Festa
O Concello de Burela presentou a súa tradicional Festa Fin de Verán, unha programación lúdica que se celebrará na Praza do Concello entre os días 23 e 26 de agosto. A iniciativa incluirá inchables e atraccións acuáticas, dirixidas ao público infantil e xuvenil con acceso gratuíto.
As actividades comezarán o sábado 23 de agosto, en horario de 16:00 a 19:30 horas. Os días 24, 25 e 26 de agosto a programación ampliarase con sesións de mañá e tarde, que terán lugar de 11:30 a 14:00 horas e de 16:00 a 19:30 horas.
O Concello de Burela explica que o obxectivo do evento é “ofrecer un espazo de ocio familiar e pechar a tempada estival cunha proposta aberta a toda a veciñanza e visitantes”.
A tradición e a festa únense de novo na IX Festa da Malla da Pontenova, que se celebrará o 23 de agosto.
A xornada arrincará ás 12:00 horas co comezo da malla tradicional, unha recreación que permite revivir un dos labores máis característicos do rural galego.
Ás 13:30 horas, celebrarase a sesión vermú, amenizada por JJ Compota (ex compoñente da orquestra París de Noia) e María García Caamaño (ex vocalista da orquestra Filadelfia). Seguidamente, ás 14:30 horas, terá lugar a gran comida popular, co menú composto por empanada, xamón cocido, churrasco, chourizos criollos e roxos, bebida, sobremesa e café. O prezo para os adultos é de 20 euros e para os nenos de ata 12 anos só custará 12 euros. Os tíckets poden recollerse ata o 22 de agosto en Zapatería Orli, Librería Eugenia e Pada.
Pola...
leer más
Este xoves, día 14 de agosto, terá lugar a VII Festa do Ovo Frito, que organiza o Celta Barreiros coa colaboración do Concello. Será no campo de fútbol do Cascabeiro a partir das 19:30 horas.
O menú consistirá en 2 ovos, 1 chourizo, patacas fritas, pan e para beber viño, cervexa e auga. O prezo será de 12 euros por persoa. E de 10 euros para aqueles que retiren os tíckets de xeito anticipado no bar Miramar, de San Cosme, en Casa Melva ou a través dos membros da organización, chamando ao teléfono 659.392.666.
Na VII Festa do Ovo Frito haberá verbena a partir das 21:30 horas amenizada polo Dúo Epo-K e ás 00.00 horas actuará Alejandro Martínez.
Desde o CF Celta Barreiros animan “a achegarse ao Cascabeiro este xoves, día 14, a saborear unha exquisita cea e a pasar unha tarde-noite diferente...
leer más
Cervo será o escenario da XVIII Festa do Ovo Frito este xoves, día 14 de agosto. A cita está organizada por Airiños do Xunco e Cabaleiros da Bidueira, coa colaboración do Concello, e foi presentada pola alcaldesa de Cervo, Dolores García Caramés; a concelleira Mali Méndez, o edil Adrián Arias e unha representación destas dúas asociacións que se encargarán da “tradicional cita do verán cervense que cada ano reúne a milleiros de persoas que se achegan ata as inmediacións da Praza do Souto para degustar este manxar”, anuncia o Concello de Cervo.
Desde a organización precisan que se comezarán a servir as racións de ovos, patacas, chourizo, pan e bebida a partir das 20:00 horas, a un prezo de 7 euros.
A cita estará amenizara pola charanga Santa Compaña e pola Disco Móbil Conxuro e teñen previstos 8.000 ovos e 4.000...
leer más
Este xoves, día 31 de xullo, tivo lugar a presentación da XIII edición da Festa Normanda de Foz, que se celebrará os días 28, 29, 30 e 31 de agosto. A esta presentación acudiron representantes do Concello de Foz, da Deputación de Lugo e da Xunta de Galicia.
A organización da festa anuncia: “contamos este ano co coñecido muralista Diego As, que é o artífice do deseño do cartel, un cartel sorprendente e cunha forte carga emocional. Tamén adiantamos moitas novidades nesta edición, como a representación no Bispo Santo, que se fará de forma profesional, guionizada e dirixida pola xa coñecida Marta Pérez, coñecida pola súa obra Agnódice, representación que leva a cabo na romaría Viquinga de Catoira. E desde esta presentación convidamos a todos e todas a que nos acompañen e gocen un ano máis con todos nós de representacións teatrais,...
leer más
A Asociación Cultural Xuvenil O Castelo organiza un ano máis a Festa dos Chóferes de Alfoz, que se celebrará esta fin de semana –do venres 1 ao domingo 3 de agosto e conta co apoio da Xunta de Galicia. Este mércores presentaron a programación nun acto no que participou o delegado territorial da Xunta en Lugo, Javier Arias.
Os actos centrais terán lugar o domingo. Ás 11:00 horas comezará a procesión polas parroquias do municipio dos vehículos participantes, que posteriormente serán bendicidos; outorgaranse premios aos mellores de cada categoría.
O programa inclúe verbenas todas as noites desde o venres, e sesión vermú o sábado e o domingo. Haberá unha zona de acampada e carpa con mesas e toma de corrente eléctrica para os que queiran desfrutar alí dos tres días de festa.
O venres na...
leer más
Este sábado, día 26 de xullo, terá lugar a II Festa do Mexillón, que organiza o Celta Barreiros. O evento, que dará comezo ás 19 horas no campo de fútbol O Cascabeiro, estará amenizado polo grupo ribadense En faldas y a lo loco e por un DJ.
José Manuel García, presidente do Celta Barreiros, anunciou: “teremos mexillóns, arredor de 500 ou 600 quilos. Serviremos racións de mexillóns e de lacón cocido acompañadas de pan, viño e auga. O prezo da ración será de 10 euros. E tamén contaremos con menú infantil, composto por salchichas e patacas”.
García Cela anima “á veciñanza de Barreiros e dos concellos da contorna como Ribadeo, Foz, Trabada, Mondoñedo ou Lourenzá, así como aos visitantes a achegarse este sábado ao campo de fútbol O Cascabeiro, en San Cosme de Barreiros, a desfrutar da II Festa do Mexillón. A primeira...
leer más
O concello de Cervo acollerá este sábado, 21 de xuño, a XVI Festa de Exaltación da Carne do Porco na Praza do Souto e tamén nos diferentes locais de hostalería de Cervo e Sargadelos.
A rexedora, Dolores García Caramés, xunto con representantes da A.C. Airiños do Xunco, presentaron o evento na Praza do Souto, que organiza este colectivo coa colaboración do Concello de Cervo.
Ese día, desde o mediodía a hostalería de Cervo e Sargadelos servirá diferentes racións cuxo denominador común será a carne de cocho.
Os locais participantes son: O Caseto de Copa, O Almacén, A Taberna de Sargadelos e A Sacabeira.
Xa ás 20:00 horas dará comezo a festa de exaltación con racións de costela, chourizo, pan e viño, a un prezo de 7 euros, na Praza do Souto. Ademais sortearase un...
leer más
A parroquia de Vilamartín Pequeno, no concello de Barreiros, celebrará a festa de San Xoán Degolado, coa cuarta xornada gastronómica do requeixo, este sábado, día 14 de xuño.
As actividades comezarán ás 13:15 horas con misa solemne, procesión e a continuación sesión vermú amenizada polo grupo Lume. Ás 15:00 horas haberá xantar popular no campo da festa e a partir das 21:00 horas, churrascada gratuíta e verbena amenizada polo grupo Lume e a charanga Los Támega.
A comisión organizadora anuncia que dispoñen de amplos aparcamentos gratuítos, atraccións para os nenos e o campo da festa estará cuberto con carpa.
A escola de música da asociación cultural Ao compás do río Ouro celebrará unha festa de fin de curso este venres, día 6 de xuño, ás 21:00 horas na Casa da Cultura de Ferreira do Valadouro.
“Temos o pracer de invitarvos a todos a vir á festa de fin de curso 2025 da nosa escola. Poderedes ver actuar a todo o noso alumnado. Animádevos a vir que estamos seguras de que o ides pasar xenial”, anuncia a asociación cultural Ao compás do río Ouro.