Cursos
A Aula Universitaria da UNED en Foz lanza a súa programación de actividades para o mes de marzo, cunha variada oferta formativa que abrangue desde a ilustración ata a sustentabilidade, pasando polo estudo da Constitución, o benestar persoal e a presentación dun caderno sobre a flora local.
A primeira actividade será o curso de iniciación á ilustración, que comezará o 6 de marzo e impartirase os xoves de 16:30 a 19:00 horas, mentres que o curso de introdución á sustentabilidade e á economía circular dará inicio o mesmo día e desenvolverase tamén os xoves, de 17:00 a 19:30 horas. “A oferta formativa da UNED de Foz abrangue un amplo abano de temáticas e públicos, desde persoas cunha especialización concreta ata aquelas que simplemente queren explorar novos coñecementos sen ningún límite de idade. Animamos á cidadanía a non poñer barreiras á...
leer más
O Concello de Ourol, en colaboración coa Escola Galega de Saúde para Cidadáns, organiza un curso de primeiros auxilios. Esta actividade vaise realizar no Edificio Multiusos do Concello o día 6 de marzo, xoves, ás 17:00 horas.
Todas aquelas persoas interesadas en participar poden realizar a súa inscrición no Departamento de Servizos Sociais do Concello de Ourol , chamando ós teléfonos 982.55.91.09 ou 677.48.94.57.
Preto de 1.100 escolares de 12 colexios da Mariña participarán nun programa piloto de educación viaria para alumnado de Primaria promovido pola Consellería de Educación, Ciencia, Universidades e FP.
O delegado territorial da Xunta, Javier Arias, e responsables de Roqsport, a empresa que organiza as actividades, presentaron hoxe a iniciativa, que se desenvolverá ao longo das vindeiras semanas nos pavillóns dos propios centros de ensino.
O calendario previsto comezará o xoves 6 de marzo no CEIP Lois Tobío de Viveiro, coa asistencia de 179 nenos e nenas do segundo e terceiro ciclo de Primaria.
Os seguintes centros e datas previstas son os CEIP Península da Paz de Cervo (o venres 7 de marzo); Pedro Caselles Rollán de Xove (o luns 10); Álvaro Cunqueiro de Mondoñedo (mércores 12); Vista Alegre...
leer más
O Concello de Burela abre o prazo de inscrición para dous cursos presenciais gratuítos destinados a mellorar as competencias dixitais da cidadanía, que se desenvolverán desde o 17 ata o 21 de marzo
Estes cursos, que contan con certificación, están deseñados para axudar ás persoas a familiarizarse co uso de internet e as novas tecnoloxías de forma segura e eficiente. A formación terá lugar na Aula CeMIT do Centro de Formación Ocupacional e estará dividida en dúas modalidades segundo a franxa de idade dos participantes.
O primeiro curso, denominado Trámites Electrónicos, está dirixido a persoas de entre 18 e 60 anos e desenvolverase do 17 ao 21 de marzo en horario de 16:00 a 18:00 horas. Os asistentes poderán adquirir coñecementos sobre administración electrónica, banca dixital, videoconferencias e redes...
leer más
O Centro Cívico de Xove acolle desde hoxe e ata o vindeiro 12 febreiro as Xornadas Formativas de Turismo Ornitolóxico, un encontro de carácter gratuíto que ten como obxectivo mellorar as capacitacións para impulsar A Mariña como destino turístico para o estudo e avistamento de aves.
O acto de inauguración contou coa presenza da presidenta da Mancomunidade de Concellos da Mariña Lucense, Rocío López; o alcalde de Xove, Demetrio Salgueiro; e a directora de Promoción de Turismo de Galicia, Carmen Pita.
Tal como explicou a presidenta da Mancomunidade “esta iniciativa busca ampliar e asentar coñecementos e habilidades arredor do turismo ornitolóxico, un dos grandes activos deste territorio, e a formación é fundamental para contar con persoal con capacidade de atender a demanda tanto do público xeral coma do...
leer más
O Centro Sociocomunitario de Mondoñedo ofrece clases de baile para todas as idades. Serán os mércores de 16:30 a 18:00 horas.
“Abrimos listas de persoas interesadas en facer grupo de baile. Podedes apuntarvos no Centro Sociocomunitario de Mondoñedo ou chamando aos teléfonos 982.82.83.89 ou 982.82.83.91. Aberto a toda a poboación”, anuncian.
Ribadeo acollerá este domingo, día 9 de febreiro, no Pavillón Municipal da rúa Alfredo Deaño unha clase de iniciación á danza organizada pola asociación ribadense As Vacas Fracas e que correrá a cargo de Ana Uría e Xacobe Paz.
Esta actividade desenvolverase de 17:30 a 21:00 horas e para participar hai que inscribirse previamente.
As actividades de dinamización organizadas polo Concello de Barreiros que estaba previsto que se desenvolveran desde este pasado día 3 tiveron que ser adiadas e darán comezo o luns 10 de febreiro en Reinante de 10:00 a 11:00 horas.
O Concello de Barreiros anuncia: “aproveita esta oportunidade para aprender a manexar mellor o teu móbil. Aquí resolveremos dúbidas sobre Whatsapp, a aplicación do Sergas, Catastro, e outras ferramentas que che facilitarán o día a día. Tamén aprenderás a recibir no móbil noticias do Concello e doutros lugares de interese. Aínda podes inscribirte a través da asociación de veciños de Reinante ou no propio Concello”.
Unha vez finalizada en Reinante, a actividade chegará a Celeiro de Mariñaos, Rilleira e Vilamartín Grande.
O Concello do Vicedo organiza un obradoiro de solo pélvico que se desenvolverá o día 21 de febreiro, venres, de 17 a 20 horas.
O alcalde do Vicedo, José Jesús Novo Martínez, fixo público un bando no que anuncia que “o vindeiro 21/02/2025 celebrarase un obradoiro de solo pélvico, en colaboración co Servizo galego de Saúde. Como requisito sinalamos contar cun número mínimo de 10 inscricións, abertas a tódolos interesados, cun enfoque inclusivo e accesible para todas as idades e niveis. O prazo de inscrición estará aberto con data límite do 07/02/2025, chamando ao departamento do Servizos Sociais do Concello a través do número 982.59.00.01. O lugar de celebración dependerá das inscricións formalizadas (locais sociais das parroquias ou Casa da Cultura de O Vicedo)”.
O Concello do Valadouro ofrece actividades para adultos sobre novas tecnoloxías desde o día 4 de febreiro, martes. Serán na Sala de Informática da Casa da Cultura.
“Comezamos o 4 de febreiro de 2025 ás 11:00 horas na Casa da Cultura. O horario de 4 de febreiro a 15 de abril é os martes laborables de 11:00 a 12:30 horas; e desde o martes 22 de abril ó 27 de maio, de 10:30 a 12:30 horas. Podes consultar a listaxe de admitidos na sede electrónica do concello do Valadouro:...
leer más