Lourenzá
O coro Mestre Pacheco, de Mondoñedo, actuará este sábado, día 7 de xullo, ás 20:30 horas no salón de actos do Concello de Lourenzá. Este concerto está incluído nos actos programados entre os concellos de Mondoñedo e Lourenzá con motivo das XI Xornadas do Peregrino.
Nesta actuación serán interpretada unha selección coral de temas da obra O amor de Afonso Reimúndez, con texto de Xosé Peinó e música de Xan Carballal, que se presentará o mesmo día ás doce do mediodía na Escola Municipal de Música O Pallarego, de Mondoñedo.
O Concello de Lourenzá organiza do 9 ao 30 de xullo uns obradoiros dirixidos a nenos e nenas nados entre os anos 2004 e 2010. Esta actividade titúlase Coñece o teu concello!
O edil de Educación e Cultura, Manuel Arango Ron, anuncia que “o Concello de Lourenzá organiza durante o mes de xullo uns obradoiros dirixidos a nen@s nad@s entre os anos 2004 e 2010. Levan por título Coñece o teu concello! (Aprende xogando). O obxectivo destas actividades é que @s nen@s coñezan a historia e a cultura do concello dunha maneira divertida. As prazas son limitadas e concederanse por rigoroso orde de inscrición, que se poderá realizar nas oficinas da biblioteca municipal entre os días 2 e 6 de xullo”.
A Delegación Territorial da Xunta en Lugo acolleu hoxe a presentación das XI Xornadas do peregrino Abrindo Camiño, organizadas pola entidade do mesmo nome e que se celebrarán os días 6, 7 e 8 de xullo en Mondoñedo e Lourenzá.
Na presentación participaron o delegado territorial da Xunta en Lugo, José Manuel Balseiro; o presidente da Asociación Abrindo Camiño, José Luís Fernández; as alcaldesas de Mondoñedo e Lourenzá, Elena Candia e Rocío López respectivamente; o deputado provincial Eduardo Vidal, e o cronista oficial de Mondoñedo, Antonio Reigosa.
As xornadas homenaxean o 25 aniversario da declaración do Camiño Francés como Patrimonio da Humanidade e o terceiro da do Camiño Norte, e tamén lembrarán a figura de Santiago Iglesias Dobarrio, directivo fundador da entidade organizadora, cunha actuación musical e a...
leer más
O 23 de xuño terá lugar en Mondoñedo unha homenaxe a Luís Trigo Chao, O Gardarríos.
Os actos darán comezo ás 12:00 horas na Casa da Xuventude de Mondoñedo, coa celebración dunha mesa redonda baixo o título Luís Trigo Chao: a loita dun rebelde. Nela intervirán: Antonio Reigosa, cronista oficial de Mondoñedo; os historiadores Carlos Nuevo Cal e Bernardo Maíz; os investigadores Xosé Ramón Ermida e Odette Martínez; e o guerrilleiro antifranquista Francisco Martínez Quico.
Ás 17:30 horas no cemiterio de Vilanova de Lourenzá terá lugar a inauguración dun monolito en lembranza de Luís Trigo e Antonia Díaz, a súa compañeira que eran natural de Ribadeo, en Vilela-Cubelas, coas intervencións da neta do Gardarríos Fernanda Cedrón Trigo, o guerrilleiro antifranquista Francisco Martínez Quico, e Xosé Luís Fernández Rivera da...
leer más
En plena temporada estival o 26 de agosto durante toda a mañá sucederanse carreiras que enmarcan a todas as categorías (dende pitufos ata veteráns) para que todo o mundo poda participar e disfrutar
Haberá trofeos para os tres primeiros clasificados de todas as categorías, medallas para todos os participantes de categorías menores ata a categoría benxamín, obsequios para os campións masculino e feminino empadroados en Lourenzá, camiseta técnica conmemorativa a todos os adultos participantes na proba que se inscriban antes do 23 de agosto ou ata fin de existencias, servicio de avituallamento líquido e sólido ó final do percorrido, bolsa de avituallamento individual, cronometraxe control de meta por championchipnorte, cronómetro xigante en meta, vídeo chegada en línea de meta, servicio de megafonía, seguimento envivo online, seguro individual...
leer más
A biblioteca municipal de Lourenzá programa actividades para o público infantil os mércores 30 de maio, 6 e 27 de xuño.
O vindeiro mércores, día 30 deste mes, ás seis da tarde no salón de actos do Concello haberá un espectáculo de contacontos baseado en relatos de María Victoria Moreno a cargo de Charo Pita. Ao remate entregaranse os premios dos concurso de narración e debuxo Letras Galegas 2018.
O día 6 de xuño, que tamén é mércores, ás seis da tarde no salón de actos municipal terá lugar un espectáculo de maxia con Pedro Bugarín.
E o mércores 27 de xuño ás seis da tarde na biblioteca municipal haberá un obradoiro titulado Radiocontada para nenos e nenas de 6 a 11 anos de idade. As prazas son limitadas para os 15 primeiros que se anoten.
Estas actividades están...
leer más
O concelleiro de Cultura, Manuel Arango Ron, anunciou que “o cantautor galego Tino Baz ofrecerá un concerto no salón de actos do Concello de Lourenzá o sábado 19 de maio ás 20 horas. Tino Baz é un coñecido cantautor e músico de A Guarda (Pontevedra) que formou parte de grupos tan recoñecidos como A Roda e Treixadura. Actuou na clausura da primeira edición das Xornadas de Historia Local que se celebrou en xaneiro de 2017 na Fortaleza de Tovar”.
Este acto, que servirá para conmemorar o Día das Letras Galegas, está organizado pola Concellería de Cultura e subvencionado pola Deputación Provincial de Lugo a través do Plan Único.
O Concello de Lourenzá organiza o vindeiro martes, día 1 de maio, a tradicional Festa do Maio que se celebrará en Vilanova. Haberá premios para o mellor adorno de balcón, xanela ou local comercial e na Praza do Conde Santo ás sete da tarde terá lugar a actuación da Banda de Luis Vallecillo.
A alcaldesa, Rocío López, anuncia que “o próximo martes, día 1 de maio, celebramos un ano máis a tradicional Festa dos Maios de Lourenzá. Ás catro e media da tarde terá lugar a saída da Madalena do Mercado Comarcal Gandeiro para facer un percorrido polas principais rúas da vila chegando ao Cantón. Unha vez rematado o percorrido entregaranse os premios ao mellor adorno de balcón, xanela ou local comercial e tamén os premios do terceiro concurso Unha postal para mamá, organizado pola asociación de comerciantes e autónomos ACIAL de Lourenzá”.
... leer más
O Concello de Lourenzá organiza unha actuación de contacontos para celebrar o Día do Libro este venres, día 27.
O concelleiro Manuel Arango Ron anunciou que “este venres, 27 de abril, co gallo de celebrar o Día do Libro a Concellería de Cultura organiza a actuación dunha contacontos, Celtia Figueira Ramas, co espectáculo Contacontos na primavera. Será no salón de actos do Concello ás 18:30 horas e está dirixido a nen@s de 3 a 12 anos”.
O club VespaFaba & Clásicos Lourenzá organizará tres eventos este ano. As actividades, nas que colabora o Concello, foron presentadas nun acto ao que asistiu a alcaldesa, Rocío López.
Os responsables do club salientan que a rexedora municipal “apoiou a este colectivo desde que iniciou a súa andadura, no ano 2015” e explican que “está integramente dedicado á defensa, conservación e promoción do patrimonio automobilístico. Aparte de recuperar e conservar os vehículos apaixónanos gozalos en distintos eventos, concentracións, exposicións ou rutas, en distintos puntos da Península: Galicia, Asturias, Castela e León, Madrid, Zaragoza, etcétera”.
Ademais anunciaron que organizarán “distintos eventos ao longo deste ano: o primeiro terá lugar o día 29 deste mes, Xoves Santo, e será a terceira Reunión de Amigos de...
leer más