Lourenzá
O Sindicato Labrego Galego organiza un curso gratuíto titulado Caderno dixital - Novas obrigas e xestións telemáticas. Será os días 17, 19 e 21 de novembro de 16 a 20 horas no Multiusos Ponte de Cuñas.
Para máis información e inscricións as persoas interesadas poden contactar a través do correo electrónico lourenza@sindicatolabrego.gal e do teléfono 698.15.96.67.
Esta formación está financiada polo Ministerio de Agricultura, Pesca e Alimentación (MAPA).
A comisión das festas de Canedo, no municipio de Lourenzá, de 2026 organiza unha cea baile para recadar fondos destinados aos festexos. Será o 15 de novembro, sábado, no pavillón de Santo Tomé desde as 21:30 horas.
Ademais de cea haberá regalos, sorpresas e actuacións musicais a cargo do dúo Venús e DJ Billy
A data límite para a recollida dos tickets é o martes 11 de novembro.
Este sábado, 8 de novembro, terá lugar en Mondoñedo o segundo sorteo da campaña De compras polo comercio da Mariña Lucense, que organiza a FCAM. En xogo estarán 500 en vales de compra.
Desde FCAM a súa presidenta, Carmen Cruzado, explica que “todas as persoas que desde o 3 ao 8 de novembro fagan as súas compras nos negocios de Lourenzá e de Mondoñedo poderán participar no sorteo. So teñen que achegarse entre as sete e as oito da tarde pola Praza do Concello, en Mondoñedo, a obter as súas papeletas. Por cada tícket de compra que nos amosen recibirán un boleto para participar no sorteo que realizaremos a partir das 20:00 horas. Haberá tres premios en vales de compra de 250, 150 e 100 euros”.
Cruzado Iglesias lembra que “o obxectivo desta campaña é unha forte aposta polas compras no pequeno comercio, nese que temos...
leer más
A campaña da FCAM De compras polo comercio da Mariña Lucense chegará o 8 de novembro a Lourenzá e Mondoñedo con novos convidados.
A presidenta da FCAM, Carmen Cruzado, explicou que “as persoas que fagan as súas compras nos comercios de Lourenzá e de Mondoñedo entre os días 3 e 8 de novembro entrarán no sorteo de 500 euros en vales de compra. O 8 novembro ás 20:00 horas na Praza do Concello, de Mondoñedo, terá lugar o devandito sorteo. E os convidados especiais cos que imos contar nesta ocasión serán os encargados de entregar os vales ás persoas afortunadas. Con eles imos visitar tamén enclaves turísticos da comarca, porque entendemos que comercio e turismo están moi unidos neste destino, e ademais imos amosarlles a excelente gastronomía coa que contamos na Mariña”.
Ata Lourenzá e Mondoñedo achegaranse...
leer más
O xornalista e escritor Martín Fernández Vizoso presentará en Lourenzá o seu último libro publicado, que se titula Memoria de mariñáns, tomo 3. Será este venres, día 31 de outubro, ás 20:00 horas no salón de actos municipal.
É unha actividade organizada pola asociación Patrimonio Laurentino coa colaboración do Concello de Lourenzá.
O Concello de Lourenzá deu a coñecer as oito obras seleccionadas para participar no VII Certame de Teatro Concello de Lourenzá, que comezará este domingo, día 2 de novembro.
As obras e compañías son as seguintes: Sen frores nin coroas, da Asociación 57 Palabras, de Viveiro; Sursum Corda, de O Catre Teatro, de As Pontes; Deus non quere calderilla, de The-sastre Teatro, de Barbadás (Ourense); Dona Clara, de Ollomao, de Barreiros; Campanas de Bastabales, de Imaxina-T Asociación Cultural Celeuma, de Narón; Os vellos deberían namorarse e non morrer, de Teatro Coles, de Coles (Ourense); A xuntanza, da Compañía de Teatro El Ruiseñor, de Culleredo; e O caso do cadáver asasinado, de Teatro do Asteleiro da ACRD Grupo Bazán, de Ferrol.
O...
leer más
Vilanova de Lourenzá acollerá este sábado, día 25 de outubro, unha charla sobre a historia do mosteiro de San Salvador a cargo de Carlos Andrés González Paz, historiador e investigador do Instituto de Estudos Galegos Padre Sarmiento. Falará de Señorío e monacato: A decadencia da comunidade monástica de San Salvador de Lourenzá no século XII.
Será ás 19:30 horas no salón de actos da Casa do Concello de Lourenzá e está organizada pola asociación Patrimonio Laurentino.
A Xunta de Galicia colabora coa V Feira do Cabalo que se celebrará o domingo 26 de outubro en Lourenzá. O delegado territorial de Lugo, Javier Arias, participou na presentación e confirmou o apoio do Goberno autonómico a un evento que “resalta e reafirma a tradicional relevancia do gando cabalar nesta zona da provincia”.
A feira, organizada polo colectivo Cabaleiros de Lourenzá, abrirase ás 9:00 horas e inclúe probas de andadura libre, un concurso morfo-funcional de poldros e a IV Final do Campionato Cabalo Marchador Galego. Ademais durante a xornada haberá mercado de compravenda de gando equino, vacún, ovino, caprino e porcino.
Outorgaranse distintos premios entre os participantes, ao que presente maior número de cabezas equinas, ou ao mellor exemplar de cabalo de tiro, pura raza árabe, pura raza española ou...
leer más
El Club Atletismo Lourenzá presentó su equipo para la temporada 2025-2026, en la que contará con cinco corredores federados. El acto se celebró en la casa consistorial de Lourenzá.
El club que preside Fernando Lago pretende seguir en la misma línea que en temporadas anteriores, “participando en todas las carreras que sea posible”. En la campaña 2024-2025 hubo representantes del club laurentino en 167 pruebas.
Este ano celebrase a 11ª edición de Vespafaba & Clásicos Lourenzá e, como ven sendo costume, cun formato de dous días, 4 e 5 de outubro. Na presentación deste evento participaron a alcaldesa de Lourenzá, Rocío López; o concelleiro de Cultura, Manuel Arango; e o deputado provincial da Área de Rural, Daniel Garcia, xunto a membros da organización deste evento, que destaca que é “unha cita consolidada xa no calendario dos eventos de vehículos clásicos e motos, sobre todo da mítica Vespa, que atrae participantes de todo Galicia, Asturias e Castela e León”.
O sábado 4 de outubro é o día dedicado a scooters e motos clásicas. A recepción deses vehículos será na rúa Fernández del Riego a partir das 10.00 horas, onde desde as 12.00 se celebrarán una xincana e probas de habilidade, “algo moi entretido que capta a atención de numerosos visitantes...
leer más