Libros

Etiquetas:
21/10/2015
Fin de semana de actividades na Librería Bahía, en Foz. O venres, 23 de outubro, Mariña Mayoral presentará a súa última novela. E o sábado 24 haberá un concerto para os máis pequenos.
 
Este venres, 23 de outubro, ás oito e media da tarde estará na Librería Bahía a escritora mindoniense Marina Mayoral para presentar a súa última novela El abrazo. Acompañará á autora neste acto o tamén escritor mindoniense Armando Requeixo.
E o sábado, 24 de outubro, ás doce da mañá o escritor brasileiro afincado en Galicia Sergio Tannus dará un concerto-presentación do seu libro-disco infantil Alegría.
 
Etiquetas:
07/10/2015
Os xoves 8 e 15 de outubro a Librería Bahía, de Foz, acollerá a actividade "Vén xogar ao abecedario", destinada a nen@s a partir de 3 anos.
 
Os xoves 8 e 15 de outubro, ás 18 horas a Librería Bahía, de Foz, acolle a actividade "Vén xogar co abecedario", actividade para nenas e nenos a partir de 3 anos. A proposta está baseada no libro O Abecedario, que edita a Mesa pola Normalización Lingüística e contará coa presenza de Mónica Pazos, responsable da actividade. 
A entrada é de balde e hai prazas limitadas. Hai que inscribirse na librería ou no teléfono 982140434.
 
Etiquetas:
15/09/2015
Chilindrín Penalba organiza unha performance interactiva de Xurxo Souto sobre o libro "Contos do mar de Irlanda". Será o 17 de setembro na Casa do Forno, en Celeiro.
A Casa do Forno de Celeiro será escenario este xoves, ás 20:30 horas, de Océano para terrícolas, unha performance interactiva de Xurxo Souto sobre o libro “Contos do Mar de Irlanda”. O acto está organizado polo colectivo Chilindrín Penalba e será presentado por Bernardo Fraga. 
Un día Xurxo Souto sentiu unha terrible falta de ignorancia. A pesar de vivir nunha cidade-barco, A Coruña, nunca ninguén lle tiña falado do mar.
Descubriu tamén que esta ausencia de océano era común á inmensa maioría das súas veciñas e veciños. 
Decidiu facer algo elemental: preguntar no seu entorno, e axiña apareceron mariñeiros e vellos patróns por todos os curruchos. Un universo –sustento económico da nosa realidade- absolutamente descoñecido para o...
leer más
Etiquetas:
26/08/2015
A inauguración da I Feira do Libro de Burela, que se celebra os días 29 e 30 de agosto, contará coa presenza da actriz Belinda Washington. Polo evento pasarán numerosos escritores.
 
A actriz Belinda Washington asistirá á inauguración da I Feira do Libro de Burela o próximo sábado, 29 de agosto, ás 12:30 horas para apoiar esta nova iniciativa cultural na Mariña.  Anunciouno o concelleiro de Cultura, José Díaz, que agradece a presenza da actriz e presentadora así como “su apoyo constante y desinteresado a la cultura de esta comarca por la que siente predilección y en la que pasa largas temporadas, ya que desde hace años cuenta con casa en Trabada”.
A esa hora ás 12:30 do sábado terá lugar tamén a lectura do pregón a cargo de Marta Sanz, novelista e poeta, finalista do premio Nadal, galardoada cos premios Tigre Juan e Ollo Crítico de Narrativa. 
O edil socialista destacou tamén a presenza de Francisco Narla na...
leer más
Etiquetas:
20/08/2015
Os días 29 e 30 de agosto celébrase a Feira do Libro de Burela, que será inaugurada por Marta Sanz e por José Díaz.
 
Burela celebrará a súa Feira do Libro os días 29 e 30 deste mes con actividades paralelas dirixidas a todos os públicos. Será inaugurada pola escritora Marta Sanz e polo concelleiro de Cultura e tamén autor de varios libros José Díaz. 
A véspera, o día 28, ábrese unha exposición paralela que se poderá ver todo o mes de setembro, sobre o conto de Carapuchiña Vermella, “pero cunha versión atrevida, transgresora e de gran calidade a cargo da pintora ourensana Mónica Filgueira, detrás da que se atopa o proxecto Mof la sinvergüenza, que triunfa confeccionando paraugas pintados por ela, entre outros obxectos”, segundo explican desde o Concello burelés. A artista amosa o seu traballo na web http://www.moflasinverguenza.com/blog/...
leer más
Etiquetas:
14/08/2015
Este sábado, 15 de agosto, preséntase na Feira do Libro de Viveiro o libro "Traca-Traco" de Paco Rivas e Otero Regal.
 
Este sábado, 15 de agosto, as 19:30 horas, presentarase na Feira do Libro de Viveiro o libro “Traca-Traco” con 24 nanas, un aloumiño e un arolo da editorial Cumio. O libro conten 30 ilustracións e a portada a todo color de Otero Regal e outros tantos pequenos poemas e letras de cancions de Paco Rivas, e un CD con música e as partituras das cancións nas que participan mais de 30 músicos galegos, dos que cabe destacar a participación de Fuxan os ventos, Moncho Díaz, Juan Carlos García, Laura Blanca de la Barrera… entre outros.
Na presentación estará Paco Rivas, autor dos poemas, Otero Regal, autor das ilustracions, o editor de Cumio, e algún dos músicos que participaron no proxecto, incluiso quizais Paco Rivas se anime a cantar alguna das nanas.
 Está é quinta publicación na que colaboran Paco Rivas e Otero Regal, Paco Rivas cos textos e Otero Regal...
leer más
Etiquetas:
14/08/2015
A 30ª Feira do Libro de Foz celebrarase do 20 ao 23 de agosto na praza Conde de Fontao. O horario de apertura será de 17:30 a 22 horas.
 
A Feira do Libro de Foz, a máis antiga da Mariña e unha das máis veteranas de Galicia, chega este ano á súa 30ª edición cun programa que se desenvolverá entre o 20 e o 23 de agosto na praza Conde de Fontao, o seu escenario habitual. Os horarios de apertura serán entre as 17:30 e as 22 horas, polas tardes. O pregón do escritor Diego Ameixeiras daralle inicio o día 20, abrindo un programa de actos que inclúe unha extensa actividade para os máis pequenos.
“Haberá sete casetas, contando tamén coa participación das librarías locais. Durante os catro días que vai durar a feira teremos en Foz escritores como Mónica Justo, Roberto Martínez, Uxío Diéguez, Paco Rivas ou  José de Cora, que presentarán os seus últimos libros ou dialogarán sobre os mesmos”, asegurou Nani Rodríguez,...
leer más
Etiquetas:
05/08/2015
Este venres, 7 de agosto, preséntase en Ribadeo o libro "Louselas (Ribadeo.Lugo). Los inicios del poblamiento humano en la región cantábrica.
 
A Casa das Letras de Ribadeo acolle o próximo venres, 7 de agosto, ás 20:30 horas  a presentación do libro Louselas (Ribadeo, Lugo). Los inicios del poblamiento humano en la región cantábrica, unha investigación de Eduardo Ramil Rego e Jose Ramil Soneira editado polo Museo de Prehistoria e Arqueoloxía de Vilalba (MUPAV), do que o primeiro é director.
 A obra recolle datos sobre os inicios das poboacións humanas da rexión cantábrica e en concreto do xacemento de Louselas, en Ribadeo, ubicado preto da desembocadura do Eo. Nesta zona atopáronse un gran número de ferramentas achelenses – da especie Homo Heidelbergensis- que indican unha antigüidade de 450.000 do sitio arqueolóxico. É a primeira vez que se presenta en Galicia unha monografía científica sobre un xacemento do...
leer más
30/07/2015
O Pazo de Tovar será escenario este domingo, 2 de agosto, da presentación da novela histórica "Catalina de Santisso", que desenvolve parte da súa trama nas Terras de Lourenzá.
 
O pazo de Tovar, en San Tomé de Lourenzá, será este próximo domingo, 2 de agosto o escenario da presentación da obra titulada Catalina de Santisso, unha novela histórica de Aurora García Rivas. A cita será ás 19:30 horas e o lugar escollido non é casual, xa que parte da acción da novela transcorre no propio Pazo de Tovar no século XVI. 
O personaxe histórico recreado na obra foi a dona da torre de San Paio de Narla e protagonista de numerosas lendas por mor da súa vida tráxica e as humillacións sufridas no seu matrimonio co señor Vasco de Seixas, dono da fortaleza de Xiá, que a asasinou acusándoa de adulterio.
Na presentación da novela intervirán José Ventoso, propietario do Pazo de Tovar, e Marián Suárez García, ademais da  autora...
leer más
Etiquetas:
27/07/2015
Este venres, 31 de xullo, preséntase na Librería Bahía, en Foz, "Galicia Encantada. O país das mil e unha fantasías", de Antonio Reigosa. A actividade está organizada por Mariña Patrimonio e Bahía.
 
O  próximo venres, 31 de xullo, ás 20:30 horas na librería Bahía de Foz, terá lugar a presentación do libro Galicia Encantada. O país das mil e unha fantasías, de Antonio Reigosa.
O libro Galicia Encantada, o país das mil e unha fantasías, en edición de Antonio Reigosa, ilustrado por Noemí López, é unha das novidades da colección LIBROX de Xerais.
O proxecto Galicia Encantada naceu no seu día para navegar pola internet e, agora, dez anos despois, faise libro. Unha parte dos documentos atesourados na web durante este tempo, revisados e actualizados, transmútanse en papel impreso coa gozosa pretensión de compartir a marabilla dos mitos, lendas, ritos, contos e outros sucedidos, case sempre sorprendentes. Un cento de historias que...
leer más