Eventos
Este domingo, día 5 de abril, haberá una nova edición do Guateque de Arruguiñas organizado polo Concello de Cervo. Será no Local Social de Trasbar ás 17:00 horas e estará amenizado polo Dúo Miami.
Para esta actividade o Concello de Cervo conta coa colaboración da Asociación de Veciños do Burgo de Trasbar durante a súa Festa da Pascua.
A Asociación Profesional de Obradoiros Artesáns da Mariña organiza a súa primeira iniciativa con motivo dos Días Europeos da Artesanía, que terá lugar o día 8 de abril, mércores, no Forte de San Damián, en Ribadeo. A Mancomunidade de Concellos da Mariña Lucense anima a participar nestas actividades.
A xornada, impulsada pola asociación de recente creación, realízase en colaboración coa Fundación Pública de Artesanía de Galicia e o Concello de Ribadeo, co obxectivo de poñer en valor a riqueza dos oficios artesáns do territorio.
A creación da asociación está ligada ao traballo desenvolvido nos últimos anos xunto á Mancomunidade de Concellos da Mariña Lucense, en iniciativas como A Mariña Artesá ou Obradoiros con Corazón, onde tamén se produciron os primeiros encontros que deron orixe ao colectivo.
... leer más
Todo está listo en Ribadeo para a celebración do Camiño Norte Fest este xoves, 2 abril. O aparcadoiro municipal, recinto no que se celebrará o evento, xa foi valado no día de hoxe.
A orquestra Panorama presentará a súa nova xira Time Tour 2026 para a Mariña lucense e o Occidente asturiano no Camiño Norte Fest, que organiza a Comisión de Festas ribadense.
O recinto estará cuberto con carpa, que contará con servizo de bar e food trucks. A apertura das billeteiras será ás 20:30 horas e a do recinto ás 22:30 horas. Polo escenario do Camiño Norte Fest pasarán tamén os djs Alejandro Martínez e Litainer.
A actuación de Panorama dará comezo ás 00:30 horas. Enriba do escenario estarán durante tres horas nun único pase, segundo informan desde a Comisión de Festas de Ribadeo.
A venda de...
leer más
Os actos principais da Semana Santa da Pontenova será este xoves, día 2 de abril, xornada na que haberá misa ás 18:30 horas e procesión ás 19:30.
No desfile participarán as confrarías do Cristo da Agonía e da Esperanza e a Banda de Cornetas e Tambores da Asociación de Mulleres e Homes do Rural, colectivo que organiza os actos coa colaboración do Concello de A Pontenova.
O Concello de Trabada abre o prazo de inscrición para unha nova ruta de sendeirismo, que terá lugar o domingo 19 de abril, baixo o título Trabada e o Camiño Norte, organizada en colaboración coa Asociación Paso a Paso.
A actividade consistirá nun percorrido a pé dende a Ría de Abres ata Trabada, seguindo o trazado do Camiño de Santiago ao seu paso polo municipio. A ruta contará cunha distancia aproximada de 10 quilómetros e un nivel de dificultade media, sendo unha proposta accesible para aquelas persoas afeccionadas ao sendeirismo. A saída terá lugar ás 10:00 horas dende a Praza do Concello, e ao finalizar o percorrido celebrarase unha comida no pavillón municipal.
O prezo da inscrición é de 8 euros e poderá realizarse ata o 15 de abril nas oficinas municipais ou a través do teléfono 982.135.011. A...
leer más
A organización das festas patronais de Burela 2026 anuncia que haberá oito actuacións municipais desde o venres 5 ata o luns 8 de xuño.
“Burela vai tremer este xuño. Chegan as Festas de Burela 2026 co mellor cartel de orquestras. Prepárate para 4 días de auténtica festa: música en directo, sesións vermú, noites máxicas e un ambiente que non se explica … Vívese! O venres 5 arrancamos forte coa verbena, con Grupo Cayenna máis Kubo Golden Tour; sábado 6, sesión vermú máis noite top con Orquestra Principal e La Fórmula; o domingo 7 festa todo o día con Trébol e El Combo Dominicano; e o luns 8, gran final coa Orquestra Pontevedra e Panorama Time Tour. Cartelazo. Festa asegurada. Marca as datas, reúne á túa xente e prepárate para bailar sen parar en Burela”, anuncia a comisión de festas.
O venres 10 de abril ás seis da tarde no CIFP Porta da Auga, de Ribadeo, terá lugar o evento XII do ciclo Soberanía Dixital, neste caso dedicado á Soberanía Tecnolóxica: Xornada de reparación.
O grupo amarinha.gal anuncia que organiza “unha actividade diferente ás anteriores do ciclo, neste caso un repair café ó estilo dos que se están a facer ó longo do mundo, para axudar a que a xente repare vellos (ou non tan vellos) aparellos de todo tipo e poda seguir desfrutando do seu uso. Trátase de incidir na práctica do dereito a reparar como compoñente dunha sociedade mellor, menos despilfarradora de recursos e máis amiga do medio ambiente e a Terra, actuando asemade para axudar a reverter o cambio climático. A...
leer más
O Concello de Cervo anuncia: “esta Semana Santa temos Guateque de Arruguiñas! O martes 31 de marzo na Casa do Mar, de San Ciprián, ás 19:30 horas. Ademais haberá bingo e chocolate, da man do alumnado de II Bach en colaboración coa Oficina de Voluntariado Xuvenil”.
É unha actividade do Concello de Cervo en colaboración coa Asociación de Xubilados Terramar.
A Asociación de Veciños do Burgo de Trasbar, no municipio de Cervo, celebrará neste mes de abril a Festa da Pascua, que será o domingo 5, e o 15º aniversario do colectivo, que está programado para o día 11, sábado.
As actividades da Festa da Pascua comezarán ás 13:30 horas cunha misa na capela e a partir das 14:30 haberá un xantar, no que para participar as inscricións están abertas ata este domingo, 29 de marzo.
E para celebrar o 15º aniversario da asociación o día 11 de abril desde as 13:00 horas terá lugar unha sesión vermú a cargo do dúo Caramelo e ás 14:00 horas comezará un xantar, no que para participar hai que inscribirse previamente e o prazo remata o 5 de abril. Despois haberá tardeo. O campo no que será o evento estará cuberto con carpa. “Este ano celebramos un aniversario moi especial, nin máis ni menos...
leer más
O Concello de Foz presentou o cartel e o programa da XXIV Festa do Berberecho, molusco coñecido como chícaro en Foz. Esta festa de exaltación gastrónomica realizarase o vindeiro 11 de abril.
Na presentación estiveron a directora do IES de Foz, Leticia Maseda; o presidente da ACIA local, José Carlos Paleo; o alcalde, Fran Cajoto, e a concelleira de Cultura, Inés López Couto, quen destacou que é “un evento no que a colaboración da Escola de Hostalería do IES de Foz é indispensable: as elaboracións de berberechos e mexillóns que se degustarán son realizadas polo alumnado do centro, o que é un orgullo para o pobo de Foz. Nesta edición teremos novidades nestas elaboracións porque o ano pasado o ceviche de berberechos foi un auténtico éxito”.
A edil de Cultura tamén anuncia que “este ano o pregón correspóndelle a Xesús...
leer más