Deportes
A Unión Deportiva Folgueiro, do Vicedo, estreará o novo campo Boavista con dous partidos de fútbol, churrascada, música a cargo dun DJ e sorteos este sábado, 19 de outubro.
“Despois de case un ano, este sábado 19 estreamos o novo campo de Boavista cos partidos dos nosos dous equipos: en categoría sénior ás 16:00 horas contra o Celta Barreiros; e en categoría xuvenil contra o Burela SD ás 18.30 horas. E despois disto haberá churrascada e música para todos os asistentes”, anuncia a UD Folgueiro.
A sétima edición da Marcha Xoviética de bicicletas todoterreo celebrarase este domingo, 20 de outubro, en Xove.
A organización corre a cargo do Club Ciclista Komando Xoviético, que explica que é unha proba deportiva “para todos os públicos e amantes do ciclismo de montaña. Trátase dunha marcha non competitiva, apta para todos os niveis”.
A entrega de dorsais e bolsa de corredor será o día da proba de 8:30 a 9:15 horas no Pavillón do Concello de Xove. A saída da proba será ás 9:30 horas, a ruta é de aproximadamente 37 quilómetros e 1.200 metros de desnivel acumulado.
As inscricións fanse a través da páxina web https://fgalegaciclismo.es/ e o prazo remata este mércores, 16 de outubro.
O Concello de Trabada presenta a última das rutas programadas este ano coa colaboración da asociación de sendeirismo Trabada Paso a Paso. O día 10 de novembro, domingo, chega a quenda da Ruta da Fraga da Becerreira, un percorrido de seis quilómetros de dificultade media-baixa.
A saída será ás 10:00 horas desde a Praza do Concello e ó finalizar a ruta haberá comida para tódolos asistentes. As prazas son limitadas e as inscricións pode facerse ata o 5 de novembro no teléfono do Concello: 982.135.011.
Desde xuño ata novembro realizáronse as cinco rutas de sendeirismo coas que se conta no concello de Trabada: Ruta da Subida ó Picato, Ruta da Fraga da Vilapena, Ruta do Vento, Ruta do Monte Roxal-Teixido e Ruta Fraga da Becerreira.
“Quero agradecer a receptividade e a alta participación nas...
leer más
A Asociación de Sendeirismo Terras de Lourenzá organiza unha fin de semana de rutas polo Baixo Miño para os días 26 e 27 de outubro, sábado e domingo.
O sábado sairán do Cantón de Vilanova de Lourenzá ás 06:30 horas e percorrerán desde Lamas de Mouro ata Castro Laboreiro, en Melgaço (Portugal), cunha distancia de 7,3 quilómetros e dificultade media.
E o domingo farán a ruta de Tui a Caldelas de Tui, con 7,4 quilómetros e dificultade baixa.
Os prezos son de 140 euros para os socios do colectivo organizador e de 165 euros para os quen non son. “Inclúen desprazamento ida e volta en autobús, xantar de mediodía do sábado e o domingo, cea do sábado, almorzo do domingo pola mañá e pernoita da noite do sábado para o domingo. Faremos unha parada para almorzar na viaxe de ida (esa comida non se...
leer más
O Concello de Cervo organiza unha andaina popular polo Día Mundial Contra o Cancro de Mama. A cita será o sábado 19 de outubro ás 11:00 horas e o punto de encontro é o peirao de San Ciprián. A continuación haberá unha sesión de Ioga na Casa do Mar, para todas as persoas que desexen asistir.
Os diferentes edificios municipais de Cervo iluminaranse de cor rosa, para sensibilizar á poboación sobre a importancia da detección precoz, para mellorar o prognóstico e a supervivencia das pacientes que padecen esta enfermidade.
A Asociación Deportiva de Sendeirismo Pasada das Cabras, de Burela, fará a Ruta da Pedra e da Auga, en Cambados, o sábado 19 de outubro. O prezo é de 40 euros para os socios do colectivo organizador e de 50 euros para os que non o son. Inclúe autobús, comida e seguro. A saída será ás 07:00 horas desde a estación de autobuses de Burela.
É unha ruta de dificultade baixa, con 10 quilómetros de percorrido. A organización recomenda levar bastón e calzado apropiado.
As persoas que queiran participar deben anotarse antes do 17 de outubro.
A asociación Praias de Comado organiza conxuntamente co Concello de Barreiros unha nova edición do Trail Monte Comado que volverá contar, na mañá do domingo 13 de outubro, con dúas distancias: 12 e 26 kms.
Dende o Concello de Barreiros, organizador do Circuíto +Kms Barreiros no que se inclúe esta proba, destacan “a importante aposta a nivel económico e de traballo organizativo cara ás probas que integran o circuíto, xa que é unha forma tamén de apostar polo turismo deportivo e desestacionalizalo; así como de colaborar coas asociacións do Concello”, manifestou a alcaldesa, Ana Ermida.
A rexedora sinalou o “empuxe dado ás carreiras populares desde o Concello nos últimos anos, organizando un circuíto que inclúe todas as carreiras que se celebran no municipio e converténdoas nunha cita non só deportiva, senón tamén...
leer más
Run Foz Run anuncia que se presentó en el Oca Hotel de Foz la V Edición del Cross Os Castros, que tendrá lugar en Cangas de Foz el día 20 de octubre, domingo. “Una competición singular en A Mariña, con un circuito espectacular al borde de los acantilados de la costa y con un entorno privilegiado. Este año como novedad se incorporará una andaina solidaria de 15 kilómetros que recorrerá las localidades mariñanas de Foz y Burela, con tramos por el paseo marítimo, subida al Castelo y recorrido por los senderos de dicho bosque. Además las categorías en formación disputarán la primera preparatoria de cross escolar del programa Xogade en donde benjamines recorrerán una distancia de 600 metros, alevines 1000 metros, infantiles 1600 metros y 2000 metros para los cadetes. Como evento final se disputará el cross popular, tanto para pícaros como para la categoría absoluta,...
leer más
A Asociación Cultural Xuvenil O Castelo, de Alfoz, organiza un percorrido pola Ruta do Ferrocarril desde San Tirso de Abres ata A Pontenova para o día 13 de outubro, domingo.
Os participantes sairán en autobús desde a Casa do Concello de Alfoz ás 9:00 horas e a ruta comezará ás 10:00. Ao final da andaina, de 12 quilómetros, degustarán un aperitivo.
As prazas son limitadas e o xoves 10 de outubro é a data límite para anotarse.
“O domingo 13 de outubro ímonos de andaina! Saíndo dende San Tirso de Abres, recorreremos os túneles nos que nalgún tempo pasaron as vagonetas de camiño á Pontenova, lugar onde remata a ruta”, anuncia a asociación O Castelo.
O Concello de Foz, a través da Concellería de Xuventude e Deportes, organiza o Día da Bici para este domingo, día 6 de outubro. A saída será ás 11:30 horas desde o parque infantil de tráfico. Haberá agasallos para todas as persoas participantes.
A inscrición está aberta ata o 4 de outubro e debe facerse a través do correo electrónico bici@concellodefoz.es.