exposición

Etiquetas:
18/12/2016
Ata o 31 de xaneiro pódese visitar na sala de exposicións de RegalXunqueira, en Viveiro, a exposición "Homes e Bestas", de José Mª Álvez e Sergio López.
 
Ata o 31 de xaneiro pode visitarse na sala de exposicións de Regalxunqueira, en Viveiro,  a exposición titulada "Homes e Bestas. Tradición cabalar en Mondoñedo",  de José Mª Álvez e Sergio López Maseda.
 
A mostra consta de 39 fotografías que recollen impactantes imaxes da rapa das bestas de Campo de Oso en Mondoñedo nos anos 70 e dende 1998 á actualidade. Tamén reflicten instantáneas da feira cabalar das San Lucas e da baixada dos cabalos do monte para as populares feiras mindonienses nos últimos anos. As fotografías recollen o traballo fotoxornalístico de José María Álvez Marciel dende a súa chegada á comarca da Mariña para traballar no diario El Progreso. Ademais a mostra tamén presenta instantáneas tomadas polo fotógrafo burelés Sergio López da rapa nos anos 70.
 
... leer más
26/11/2016
O Conxunto Histórico Artístico de Sargadelos será escenario do 29 de novembro ao 20 de decembro dunha exposición sobre o caricaturista cervense José Mª Cao Luaces.
 
A sala de exposicións do Conxunto Histórico Artístico de Sargadelos acollerá desde o vindeiro martes, día 29, ata o 20 de decembro unha mostra sobre o caricaturista José María Cao Luaces, nacido en Cervo no ano 1862. O acto, que se celebrará ás 18 horas, contará cunha conferencia do debuxante e pintor Siro. Está organizado pola Xunta de Galicia e o Concello de Cervo.
 
A exposición, que leva por título José María Cao Luaces, un galego patriarca da caricatura arxentina, xa estivo en Santiago, Pontevedra, Ourense, Vigo, Lugo, Melide e A Coruña. “Ten como principais obxectivos poñer en valor e dar a coñecer entre a cidadanía a obra e a figura deste destacado debuxante galego”, segundo explican os organizadores, que tamén destacan que “a mostra recupera a obra dun artista que contribuíu...
leer más
26/11/2016
Unha exposición, unha ruta de sendeirismo e a elaboración dunha manta solidaria son algunhas das actividades que A Chocolateira levará a cabo en Ribadeo do 3 ao 11 de decembro.
 
A Casa da Xuventude acolleu a presentación das actividades que levará A Chocolateira do 3 ao 11 de decembro. A Chocolateira é un proxecto de innovación social organizado polo Concello de Ribadeo en colaboración con La Caixa. Doce son as persoas que forman parte de A Chocolateira cun fin común, que é conseguir emprego e transformar realidades aportando os seus coñecementos e experiencias multidisciplinares. Un dos seus primeiros traballos será continuar coa recuperación da memoria histórica do antigo tren mineiro Ribadeo-A Pontenova, coñecido como A Chocolateira, que percorreu e axudou no crecemento da economía local.
 
Ao longo dos vindeiros días haberá unha exposición na antiga oficina de turismo, realizarase unha ruta de sendeirismo e unha manta solidaria, entre outras actividades, que...
leer más
Etiquetas:
28/10/2016
Ata o 13 de novembro pódese visitar na Casa da Cultura de Burela a exposición "Imaxes con fondo", do Fondo Galego de Cooperación e Solidariedade.
 
O Programa de Atención de Inmigrantes do Concello, como socio do Fondo Galego de Cooperación e Solidariedade, presenta unha exposición titulada Imaxes con Fondo. 
 
Segundo explica a concelleira de Inmigración e Cooperación, Angélica Gómez, “dita exposición promove a reflexión  e o pensamento crítico, así como o cambio de actitudes dentro da nosa sociedade por medio da palabra e da imaxe”. 
 
A mostra poderá verse na Casa  da Cultura ata o 13 de novembro e conta coas obras mais destacadas das presentadas ao concurso fotográfico Imaxes con fondo do 2012. “Nas fotografías quedan reflectidos aspectos sobre solidariedade interxeracional, aforro enerxético, respecto ao medio ambiente, consumismo occidental, prostitución,  explotación  laboral...
leer más
Etiquetas:
14/10/2016
Ata o 30 de outubro poderase ver no complexo RegalXunqueira unha exposición do pintor Xavier Magalhâes.
 
O 15 de outubro ás 20:00 horas na sala de exposicións do complexo Regalxunqueira de Viveiro, terá lugar a inauguración da mostra de Xavier Magalhâes titulada A cor da paixón e a paixón pola cor.
 
Este pintor galego-portuxés, nado en 1953, mantivo unha grande amizade con Laxeiro con quen comezou a súa formación no mundo da arte e quen impulsou as súas primeiras obras que empezou a expoñer na década dos 90.
 
As obras de Xavier Magalhâes caracterízanse por ter sido traballadas con tintas de cores sobre papel utilizando pinceis anchos para conseguir trazos enérxicos. Con elo constrúe un mundo de figuras esquemáticas, de raíz neocubista e emparentadas coa pintura francesa de Grommaire.
 
A...
leer más
Etiquetas:
05/10/2016
A Mostra de Teatro Afeccionado e o Festival de Jazz son algunhas das propostas da axenda cultural do Concello de Ribadeo para o último trimestre do ano.
 
A Mostra de Teatro Afeccionado e o Festival de Jazz xunto a actividades arredor do Samaín son algunhas das principais citas da programación da Concellaría de Cultura para o último trimestre do ano. As actividades foron presentadas este mediodía no salón de plenos por parte do responsable de Cultura, Farruco Graña, e da técnica este departamento, Neves Paz.
 
Farruco Graña comentou que “o outono é tempo de teatro despois dun verán de aire libre, de pasear e visitar moitas exposicións tanto na sala OMIC como no Forte de San Damián, agora toca recollernos un pouco que xa virán os rigores do outono e qué mellor maneira de facelo que escoitando e vendo teatro”.
 
O edil de Cultura lembrou...
leer más
Etiquetas:
04/10/2016
O Museo Provincial de Lugo acolle ata o 30 de outubro unha exposición do artista mindoniense Xosé Vizoso. Son 50 carteis realizados desde a década do 70 ata hoxe.
 
A Deputada de Cultura, Deseño e Artesanía, Pilar García Porto, o artista mindoniense Xosé Vizoso, autor da obra que se presenta, e o cronista oficial de Mondoñedo, Antonio Reigosa, inauguraron este luns no Museo da Deputación a exposición de carteis que leva por titulo XoséVizoso, Carteis (1970-2015). que poderá verse ata o 30 de outubro. A entrada a esta exposición é gratuíta, e o horario para visitala é de luns a venres: dende 9:00 ata ás 21:00 horas. Os sábados de 10:30 a 14 horas e de 16:30 a 20 horas. E os domingos e festivos dende ás 11 ata ás 14 horas.
 
García Porto remarcou que a obra de Vizoso “forma parte da esencia da cultura galega. A súa inxente obra convérteo no cartelista vivo galego con máis recoñecemento grazas ao seu traballo constante e a súa...
leer más
Etiquetas:
03/10/2016
Ata o 19 de outubro pódese ver na Casa da Cultura de Burela unha mostra dos artistas locais Paco Rolle e Belén Mogui.

 

O alcalde, Alfredo Llano, e o concelleiro de Cultura, José Díaz, inauguraron a mostra dos artistas burelaos Paco Rolle e Belén Mogui, que se poderá ver na Casa da Cultura ata o 19 de outubro.

A exposición presenta uns trinta cadros con temáticas variadas. O horario de visitas é de luns a venres de 9:00 a 13:00 horas e de 17:00 a 20:00 horas.

28/09/2016
Do 1 ao 31 de outubro poderase visitar en Mondoñedo unha exposición de fotografías sobre a tradición cabalar na cidade. Está promovida pola asociación As San Lucas.
 
Mondoñedo acollerá durante o mes de outubro, no Centro Comarcal, unha exposición de fotografías representativas da tradición cabalar que ten a cidade, a través de imaxes tomadas durante as feiras e festas das San Lucas e a rapa das bestas do Campo do Oso.
 
A mostra, que se desenvolve baixo o titular de Homes e Bestas. Tradición cabalar en Mondoñedo, conta cun total de 40 imaxes, seleccionadas entre as máis de 3.000 fotografías dos profesionais José María Álvez e Sergio López Maseda.
 
A inauguración da exposición, que os interesados poderán visitar entre o 1 e o 31 de outubro, será este sábado, ás 20.00 horas. A iniciativa está promovida pola Asociación As San Lucas, organizadora...
leer más
19/08/2016
Na Casa da Cultura, de San Ciprián, pódese visitar ata o 28 de agosto unha exposición de manualidades feitas por mulleres que participaron nun curso organizado pola asociación As Espalladoras.
 
Na Casa da Cultura, de San Ciprián, pode visitarse unha exposición de manualidades feitas por mulleres que participaron nun curso organizado pola asociación As Espalladoras. Á inauguración da mostra asistiron o alcalde, Alfonso Villares, e outros membros da corporación municipal de Cervo.
 
O rexedor municipal explicou que “inauguramos unha exposición das manualidades feitas polas mulleres que estiveron acudindo a un curso organizado pola Asociación de Mulleres Rurais As Espalladoras. Vai estar aberta ata o 28 de agosto en horario de mañá e tarde. Pola mañá de 11:00 a 13:30 horas e pola tarde de 18:00 a 21:00 horas. Expóñense os traballos feitos por unhas vinte persoas, que foron as que acudiron a estes cursos que tiveron lugar no...
leer más