Eventos
En pleno xullo e a piques de comezar ás festas do Carme, o Concello de Foz e a comisión de festas O Noso Foz anunciaron a pregoeira das festas do San Lourenzo: a cómica, guionista e youtuber Carolina Iglesias Mosquera, máis coñecida en redes sociais como Percebes y Grelos.
A concelleira de Cultura, Inés López Couto, explica que “Carolina ten unha fonda relación con Foz, os seus avós formaron unha familia no pobo e en palabras da propia Carolina estarían moi contentos se soubesen que vou ser a pregoeira. Como curiosidade o pregón do San Lourenzo (8 de agosto) coincide co cumpreanos dela”.
Dende o Concello e a asociación O Noso Foz móstranse moi contentos. Inés López Couto comenta: “ao principio non sabíamos moi ben como contactar con ela, pero foi moi amable e só nos puxo facilidades”. Fátima Novo, a presidenta de...
leer más
A concelleira de Turismo, Marta Saiz, dixo que “Ribadeo xa está preparado para o Indiano 2024, unha edición chea de actividades para que un ano máis o Ribadeo Indiano sexa inesquecible”.
A edil ribadense contou que “hoxe ás sete da tarde terá lugar o pregón a cargo de Pilar Cagiao Vila, profesora titular de Historia de América da USC, seguidamente a nota musical vaina poñer o noso queridísimo Coro Sagrado Corazón. Por suposto, acompañados do enxebre cuarteto tradicional Illa Pancha baixaremos recibir aos indianos ao peirao de Porcillán, representados polo noso queridísimo Grupo de Teatro de Ribadeo. E desde logo non faltarán nesta velada música e verbena”.
Saiz relatou que “mañá, sábado, será como sempre o día máis dinámico en canto a actividades. Haberá conferencias, torneos, visitas teatralizadas, obradoiros...
leer más
Os días 19 e 20 de xullo Alfoz celebrará a XXIV edición do seu Mercado Medieval, transportando aos asistentes ao ano 1483 con todo tipo de actividades.
A noite do 19 de xullo ou noite da véspera dará comezo ás 21:00 co acendido do lume de Cerna da Historia, anunciando a chegada do Mariscal. Ás 22:15 haberá danzas medievais, seguidas por confesións co bispo Don Fadrique de Guzmán. Á media noite, unha queimada e conxuro transportarán aos presentes ao medievo, culminando a noite coa música de Tumba e Dalle.
O sábado 20 de xullo comezará ás 11:00 cunha visita guiada para coñecer Alfoz a cargo de Ana Pena. Despois, ás 11:45 horas a xornalista de Televisión Española Ana Lorenzo dará o pregón, seguido da inscrición do seu nome na Lousa das Palabras. Durante a xornada haberá nomeamentos, teatro de títeres, exhibicións de...
leer más
A concelleira de Cultura, Begoña Sanjurjo, dixo que “aínda que esta fin de semana vai ter lugar o evento cultural e festivo que máis público convoca –o Ribadeo Indiano-, o noso concello segue na liña de ter unha programación estable e de calidade, que inevitablemente nestes meses de verán medra exponencialmente”.
A edil ribadense relatou: “comezamos falando de artes plásticas e é que ata o 17 de agosto temos unha oportunidade única para coñecer a obra do escultor Rodríguez Osorio, tan vinculado a Ribadeo. As salas do forte San Damián acollen unha retrospectiva moi completa da súa traxectoria. Haberá exposicións todo o verán nos diferentes espazos: as salas da Casa do Viejo Pancho, do Campo de San Francisco e da oficina de Turismo. Fotografía, pintura e escultura son as disciplinas escollidas nesta programación. Destacamos a figura do...
leer más
O Vicedo celebrará a XXIV Festa do Cabalo este domingo, día 14 de xullo, no miradoiro do parque eólico de Riobarba.
As actividades empezarán ás 12:00 horas con misa na honra a San Vicente de Francos. Ás 14:00 horas haberá unha degustación de produtos típicos e ás 17:00 horas empezará un campionato ecuestre, con 1.740 euros en premios, que serán entregados ás 18:30 horas. E despois empezará o baile.
A localidade de Piñeiro, que está na parroquia ribadense de Cedofeita, celebrará a festa na honra da Virxe do Carme este sábado, 13 de xullo.
As actividades comezarán ás 13:00 horas con misa solemne, seguida de procesión e sesión vermú amenizada polo dúo Matices, que tamén actuará na verbena xunto ao grupo Master.
A parroquia de Muxueira, no concello de Riotorto, celebrará as festas do Carme esta fin de semana, concretamente o venres 12 e o sábado 13 de xullo.
As actividades empezarán o venres ás 21 horas cunha churrascada popular e as actuacións do grupo D´Cano e DJ Bombardero.
E o sábado ás 13:00 horas haberá misa seguida de sesión vermú co dúo Belinda.
O día 26 de xullo, venres, terá lugar a sexta comida anual dos veciños da Regueira, en Ribadeo.
Os residentes e aquelas persoas que nalgún momento viviron nas rúas Deputación e San Lázaro, na zona ribadense coñecida popularmente como A Regueira, están organizando a súa sexta comida anual, que terá lugar o vindeiro 26 de xullo, venres, no restaurante Voar ás 14:30 horas.
O prezo da comida é de 40 euros e as tarxetas para participar neste encontro veciñal poden adquirirse na tenda de Sargadelos, de Ribadeo, que está situada na rúa Reinante, ata o 23 de xullo.
As persoas interesadas en obter máis información poden dirixirse a Mª Carmen Pillado (600.277.791), Paco Roibás (639.136.601) e Manolo Álvarez (649.979.036).
A parroquia de Miñotos, no concello de Ourol, celebrará as festas de Santa Mariña, coñecida popularmente como “avogada das verrugas”, esta fin de semana, desde o venres 12 ata o domingo 14 de xullo.
As actividades comezarán o venres ás 22:30 horas cunha verbena amenizada polo trío Zafiro.
O sábado ás 13:00 horas haberá misa solemne, seguida de procesión e sesión vermú co grupo Alaska, que tamén actuará na verbena dese día xunto á disco móbil Conxuro.
E o domingo celebrarase misa solemne ás 13:00 horas e despois haberá procesión e sesión vermú prolongada co trío Karma.
A Vicepresidencia da Deputación de Lugo, a través da área de Rural, ofrece o soporte técnico e financiamento necesario para a posta en marcha da Rapa das Bestas de Neipín. Equus Norte organiza esta actividade que nace o 20 de xullo na Pontenova co obxectivo de promover a actividade gandeira na Mariña e na provincia de Lugo.
O deputado de Rural Daniel García presentou a cita xunto a Javier Veiga, presidente da entidade organizadora; Isabel Couto, tenente de alcalde; e o concelleiro Xorxe Gómez. A I Rapa da Pontenova súmase á axenda da comarca na que se inclúen eventos históricos como Candaoso, en Viveiro, ou Campo do Oso, en Mondoñedo, explica a Vicepresidencia da Deputación de Lugo.
Daniel García explicou o apoio de 18.000 euros dende a área de Rural “para a posta en marcha desta cita, á que desexamos unha longa...
leer más