Charlas
Xa está aberto o prazo de inscrición para participar nas Xornadas Formativas en Turismo Ornitolóxico, promovidas pola Mancomunidade de Concellos da Mariña Lucense, co apoio técnico da empresa Puertas Afuera Comunicación Medioambiental. Terán lugar do 10 ao 12 de febreiro no salón de actos do Centro Cívico de Xove.
A formación é gratuíta, pero as prazas son limitadas, polo que as persoas que desexen participar deben facelo a través do formulario de inscrición online que atoparán no apartado web https://amarinalucense.gal/gl/ornitoloxia ata o 31 de xaneiro inclusive.
No encontro participarán como poñentes destacados ornitólogos, así como profesionais no desenvolvemento e promoción de produtos turísticos sostibles relacionados coa ornitoloxía. As persoas...
leer más
Mariña Patrimonio organiza para este sábado, día 28 de decembro, unha charla impartida polo escritor e experto en tradición oral Xosé Miranda, baixo o título "Os contos eróticos na tradición oral". Durante a sesión o relator explorará diversos aspectos relacionados cos relatos eróticos que forman parte do rico patrimonio oral de Galicia.
A actividade, que forma parte da programación destinada a promover o coñecemento e a preservación do patrimonio cultural inmaterial galego, terá lugar ás 12:00 horas na Sala As Carboeiras, situada no Conxunto Histórico-Artístico de Sargadelos, en Cervo.
A Aula Universitaria da UNED de Foz comeza o ano 2024 con dúas actividades destacadas que combinan ciencia e cultura, dirixidas tanto ao público xeral como á comunidade educativa. A programación para xaneiro inclúe unha charla médica sobre neuropsiquiatría e un encontro informal para practicar inglés.
A coordinadora da Aula Universitaria da UNED de Foz, Marta Muíña, destaca a importancia destas actividades para achegar o coñecemento á cidadanía: “queremos ofrecer á nosa comunidade propostas que sexan útiles, enriquecedoras e accesibles. Con estas iniciativas, buscamos fomentar tanto o coñecemento científico como o intercambio cultural, sempre dentro dun ambiente participativo.”
A primeira cita terá lugar o día 14 de xaneiro e trátase dun Café Conversa en inglés, unha actividade dirixida a persoas cun nivel...
leer más
O Concello do Vicedo organiza unha charla dedicada á prevención da violencia sobre a infancia e adolescencia. Será este xoves, día 19 de decembro de 17:00 a 19:00 horas na Casa da Cultura.
É unha actividade dirixida a familias, persoas coidadoras habituais e cidadanía en xeral.
A charla, con acceso libre, será impartida por Noelia Rigueiro, técnica de Intervención Familiar da Fundación Meniños.
O ciclo comeza o vindeiro venres, 20 de decembro, cunha conferencia – coloquio no CENIMA, de Foz, ás 19:30 horas, co título de “Verdugos invisibeis e vítimas coñecidas”, na que o catedrático de historia contemporánea da USC, Lourenzo Fernández Prieto, falará dun asunto incómodo, dun pasado incómodo e dun enfoque incómodo: “Levamos tres décadas ocupándonos das vítimas das matanzas, pero non dos verdugos. Algúns historiadores iniciamos hai uns anos o xiro perpetrador para identificar as lóxicas dos verdugos, a razón da matanza que perpetraron ligada ao golpe; a súa identidade e as formas que tiveron de agocharse e difuminarse no relato, pero tamén borrando as pegadas do seu crime durante a ditadura…ata hoxe”.
O Foro Social a Mariña entende que estamos a vivir nun tempo onde afloran relatos que pretenden dulcificar e mesmo ensalzar o réxime...
leer más
A asociación Mariña Patrimonio organiza para o luns 16 de decembro unha conferencia na que o doutor en Xeoloxía Francisco Canosa presentará os resultados dun proxecto de investigación sobre os metais preciosos na minaría antiga da Mariña. A conferencia terá lugar ás 19.00 horas no Salón de Actos do CENIMA (Foz).
O citado proxecto, promovido por Mariña Patrimonio, contou co apoio da área de Cultura da Deputación de Lugo.
O día 19 de decembro, xoves, Barreiros será a sede do IV Consello Alimentario do Eo, un foro de diálogo e colaboración que reúne a organismos públicos, entidades privadas, especialmente produtores comprometidos coa calidade e coa promoción dun consumo responsable, e á poboación en xeral. Celebrarase nas escolas de San Cosme de Barreiros desde as 10:30 horas.
O Concello de Barreiros explica que “os obxectivos principais deste consello radican en fomentar a sustentabilidade, apoiar o uso de produtos locais e promocionar o noso territorio. Barreiros vén destacando polo seu compromiso e posta en valor dos produtos locais. Para elo estanse promovendo feitos coma os mercadiños estacionais con produtores da zona, achéganse premios compostos por produtos locais en eventos deportivos e culturais, tamén coa introdución de alimentos de proximidade na...
leer más
O martes 10 de decembro terá lugar na antiga carboeira do Conxunto Histórico Artístico de Sargadelos (Cervo), a partir das 18:30 horas, o último dos parladoiros do programa Vixía.
Con este proxecto o GALP A Mariña Ortegal quixo achegar a diferentes concellos desta zona costeira unhas xornadas de divulgación da súa estratexia local, co obxecto de reforzar o coñecemento do programa de axudas que xestiona en colaboración coa Consellería do Mar. Nesta andadura abordáronse diferentes temáticas: a trazabilidade e comercialización dos produtos pesqueiros a través de diferentes selos, a vinculación dos produtos do mar coa gastronomía, o desenvolvemento turístico sostible aproveitando os recursos da zona costeira e a valorización do patrimonio cultural ligado ao mar.
Nesta ocasión, a temática de referencia é a...
leer más
A segunda edición do Foro Económico do Concello de Viveiro celebrarase do día 14 de decembro, sábado, desde as 11:00 horas na Sala Multiusos municipal.
O Concello de Viveiro anuncia que “a Tenencia de Alcaldía, a través da Concellería de Promoción Económica, organiza o II Foro Económico de Viveiro, unha cita fundamental para analizar o pasado, presente e futuro da economía de Viveiro e A Mariña, contando coa participación de expertos de recoñecido prestixio”.
Míriam Bermúdez destaca que o evento ofrece "unha oportunidade única para coñecer en profundidade a evolución económica de Viveiro e A Mariña, explorar novas estratexias de crecemento e fortalecer redes de colaboración na comarca".
A tenente de alcaldesa e a concelleira de Promoción Económica, Iria Cotelo, animan á asistencia dunha...
leer más
A medicina antienvellecemento centrará a charla que impartirá en Ribadeo o vindeiro 4 de decembro José Antonio Flórez Lozano, catedrático da Facultade de Medicina e Ciencias da Universidade de Oviedo.
Será no Salón dos Alcaldes do Concello ás 18:30 horas. A cita está organizada pola Concellería de Benestar Social, Saúde e Familia. A súa responsable, Elena Sierra, explica que “el doctor Flórez Lozano nos hablará de lo conveniente que es envejecer con humor. Ese es el mejor fármaco para la salud y la longevidad. Es una conferencia con la que animará a los asistentes a vivir plenamente esta etapa de la vida con desafíos, expectativas, ilusiones, trabajo, esfuerzo y superación”.
E engade: “animamos a asistir a esta charla, que tendrá lugar el próximo miércoles en Ribadeo”.