Deportes
A Xove Costa Trail celebrarase os días 19 e 20 de marzo con cambios respecto ás edicións anteriores.
A Xove Costa Trail celebrarase os días 19 e 20 de marzo de 2022 con cambios respecto ás edicións anteriores nas distancias e percorridos das carreiras.
Os organizadores explican que “a longa pasa a ser XCT35K, aumentando o seu recorrido 10 quilómetros e sendo circular, con saída e chegada en Xove. A curta para a ser a XCT18K, aumentando 3 quilómetros o seu recorrido e seguirá sendo lineal, con chegada en Xove. A andaina será de 12 quilómetros, sendo circular en sentido contrario ás carreiras. As dos nenos serán un Circuíto Trail no entorno de Roncadoiro”.
As carreiras XCT35K, XCT18K e a andaina celebraranse o domingo pola mañá e as carreiras dos nenos o sábado pola mañá.
O Concello de Barreiros organiza para o domingo 9 de xaneiro a Carreira Popular Solidaria de Reis con categorías para menores e adultos así como unha andaina de 10 kms. que tamén terá carácter solidario. O prazo de inscrición para as dúas modalidades finaliza o día 6 de xaneiro ás 23:59 h.
A organización doará o 30% de cada inscrición da carreira así como a totalidade do recadado coas inscricións da andaina ao proxecto socioeducativo "Sinfónico no rural" da Fundación Xesús Bal y Gay que se está a levar a cabo estes meses en Barreiros. Un proxecto para achegar a música clásica e os instrumentos a calquera familia con independencia da capacidade adquisitiva ou da posibilidade desprazamento.
Ás 10:30, no campo de fútbol O Cascabeiro, darase a saída da andaina. O percorrido circular de 10 km dá a posibilidade de...
leer más
A Asociación Deportiva Augasantas, recentemente creada, en colaboración co Concello de Barreiros fomenta a práctica do atletismo.
A A.D. Augasantas anuncia: “en colaboración co Concello de Barreiros, traemos unha actividade moi interesante para os nosos socios, neste caso para a sección de atletismo. Para fomentar a práctica deste deporte entre a xente adulta contaremos coa asistencia dun técnico deportivo un día á semana para asesoramento para principiantes, preparación de carreiras populares, mellora da condición física e técnica de carreira e adestramento grupal”.
Os interesados pode obter máis información contactando con calquera integrante da directiva da asociación, a través das redes sociais ou do correo electrónico a.d.augassantasbarreiros@gmail.com...
Mañá, venres, celébrase en Ribadeo a XXXI edición da San Silvestre. Son 525 os inscritos que se darán cita nesta carreira, que ven marcada polo protocolo covid. Os participantes correrán con máscara e desde o Concello pídese prudencia e recoméndase manter a distancia de seguridade á xente que acuda a ver a proba co obxectivo de evitar aglomeracións.
O concelleiro de Deportes, Jorge Díaz, dixo que “mañá realízase unha nova edición da San Silvestre, que será a 31. Nesta cita participarán uns 525 inscritos dentro das catro modalidades que todos os anos vimos facendo. O percorrido vai ser o habitual na carreira dos cinco quilómetros. Vai polas distintas rúas do casco urbano, chegando ao Cargadeiro e dando a volta para rematar diante do Concello”.
O edil sinalou que “é un ano que está moi marcado polo covid. Hai un...
leer más
A asociación xuvenil Xoldra, coa colaboración do Concello de Mondoñedo, organiza a segunda edición da carreira Findano, que se celebrará o día 31 de decembro, venres, con saída da Praza do Concello ás 16:30 horas e nunha distancia de 4 quilómetros polas rúas do casco urbano mindoniense.
O prazo para inscribirse está aberto ata o 27 de decembro única e exclusivamente en galitiming.com. O prezo é de 7 euros e os beneficios irán destinados á Asociación Contra o Cancro.
A retirada de dorsais realizarase na Praza do Concello o mesmo día da carreira a partir das 15:30 horas, cunha zona acoutada para entrar e outra para saír. Tódolos participantes terán asignado un dorsal, que irá situado no peito e terá que ser visible durante a proba.
O Concello de Viveiro acolleu a presentación da Carreira San Silvestre 2021, que se celebrará o 31 de decembro, saíndo as 16:00 horas os nenos e as nenas e ás 17:00 horas os adultos dende a praza Maior.
A carreira está organizada polo Concello de Viveiro e o CD Egovarros. Na presentación estiveron a alcaldesa, María Loureiro, o concelleiro de Deportes, César Iglesias, e representantes do CD Egovarros e da Asociación Gadoupas.
A carreira de nenos consistirá nun percorrido arredor do casco histórico e, no caso dos adultos, terá unha duración aproximada de catro quilómetros e o percorrido será polo paseo marítimo (ida e volta).
É unha proba non competitiva, na que se deberán respectar todas as medidas e protocolos Covid-19, e será unha carreira solidaria coa Asociación Protectora de animais...
leer más
Nel participan as entidades que organizan as distintas carreiras que se celebran en Barreiros, o Concello e a Vicepresidencia da Deputación, que cofinancia o circuíto.
A Carreira de Reis, Terra Mar, Ao son do Masma, Trail Comado. ½ Vertical e Carreira das Praias conforman o evento presentado por representantes das organizacións, do Concello e a deputada Mónica Freire.
Crear este circuíto é un xeito de darlle empaque xeral a todas as carreiras do municipio, que son un dos mellores escaparates para coñecelo; xa que percorren dende as nosas praias ata os nosos montes
durante todo o ano.
O Sistema de puntuación será sinxelo no que se valorará a regularidade.
Cada carreira contará co seu propio espazo web dentro dunha web do circuíto na que se poderá...
leer más
Cervo acollerá o sábado 18 de decembro o XIII Campionato de Nadal de Nihon Tai-Jitsu nas modalidades de Kata de base e Goshin Shobu (defensa persoal).
O evento foi presentado polo edil de Deportes, David Rodríguez, e polo presidente da Escola de Artes Marciais de Cervo e director do departamento de Tai-Jitsu da Federación Galega de Kárate, Miguel Ángel Rojo.
O escenario da competición, que comezará ás 17:00 horas, será o Pavillón Municipal da Veiga. Ao campionato acudirán participantes das catro provincias galegas.
Estímase que serán medio cento os participantes, desde a categoría alevín ata senior. Haberá medallas para todas as persoas participantes, e trofeos para os tres mellores de cada unha das 6 categorías.
No Concello de Ribadeo presentouse esta mañá a XXXI San Silvestre, que se celebrará o 31 de decembro. A inscrición, que é obrigatoria e gratuíta, está aberta desde hoxe e ata o 26 de decembro. A máscara será obrigatoria para todas as categorías a partires dos seis anos de idade. Na presentación estiveron presentes o alcalde, Fernando Suárez, o concelleiro de Deportes, Jorge Díaz, e o técnico de Deportes, Iván Rodríguez.
O rexedor dixo que “estamos moi contentos de organizar isto porque o facemos con moita prudencia. Todo o que organizamos o facemos con moita prudencia, pero tamén con moita ilusión, sabendo que todo isto que estamos programando vai ter moita repercusión e seguro que haberá moita xente que se inscriba de Ribadeo e veciños de fora de Ribadeo que se acheguen aquí. Tamén este día último do ano qué mellor que despedir o ano...
leer más
A asociación Os Sendeiros de Foz organiza unha ruta por A Pontenova que terá lugar o 12 de decembro, á Fraga das Reigadas.
A saída será ás 8:30 horas de Foz, diante de Cenor, e ás 8:45 desde Ferreira. O percorrido ten unha lonxitude de 12 quilómetros e rematará en a Tenda de Manolo.
Para participar é obrigatorio anotarse, antes do 10 de decembro, a través dos teléfonos 606 718 482 e 670 369 017 ou do e-mail ossendeiros@yahoo.es. O prezo é 25€ para os socios federados, 29 euros para os socios non federados e 33€ para os socios temporais. Inclúese o xantar que, se a situación sanitaria o permite, terá lugar en Lar de Balbina en A Pontenova.
A organización recomenda levar equipo de sendeirismo e mascarilla e informa que a ruta ten un nivel de...
leer más