Eventos
Sete entidades de toda a provincia participan esta semana no programa da Deputación de Lugo Coñece a túa provincia. Dende hoxe ata o venres, colectivos de Lugo, Barreiros e Cervantes percorren o patrimonio natural e cultural da provincia a través de diferentes itinerarios que os levarán a Cervo, O Incio, Alfoz e O Valadouro, Quiroga, O Saviñao e a zona de Montaña, con parada nos concellos de Becerreá, As Nogais, Cervantes e Navia de Suarna.
As viaxes comezaron este martes con dúas entidades do concello de Lugo. Por unha banda, membros da Asociación Veciñal San JoséPolvorín das Gándaras iniciaron o percorrido no Mazo de Santa Comba e, posteriormente, achegáronse ao concello de Cervo, onde visitaron a fábrica de Sargadelos, o Paseo dos Namorados e a vila de San Cibrao. Por outro lado, integrantes da Asociación Prestancia de Lugo percorreron...
leer más
A Mancomunidade de Concellos da Mariña Lucense, coa axuda da Axencia de Turismo de Galicia e da Deputación de Lugo para a súa promoción, organiza as IV Xornadas de Portas Abertas das Rutas de Artesanía, que nesta edición desenvolveranse as fins de semana do 17 ao 19 e do 23 ao 26 de xuño. Nesta ocasión, ademais, realizarase un sorteo entre as persoas que participen que consistirá en 4 premios de experiencias, aloxamento e almorzos nas empresas participantes no proxecto Turismo Slow Norte de Galicia localizadas na Mariña Lucense.
Desde a Mancomunidade o seu presidente, Fran Cajoto, lembra que “se trata dunhas xornadas con actividades gratuítas que se organizan por cuarto ano consecutivo da man dos artesáns da comarca que conforman o proxecto das Rutas de Artesanía da Mariña Lucense, polo que a Mancomunidade leva apostando dende hai anos. Na...
leer más
O Deputado de Participación Cidadá, Roberto García Pernas, participou na presentación do Festival Aturuxo de Bravos, que se celebrará os vindeiros días 29 e 30 de xullo, unha cita gratuíta coa que colabora a Deputación cunha achega económica de preto de 20.500€.No acto, que tivo lugar no local social desta parroquia do concello de Ourol, participou tamén o Alcalde do municipio mariñán, JoséLuisPajón, e a responsable da asociación Aturuxo de Bravos, María del CarmenRivera Vidal.
García Pernas destacou que “dende a Deputación colaboramos con esta festa dende hai uns anos, pero nesta edición quixemos facer unha colaboración especial, acorde ao cartel e á programación organizada”. Neste sentido,o Deputado sinalou que a institución subiu a achega económica, canalizada a través dun convenio de colaboración co Concello de Ourol, ata os 20.450...
leer más
Baixo o nome ‘Descubre Viveiro’ ofrecerase a veciños e visitantes información sobre paseos e rutas de sendeirismo, así como gran cantidade de material gráfico e audiovisual sobre distintos puntos de interese.
“É un antes e un despois na promoción de Viveiro, un proxecto moi ambicioso e adaptado ás novas tecnoloxías para dar a coñecer o noso concello, un lugar con todos os servizos necesarios para vivir todo ano nunha contorna natural privilexiada”, asegura a alcaldesa, María Loureiro.
De forma progresiva iranse dando a coñecer rutas e paseos virtuais, así como vídeos de zonas urbanas e de espazos naturais; ademais deste material, para cada unha da rutas ou paseos incluíranse folletos, trípticos, tracks do percorrido, etcétera.
“Quero agradecer o traballo da concelleira de Turismo,...
leer más
A alcaldesa de Lourenzá, Rocío López, e o concelleiro de Cultura, Manuel Arango, veñen de presentar o cartel anunciador da III Festa Campesiña, que se celebrará o domingo 19 de xuño no Campo dos Bolos.
Manuel Arango anuncia que “o programa, que se dará a coñecer nos próximos días, incluirá actuacións de música e baile tradicional, obradoiros, postos de artesanía e alimentación, sesión vermú e festa campestre, xantar e tasca, entre outras moitas cousas. En todas estas actividades colaboran distintas asociacións do concello”.
A rexedora municipal invita “aos veciños e veciñas e a todas as persoas que se acheguen ese día a Lourenzá a que o fagan caracterizados de campesiños e campesiñas para acadar que a festa teña a aparencia das festas que se celebraban en Galicia hai un século”.
Para...
leer más
A Área de Cultura do Concello celebra este sábado os sete anos do proxecto Apego, que busca potenciar que as persoas adultas lles transmitan ás crianzas o amor polo idioma galego. No parque do Xardín haberá actividades a partir das cinco da tarde.
A edil Pilar Otero dixo que “Apego é unha idea a nivel galego que xunta entidades locais e universidades, concellos de cidades grandes e de vilas medianas e pequenas, municipios rurais e de todas as cores políticas. Iso é o importante, o idioma é unha riqueza de todos e todos e todas debemos usalo para que siga vivo, independentemente das nosas ideas. É patrimonio común”.
A concelleira de Cultura subliñou que “sempre hai que aclarar que usar o galego, transmitirllo ás nosas nenas e nenos, non significa que nos pechemos aos demais idiomas. Ao revés, o ideal é saber...
leer más
O Concello de Cervo programa unha nova edición de “Cervo Concilia”, unha iniciativa municipal máis que consolidada que pretende ser “esa ferramenta de axuda á conciliación das familias, en épocas nas que pode resultar complicado como é o verán”.
O programa está dirixido ás crianzas do municipio de entre 3 e 12 anos e desenvolverase desde o 27 de xuño ata o 7 de setembro “traballamos para buscar a fórmula que nos permitise cubrir o total das vacacións escolares, para beneficiar ao máximo ás familias e axudarlles na difícil tarefa de conciliar”, tal e como precisou o rexedor, Alfonso Villares.
Pola súa banda a edil de Educación, Dolores García Caramés, que coordina o programa, apuntou que xa está aberto o prazo de inscrición “que se poderá formalizar ata o 25 de xuño na Casa do Concello o una Casa da Cultura”.
... leer más
O parque de San Francisco acollerá a celebración da 1ª Feira do Mercado Social o vindeiro 18 de xuño. A cita foi presentada hoxe no Concello de Ribadeo. No acto participaron o alcalde, Fernando Suárez, o concelleiro de Desenvolvemento Local, Pablo Vizoso, xunto a membros de entidades como Reas ou Lugar das Marías.
Vizoso Galdo contou que “hoxe presentamos a 1ª Feira do Mercado Social acompañados dalgunhas das entidades que formarán parte deste evento, que se celebrará no parque de San Francisco o sábado 18 de xuño. O obxectivo desta actividade é promover a rede local de comercio e consumo no concello de Ribadeo, achegando e fomentando este modelo económico e informando sobre el a toda a poboación”.
O edil ribadense subliñou que “con esta feira o Concello de Ribadeo súmase ao compromiso de afianzar na economía...
leer más
O delegado territorial da Xunta en Lugo, Javier Arias, participou hoxe no Vicedo na presentación da V Romaxe Viquinga que se celebrará na praia de San Román os días 29 e 30 de xullo. Xunto co alcalde, Jesús Novo, Arias subliñou o impulso que infunde este evento ao desenvolvemento turístico do municipio pese á súa corta traxectoria.
Neste sentido, o delegado lembrou que as campañas da Xunta Camiña a Galicia e Galicia Destino Seguro “axudaron xa o pasado ano a atraer turismo, e confiamos en seguir mellorando as cifras de visitantes grazas a una oferta baseada no patrimonio natural e cultural, con destinos non masificados e propostas diferenciadas como esta romaxe”.
A romaxe comezará o sábado 30 de xullo a partir das 10,30 horas coa apertura dos campamentos, e inclúe a recreación do desembarco viquingo e da batalla,...
leer más
O Concello de Alfoz anuncia: “un ano máis imos organizar actividades para nenas e nenos nados entre 2010 e 2019. Serán desde o 4 de xullo ata o 26 de agosto repartidas en 4 quendas das que se poden elixir unha, varias ou todas para vir de luns a venres (laborables) de 10:00 a 13:00 horas ao CEIP Castro de Ouro. É una iniciativa de balde, subvencionada polo Concello de Alfoz e pola Secretaría Xeral de Igualdade da Xunta de Galicia, o Ministerio de Igualdade e a Unión Europea. Deporte, xogos, experimentos, medio ambiente, piscina,... sempre para fomentar a igualdade”.
Haberá unha reunión Informativa o 15 de xuño ás 20:00 horas no Salón de Actos de Cultura. E o prazo de inscricións é do 17 ao 24 de xuño.
As bases de participación están publicadas en www.concellodealfoz.com...
leer más