autor medieval galego Martín Codax. Esta homenaxe está organizada pola Real Academia Galega de Belas Artes.
O concerto comezará ás 20:00 horas deste xoves, día 2 de novembro, e a entrada será libre ata completar capacidade. A música estará a cargo da soprano Beatriz Riobó e do pianista Alejo Amoedo.
Os artistas interpretarán as “Cantigas de Martín Codax” na versión de Margarita Viso; “Soedades”, de Marcial del Adalid, a partir dun texto popular; “As lixeiras anduriñas”, de Juan Montes con texto de Salvador Golpe; “Cantiga”, de José Castro Chané con texto de Curros Enríquez; e “Mayo longo”, de José Baldomir con texto de Rosalía de Castro. O acto contará tamén coa introdución “Martín Codax, a identidade da música galega”, a...