Eventos
O Concello de Foz ven de anunciar que comezará os seus actos de celebración do Entroido 2015 o sábado 31 de xaneiro. Ese día levarase a cabo a coroación da raíña do Entroido na vila, recoñecemento que este ano recaeu na rapaza focense Sandra Rey Oliveros. O acto de coroación terá lugar nunha cea que se celebrará a partir das 22:00 horas no pavillón do Colexio Martínez Otero, coma ven sendo habitual nos últimos anos. A cea estará composta de pratos típicos do Entroido e terá un custo de 23 euros. Posteriormente levarase a cabo un baile amenizado polo Dúo Epo-K, no que, como novidade este ano, só poderán participar os asistentes á cea. Os interesados poden anotarse antes do 29 de xaneiro na Delegación de Cultura do Concello de Foz.
O concelleiro de Cultura de Foz, Ánxel Paleo,...
leer más
O Concello de Barreiros celebrará o vindeiro luns, 5 de xaneiro, a súa tradicional Cabalgata dos Reis. O acto completarase coa instalación dun nacemento vivente que estará aberto ao público a partir das 20:00 horas no Centro Sociocultural Manuel Díaz Sampedro. Ata alí achegaranse, a partir das 20:30 horas, as maxestades reais para visitar este nacemento e para deixar os seus agasallos. Dende a Concellería de Cultura e a Oficina Municipal de Información Xuvenil de Barreiros, organizadoras da actividade, así coma dende a Dirección Xeral de Xuventude e Voluntariado, colaboradora do evento, agradecen a participación dos mozos e voluntarios que fan posible este nacemento e animan a tódolos veciños de Barreiros a acudir a esta tradicional cita.
O Mercado da Ilusión de Foz abre a partir das 17:30 horas desta tarde as súas portas na rúa Xoán Montes. Nel participarán sete artesáns que poñerán a venda os seus produtos, ata o martes 30 de decembro, noutras tantas casetas de madeira decoradas especialmente para a ocasión con motivos de Nadal. O Mercado da Ilusión focense chega así a súa cuarta edición e poderá visitarse de 11:00 a 14:30 horas e de 17:00 a 21:00 horas. O alcalde focense, Javier Jorge Castiñeira, explicou que "no día de hoxe inauguraremos o Mercado da Ilusión de Nadal, que organiza o Concello de Foz. Será a partir das 5 e media da tarde na rúa Xoán Montes, cun cambio de situación que quixemos facer para tratar de levar o mercado preto das dúas rúas máis comerciais de Foz: a Avenida da Mariña e Álvaro Cunqueiro. A rúa Xoán Montes é peonil e une estas...
leer más
A Concellería de Educación e Cultura de Lourenzá acaba de presentar a súa programación lúdica de Nadal para os máis pequenos. Entre os actos máis importantes destacan: a visita de Papá Noel á vila hoxe, martes, 23 de decembro; a realización de diferentes obradoiros de xogos no Ximnasio Multiusos, os días 22, 23, 26, 29 e 30; a actuación de Cantos de Nadal, o domingo 28 de decembro na Igrexa de Santa María de Valdeflores; e a petición do aguinaldo por parte dos nenos laurentinos, o luns 2 de xaneiro, nos diferentes comercios e domicilios particulares da vila. Os actos rematarán coa celebración da tradicional Cabalgata dos Reis Magos o luns 5 de xaneiro, que partirá da parroquia de San Xurxo para percorrer primeiro o val de Lourenzá e chegar finalmente a Vilanova ás 18:30 horas para levar a cabo o desfile polas rúas da...
leer más
A Delegación de Cultura do Concello de Foz acaba de presentar o seu programa de actos para celebrar a chegada dos Reis Magos nos vindeiros días 4 e 5 de xaneiro do novo ano. O domingo 4 haberá un concerto de música vocal a cargo do grupo Son de Nós. Será a partir das 20:00 horas na igrexa de Foz. Xa o luns 5, véspera do día de Reis, celebrarase na vila a tradicional Cabalgata con saída da praia da Rapadoira ás 19:00 horas. Nela poderán participar tódolos nenos menores de 10 anos que vistan de pastor ou con traxe rexional e sexan inscritos polos seus pais previamente na Delegación de Cultura do Concello de Foz. Os cativos poderán subir ás carrozas dos Reis para percorrer nelas o traxecto que discorrerá polas rúas do municipio, ata chegar finalmente ao belén vivente instalado na Casa do Concello. Ao remate, haberá churros con chocolate e roscón de...
leer más
A Concellaría de Turismo e Desenvolvemento Local organiza para a última semana deste mes de decembro un programa de fomento da natureza baixo o nome Econadal. A actividade permitirá gozar dos espazos naturais máis valiosos de Ribadeo, en dúas xornadas distintas. A primeira levarase a cabo o 27 de decembro e consistirá nunha ruta guiada e interpretada polas unidades ambientais do ZEC de As Catedrais na súa parte máis descoñecida e coas súas especies máis emblemáticas. A ruta levará o nome de Os segredos das Catedrais e partirá ás 11:34 horas da estación de Feve ribadense, para logo chegar a Rinlo e comezar a andaina en dirección a Ribadeo. A duración estimada será de tres horas.
Ao día seguinte, o 28 de decembro, realizarase a segunda xornada consistente nunha prospección biolóxica...
leer más
O programa de Nadal, organizado polo Concello, a Acia local e Ledicia, inclúe teatro e cine para @s nen@s e música para nen@s e adult@s. Foi presentado esta tarde no Concello polo alcalde,José María González Barcia, a concelleira de Cultura, Mónica Pedre, e por representantes da Acia local e de Ledicia. Entre os actos previstos destacan o concerto da Escola Municipal de Música o vindeiro xoves, 18 de decembro; o concerto didáctico con Uxía o día 19; o concerto de panxoliñas da Coral Polifónica de Burela, que será o 20 de decembro; ou a presentación da Xove Orquestra Municipal de Burela, previstas para o día 21.
A programación de Nadal inclúe cine infantil os días 29 de decembro e 2 e 7 de xaneiro e varios espectáculos para os máis pequenos da casa, ademais da cabalgata de Reis. E na...
leer más