Eventos
O Concello de Burela continúa coa programación do Orgullo de Vila coa celebración dun Bingo Musical conducido por Marisa Prisa, que terá lugar este xoves, 2 de xullo, a partir das 19.00 horas na Praza do Concello. “A actividade propón unha tarde de música, diversión e convivencia na que as persoas participantes poderán poñer a proba os seus coñecementos musicais, cantar, bailar e compartir unha xornada festiva arredor da diversidade e da liberdade de ser e amar”, anuncia o Concello de Burela, que engade: “durante o Bingo Musical tamén se realizarán sorteos especiais, entre os que se inclúen tickets para The Burguer Top e unha entrada para o Festival Osa do Mar. Trátase dunha actividade gratuíta e aberta a toda a veciñanza, integrada na programación municipal do Orgullo baixo o lema Ser quen somos, amar como sentimos”.
O Concello...
leer más
A praia das Catedrais estará pechada o día 12 de agosto para garantir a seguridade das persoas que acudan a ver o eclipse solar. Ribadeo e Lalín seguirán este fenómeno a través de pantallas xigantes coas explicacións que ofrecerá o profesor José Ángel Docobo, que é catedrático de astronomía da USC e director do observatorio Ramón María Aller.
O alcalde de Ribadeo, Dani Vega, explicou: “tivemos unha reunión coa Consellería de Medio Ambiente, concretamente coa directora de Patrimonio Natural, para coordinar todos os traballos relativos ao eclipse do vindeiro 12 de agosto. Nas Catedrais, punto de referencia e de encontro, onde tamén vai ter presenza Lalín con esa pantalla onde a explicación do profesor Docobo vai ser unha explicación do que é o eclipse e tamén das perseidas; é unha charla pedagóxica para explicar o impacto e o que significa o...
leer más
O Concello de Burela, no marco da Estratexia de Saúde, pon en marcha unha nova programación de actividades de verán gratuítas na Casa da Xuventude, que se desenvolverá entre o 13 de xullo e o 27 de agosto.
A programación distribuirase ao longo da semana con diferentes actividades. Os luns estarán dedicados aos xogos populares e tradicionais, “unha proposta que, ademais de recuperar xogos tradicionais, pretende servir como representación das diferentes culturas presentes na vila”.
Os martes será a quenda da Robótica, “unha actividade que combina ocio con aprendizaxe sobre tecnoloxía. Os mércores terá lugar Fútbol na Rúa, que contará cunha estrutura circular instalada no exterior da Casa da Xuventude para que a mocidade poida gozar desta actividade ao aire libre”.
A programación continuará...
leer más
A parroquia de Lieiro, no municipio de Cervo, xa está preparada para celebrar unha das citas máis destacadas do verán cervense, as festas na honra de Santa Isabel, que se desenvolverán do venres 3 ao luns 6 de xullo.
Na presentación participaron a alcaldesa de Cervo, Dolores García Caramés; e os concelleiros Adrián Arias e Alfredo Fernández; xunto aos membros da Asociación Cultural Comisión de Festas de Lieiro, encargada da organización coa colaboración do Concello.
A programación arrancará este venres, 3 de xullo, ás 23:00 horas coa tradicional Festa da Xuventude, amenizada por DJ Alejandro Martínez, Marcos Peón e Conxuro Discomóbil.
O sábado 4 de xullo comezará ás 13:00 horas coa misa solemne na capela do Guioncho. Ás 13:30 horas celebrarase a sesión vermú co Grupo Da Silva e, xa pola...
leer más
O Concello de Barreiros pon en marcha unha nova edición do seu programa de visitas guiadas Barreiros queda en ti durante os meses de xullo e agosto na que xa é a súa sexta edición amosando a diversidade cultural, natural así como a historia e identidade do territorio.
A alcaldesa, Ana Ermida, explica que “Barreiros é un concello cun patrimonio en gran parte descoñecido. As visitas guiadas son unha das maneiras máis enriquecedoras de coñecelo e comprendelo, permitindo ademais aos participantes conectar emocionalmente co lugar.” E engade que “deste xeito non só se divulga o seu valor, senón que tamén se fomenta a súa conservación.”
O Concello de Barreiros engade que “a través de percorridos de diferentes temáticas e en diferentes localizacións os participantes terán unha oportunidade excelente para coñecer...
leer más
O Departamento de Deportes e Xuventude do Concello de Xove organiza unha festa acuática na praia de Lago. Será este sábado, día 4 de xullo, a partir das 16:30 horas.
“A diversión do verán chega á Praia de Lago! Este sábado 4 de xullo agardámoste na Praia de Lago (Xove) para desfrutar dunha espectacular festa acuática pensada para toda a familia”, anuncia o Concello de Xove, que especifica que haberá “inchables acuáticos, kaiaks e xogos e actividades na praia. Moita diversión e un ambiente inmellorable! Non perdas a oportunidade de pasar unha xornada inesquecible con amigos e familia”.
A Vicepresidencia da Deputación de Lugo anuncia que os museos provinciais acollerán durante este verán “unha ampla axenda de actividades culturais, divulgativas e didácticas, unha programación pensada para seguir achegando os fondos dos museos a persoas de todas as idades e conmemorar o vinte aniversario da constitución da apertura do Pazo de Tor como Museo e da constitución da Rede Museística Provincial”. Algunhas desas actividades desenvolveranse no Museo do Mar, de San Cibrao (Cervo).
A deputada de Cultura, Iria Castro; a xerente da Rede Museística Provincial, Encarna Lago; e a directora do Museo Provincial de Lugo, Aurelia Balseiro, presentaron este luns, 29 de xuño, a programación, articulada baixo o epígrafe Escola, Cultura e Territorio: Verán na Rede Museística.
Iria Castro explicou que “a programación incide na apertura dos museos a ...
leer más
A Irmandade do Prendemento de Viveiro será a encargada de poñer á venda a Medalla Conmemorativa do Mercado Renacentista a un prezo de 5 euros e que se poderá mercar tanto no local dos claustros de San Francisco como na oficina de turismo. Deste xeito continúase coa colección baseada na heráldica das liñaxes e escudos da época. Este ano estará dedicada á heráldica de Hevia Pumariño, que se atopa na Igrexa das Concepcionistas de Viveiro.
A Irmandade do Prendemento tamén se encargará do alugueiro de traxes de época para o Mercado Renacentista a prezos accesibles. Haberá unha ampla variedade de traxes para nenos e nenas, mulleres e homes, cos seus correspondentes complementos. Ademais renovouse e ampliouse a oferta de traxes e accesorios. O prezo dos alugueiros será de 15 euros para nenos e nenas e entre 20€ e 25 euros para persoas adultas....
leer más
Este luns, 29 de xuño, foi presentada unha nova edición das rutas gratuítas guiadas por distintos puntos da xeografía do municipio de O Vicedo. Á presentación asistiron o alcalde de O Vicedo, Jesús Novo Martínez, e Boris Vilar, representante da empresa Rutas Galicia Norte, que será a encargada de executar este proxecto.
O Concello de O Vicedo explica que “na presentación indicouse que estas rutas tratan de mostrar as cualidades de diferentes zonas do municipio desde o punto medioambiental, xeolóxico, histórico, etcétera; e son presentadas en formato ruta guiada, pausada e grupos pequenos, para practicar un turismo tranquilo amosando diferentes lugares especiais da contorna como a Ruta do Río Sor (ruta de sendeirismo homologada pola Federación Galega de Montañismo), a ruta pola praia de San Román e Moutillós (onde se celebra a Romaxe...
leer más
A Asociación de Sendeirismo Terras de Lourenzá organiza para o día 12 de xullo, domingo, un percorrido pola Ruta de los Molinos, no municipio asturiano de Taramundi, concretamente en la parroquia de Bres. A distancia a percorrer son 10 quilómetros e a dificultade é baixa. Ao rematar a camiñada os participantes xantarán nun restaurante.
A saída será ás 08:00 horas desde o Cantón de Vilanova de Lourenzá e as inscricións deben facerse antes das 14:00 horas do mércores 8 de xullo. O prezo é de 35 euros para os socios do colectivo organizador e de 40 euros para os que non o son.