Eventos
O programa Cultura Pequeniña do Concello de Alfoz ofrece o día 21 de setembro, sábado, un obradoiro para nenos e nenas de 3 a 12 anos de idade e un espectáculo para público infantil e familiar a cargo de A Xanela do Maxín.
O obradoiro, titulado “Experimentos na biblioteca”, será ás 17:00 horas na biblioteca pública municipal.
E o espectáculo de A Xanela do Maxín titúlase “Supercoroza. Na eira e na lareira” e terá lugar no salón de actos da Casa da Cultura ás 19:30 horas.
As persoas interesadas en máis información sobre estas actividades poden contactar co teléfono 982.57.12.70.
A Pontenova estará de festa do 4 ao 7 do vindeiro mes de outubro.
O venres 4 haberá verbena con Tekila, Pedro Brmudz e DJ Bombardero.
O sábado 5, ás 00:30 horas, celebrarase a XXV Queima dos Fornos, edición especial Ao mediodía terá lugar a sesión vermú e, pola noite, verbena con Costa Dorada, Pedro Bemudz e DJ Bombardero.
O domingo 6 actuará Panorama na verbena e ao longo do día haberá pasarrúas e sesión vermú con Suavecito, Pedro Brmudz e DJ Bombardero.
Finalmente o luns 7 terá lugar a sesión vermú con Epo-K.
O Concello de A Pontenova colabora na organización destes festexos.
O Concello de Foz continúa coa súa programación cultural esta fin de semana, que será intensa. Ao teatro afeccionado únense as charlas San Martiño no Camiño e a chegada do ciclo Galicia Escena Norte .
Este venres, 13 de setembro, no Museo da Basílica de San Martiño darán comezo os coloquios de San Martiño no Camiño, unhas charlas que se veñen organizando nos últimos anos para dar a coñecer a historia da Mariña e máis concretamente a relativa a San Martiño de Mondoñedo (Foz). Esta primeira charla será impartida por Carlos Andrés González Paz, actualmente no Instituto de Estudos Galego Padre Sarmiento, é un recoñecido historiador do medievo e explicará De Dumio a San Martiño de Mondoñedo: a Eccllesia Dumiensis na historia eclesiástica da Galicia Medieval. A charla está programada para ás 19.00 horas. O venres 20 continuará este...
leer más
A parroquia ribadense de Couxela celebra a súa XIX Festa na honra da Virxe das Dores, o sábado 21 de setembro.
O programa de festexos dará comezo ás 13:00 horas coa celebración da misa solemne seguida de procesión, que estará acompañada por Illa Pancha Cuarteto Tradicional. Despois haberá sesión vermú co solista Jaime Paredes.
A partir das 22:45 horas terá lugar a verbena co solista Jaime Paredes e a orquestra Tania Blanco Show.
Colaboran coa organización desta actividade: Concello de Ribadeo e Xunta de Galicia.
O programa de viaxes gratuítas Coñece a túa provincia da Deputación de Lugo organiza esta semana unha ruta adaptada por Foz entre as oito que percorrerán a provincia desde hoxe e ata o venres. En total, son máis de 180 veciños e veciñas dos concellos de Lugo, A Fonsagrada, Outeiro de Rei, As Nogais e Cospeito os que visitarán estes días A Mariña e A Ribeira Sacra.
Hoxe, a asociación de veciños de Benade-Calbrava (Lugo) e Auxilia (Lugo) farán diferentes rutas pola Mariña. Os primeiros coñecerán Barreiros e Ribadeo, logo de visitar a produtora do Servizo de Audiovisuais. Os segundos participarán nunha ruta adaptada por Foz tras unha parada na Granxa Gayoso Castro para coñecer as instalacións da institución provincial; no concello mariñán visitarán o Cenima, o espazo Caritel e percorrerán o paseo marítimo.
Os veciños...
leer más
O Cadramón, en O Valadouro, celebra as súas festas na honra a San Xorxe e San Cosme, os días 27, 28 e 29 deste mes de setembro.
O venres 27 ás 13:15 horas será a bendición seguida de misa solemne e sesión vermú con Tania Veiras y los Cumbiapop. Pola noite haberá unha gran churrascada tamén amenizada por Tania Veiras y los Cumbiapop. A venda de tíckets será desde as 21:00 ata as 23:00 horas.
O sábado 28 ás 13:30 horas dará comezo a misa solemne que rematará con procesión e despois sesión vermú con JB Son, que tamén actuará na verbena xunto a Finisterre.
O domingo 29 ás 13:30 horas celebrarase a misa solemne seguida de procesión e sesión vermú co Dúo Belinda. O campo estará cuberto con carpa.
O Concello de O Valadouro colabora coa organización destes festexos. ...
leer más
A parroquia de Augaxosa, en Riotorto, celebra as súas feiras e festas na honra a San Roque os vindeiros días 13, 14 e 15 deste mes de setembro.
O venres 13 a partir das 21:30 horas haberá unha gran pulpada, tamén con churrasco, xamón cocido, postre e café. De seguido celebrarase a verbena amenizada pola orquestra Principal e DJ Billy.
O sábado 14 ás 9:30 horas terá lugar a inauguración da Feira de Gando con premios para os gandeiros. Haberá pasarrúas polo pobo con Gaiteiros de Augaxosa e ás 13:30 horas misa seguida de procesión e sesión vermú con Fuxsion Latina que tamén estará na verbena.
O domingo 15 ás 13:30 horas celebrarase a misa con procesión e despois sesión vermú co Dúo Venus. O campo estará cuberto con carpa.
O Concello de Riotorto colabora na...
leer más
O lugar de Trasbar celebrará a próxima fin de semana, do 13 ao 16 de setembro, a romaría de Santa Eufemia.
A cita festiva foi presentada polo edil de Zona Rural, Adrián Arias, e por unha representación da asociación de veciños do Burgo de Trasbar, que se encarga da organización dos festexos.
A Romaría dará comezo o venres ás 23:00 horas da man de Disco Móbil Conxuro.
O sábado, ás 13:00 horas será a misa solemne na honra de Santa Eufemia, e a continuación terá lugar a sesión vermú da man do grupo Fénix, que repetirá na verbena con Disco Móbil Conxuro, a partir das 22:30 horas.
O domingo, ás 13:00 horas volverá haber misa, na honra de San Antonio e o Carme, seguida de sesión vermú co Dúo Son de Festa. Ás 20:00 horas, será a misa solemne na capela de arriba e o...
leer más
A parroquia viveirense de Galdo estará de festa dos días 27 ao 29 de setembro.
Do venres 27 ao domingo 29 deste mes amenizarán os festexos, no apartado musical, o grupo Zona Zero, Juanjo DJ, as orquestras Costa Dorada e Salsarena, Disco Móbil Conxuro e Jorge Menéndez.
A parroquia ribadense de Cubelas celebra a súa festa na honra á Virxe das Dores o día 21 de setembro.
O sábado 21 terá lugar a III Comida de Produtos da Horta e Gandeiría do Rural de Ribadeo. Ás 12:30 horas haberá unha misa solemne e procesión seguida de sesión vermú co Dúo Matices.
Ás 15:00 horas comezará o xantar cun menú composto por fabada, tenreira asada con guarnición e patacas, postre, café e bebidas. O prezo para os adultos é de 26 euros e para @s nen@s (de 3 a 10 anos) de 13€.
Ás 19:00 horas dará comezo a sesión de tarde co Dúo Matices e o Grupo Lecer. Ademais haberá inchables para os máis cativos, sorteos e sorpresas para os asistentes.
Colaboran na organización destes festexos: Concello de Ribadeo e Xunta de Galicia.