Deportes

A Asociación para a Defensa Ecolóxica de Galiza (ADEGA) organiza un roteiro por Barreiros para este domingo, día 16 de marzo. Para participar hai que reservar a praza antes do venres 14 de marzo ás 13 horas.

ADEGA anuncia: “o vindeiro domingo 16 de marzo achegarémonos ata a Mariña lucense para coñecer a mina de ouro da Cova, situada no entorno da ría de Foz, e xa pola tarde achegarémonos ata a fraga de Santo Estevo do Ermo, en Barreiros. O percorrido pola ría é de 6 quilómetros (dificultade baixa) e o de Santo Estevo, 2 quilómetros (dificultade media). A ruta iniciarase en Viladaíde, onde deixaremos os coches e dende onde comezaremos a camiñada cara á ribeira da ría de Foz. Neste tramo, faremos unha pequena travesía pola zona intermareal, seguindo un percorrido con fermosas vistas da ría ata chegar á zona da mina romana de ouro da Cova. Ao...

A Asociación Deportiva de Sendeirismo Pasada das Cabras, de Burela, fará a ruta Muíño Río das Gándaras, en Vilasantar (A Coruña), o sábado 15 de marzo. O prezo é de 35 euros para os socios do colectivo organizador e de 45 euros para os que non o son. Inclúe autobús, comida e seguro. A saída será ás 08:00 horas desde a estación de autobuses de Burela.

É unha ruta fácil, con 10 quilómetros de percorrido. A organización recomenda levar bastón e calzado apropiado.

As persoas que queiran participar deben anotarse antes do 13 de marzo.

O conxunto feminino do Burela FS volveuse a enfrontar ao Ence Marín Futsal tres días despois do partido de liga da xornada 22, nesta ocasión, no encontro da semifinal da XVIII Copa de Galicia, celebrada ás 21.00h da tarde de onte no pavillón municipal A Raña de Marín. Tras sufrir tres baixas de última hora, Dinha, Caridad e Cami, sumándose ás baixas xa previstas (Carolina Pedreira e Irene Samper), o conxunto mariñán dominou o encontro non dando tregua ás locais e indo ao descanso cun 1-3 nunha primeira parte na que o Marín perde máis que gaña xogando de cinco durante os segundos 10 minutos. Segunda parte con moita posesión do balón para o Burela aínda que menos goles.

Arrinca cun xogo máis igualado e manténdose o marcador durante os primeiros 10 minutos. Téntao o conxunto de More con xogo de 5 para catro, con Miriam de porteira-xogadora,...

Ribadeo acollerá a quinta edición da Heroican Race o vindeiro 28 de setembro. Concello e BeOne subliñan a dimensión deste evento deportivo, que foi presentado esta mañá. 

O alcalde, Dani Vega, declarou: “agradézoche a Roberto e todo o seu equipo que veñan a Ribadeo. O Concello, evidentemente, colabora naquelo que observa e visualiza que é interesante para o municipio. A Heroican Race, que sempre se celebrou en Ribadeo, durante un período non puido ou non foi posible, por desgraza, pero cando nós chegamos ao Concello ao goberno decidimos colaborar con este evento”. 

O rexedor dixo: “evidentemente, dio Roberto e dio moi ben, é unha actividade deportiva, pero tamén ten unha dimensión económica, ten ese impacto económico, é un revulsivo para a hostalería, para o comercio, para os hoteis. En definitiva, é outro impulso...