Ruta
A Asociación de Sendeirismo Terras de Lourenzá organiza para o día 21 de Marzo, sábado, un percorrido polo municipio asturiano de Grandas de Salime. A distancia a percorrer son 14 quilómetros e a dificultade é baixa. Ao rematar a camiñada os participantes xantarán e despois visitarán o Museo Etnográfico de Grandas de Salime.
A saída será ás 08:00 horas desde o Cantón de Vilanova de Lourenzá e as inscricións deben facerse antes das 14:00 horas do mércores 18 de marzo. O prezo é de 50 euros para os socios do colectivo organizador e de 55 euros para os que non o son.
O Concello de Trabada pon en marcha unha nova edición das rutas de sendeirismo organizadas en colaboración coa asociación Trabada paso a paso. Contará con cinco actividades ao longo do ano 2026. A primeira das rutas terá lugar o domingo 29 de marzo e consistirá nun percorrido polo Camiño Norte de Santiago, cunha distancia aproximada de 8 quilómetros e dificultade media.
“A actividade partirá do concello veciño de A Veiga (Asturias) e rematará na parroquia da Ría de Abres, seguindo o trazado do Camiño de Santiago. A saída está prevista ás 10:00 horas desde o centro social da Ría de Abres. A inscrición é gratuíta e poderá realizarse ata o 26 de marzo nas oficinas do Concello de Trabada ou a través do teléfono 982 135 011. Desde a organización lembran tamén que será obrigatorio o uso de chaleco reflectante durante o percorrido. Ao finalizar a...
leer más
A Asociación Deportiva de Sendeirismo Pasada das Cabras, de Burela, fará a Ruta dos Grobos, no municipio lucense de Becerreá, este domingo, día 15 de marzo. O prezo é de 30 euros para os socios do colectivo organizador e de 40 euros para os que non o son. Inclúe autobús, comida e seguro. A saída será ás 08:00 horas desde a estación de autobuses de Burela.
É unha ruta de dificultade moderada, con 9 quilómetros de percorrido. A organización recomenda levar bastón e calzado apropiado.
As persoas que queiran participar deben anotarse antes deste xoves, 12 de marzo.
A Asociación de Sendeirismo Terras de Lourenzá organiza para o día 15 de febreiro, domingo, un percorrido pola Ruta del Estraperlo, no municipio asturiano de Vegadeo. A distancia a percorrer son 13 quilómetros e a dificultade é media. Ao rematar a camiñada os participantes xantarán un cocido de Entroido.
A saída será ás 08:00 horas desde o Cantón de Vilanova de Lourenzá e as inscricións deben facerse antes das 14:00 horas do mércores 11 de febreiro. O prezo é de 50 euros para os socios do colectivo organizador e de 55 euros para os que non o son.
O día 8 de marzo, domingo, partirá de Ribadeo a quinta edición da ruta Camiño do Mar Concello a Concello. No Pazo de Ibáñez tivo lugar este martes a presentación, na que participaron o alcalde, Dani Vega; a concelleira de Turismo, Marta Saiz; o presidente da asociación de Amigos del Camino del Mar (organizadora do evento), Manuel Vicente; e a presidenta de Acisa, Carmen Cruzado.
Manuel Vicente indicou: “eu creo que o Camiño do Mar é unha oportunidade non só para a Ribadeo, senón para a toda comarca e un pouco tamén recuperar a hospitalidade que sempre tivo Ribadeo, a hospitalidade que sempre tivo a comarca, e é invitar a toda a xente que poida a participar nesta quinta edición do Camiño do Mar Concello a Concello para recorrer os 280 quilómetros, contando coa colaboración de todos os concellos polos que pasa o Camiño do Mar. Agradecervos...
leer más
A Asociación de Sendeirismo Terras de Lourenzá organiza para o día 18 de xaneiro, domingo, unha ruta no municipio coruñés de Ortigueira, concretamente polo tramo do Camiño Natural do Cantábrico desde o banco de Loiba ata o paseo marítimo de Espasante. A distancia a percorrer son 12 quilómetros e a dificultade é baixa. Ao rematar a camiñada os participantes xantarán nun restaurante.
A saída será ás 08:00 horas desde o Cantón de Vilanova de Lourenzá e as inscricións deben facerse antes das 14:00 horas do xoves 15 de xaneiro. O prezo é de 45 euros para os socios do colectivo organizador e de 50 euros para os que non o son.
A Asociación de Sendeirismo Terras de Lourenzá organiza un percorrido pola Ruta do Muiñeiro Namorado, no municipio da Pontenova para este sábado, día 13 de decembro. A distancia a percorrer son 9 quilómetros e a dificultade é baixa. Ao rematar a camiñada os participantes xantarán no restaurante O Lar de Balbina.
A saída será ás 09:00 horas desde o Cantón de Vilanova de Lourenzá e as inscricións deben facerse antes das 14:00 horas do mércores 10 de decembro. O prezo é de 35 euros para os socios do colectivo organizador e de 40 euros para os que non o son.
O colectivo Pensamento e Sementeira organiza unha ruta ata as minas da Silvarosa, no municipio de Viveiro, para este sábado, día 22 de novembro.
A actividade comezará ás 10.00 horas no punto de encontro, que será no campo de fútbol das Douradas (Vieiro). A duración estimada é de 3 horas e media. É gratuíta para as socias do colectivo organizador e as persoas non socias deberán pagar 5 euros.
“Imos achegarnos ás minas da Silvarosa e coñecer a súa historia da man de Boris Vilar, de Rutas Galicia Norte. Esta ruta leváranos a percorrer uns 7 quilómetros polo patrimonio mineiro do noso concello e coñecer a historia que, co paso do tempo e o abandono progresivo da mina, foi quedando no esquecemento. Se che gusta a natureza, a historia do noso patrimonio e as andainas, esta é a túa actividade ideal para desconectar e...
leer más
O Centro de Iniciativas Turísticas (CIT) da Pontenova organiza un percorrido pola ruta do antigo tren mineiro no concello de Ribadeo para este sábado, día 22 de novembro.
A actividade comezará ás 9:45 horas coa concentración dos participantes no Cargadeiro (Ribadeo), onde se repartirán as mochilas conmemorativas con auga e un petisco. A organización explica que “cada participante organizará pola súa conta o desprazamento ata o Cargadeiro de Porto Estreito (Ribadeo)”.
Ás 10:00 horas comezará o percorrido interpretativo seguindo o trazado do tren, que rematará ás 14:00 horas. A distancia é de 5,6 quilómetros e trátase dunha ruta con dificultade baixa.
A organización anuncia que “esta actividade está limitada a 25 participantes, por rigorosa orde de inscrición. Para inscribirse deberase...
leer más
Este domingo, día 16 de novembro, a Praza dos Fornos, na Pontenova, acollerá un magosto con ruta de sendeirismo. A actividade está organizada polo Concello e o Centro de Iniciativas Turísticas (CIT).
As actividades comezarán ás 10:00 horas coa concentración dos participantes na Praza dos Fornos, ás 10:15 sairán os autobuses cara ao punto de comezo da ruta e para as 14:00 horas está prevista a chegada á Praza dos Fornos, onde se fará o xantar con empanada e castañas asadas
Para participar hai que apuntarse previamente. O prezo é de 7 euros por persoa (inclúe transporte, seguro e xantar). A data límite de inscrición é o xoves 13 de novembro.
“Ven desfrutar dunha xornada de outono chea de sabor, natureza e boa compañía!”, din os organizadores do evento.