Eventos
Coa Festa da Horta o vindeiro 13 de outubro rematarán en Ribadeo os Mercados dos Domingos deste 2024
Haberá obradoiros para adultos e nen@s, exposicións, degustacións, tapas especiais nos bares da contorna da praza de abastos e música.
A concelleira de Comercio e Turismo, Marta Saiz, dixo que “o vindeiro domingo, 13 de outubro, terá lugar a Festa da Horta, unha cita que servirá como colofón do Mercado dos Domingos deste ano. A xornada estará dedicada aos produtos de tempada e proximidade”.
A edil ribadense contou que “durante a festa o público poderá disfrutar de diferentes actividades como unha degustación de zume de mazá recén prensada ou visitar a carpa Experiencias de Calidade da man de AGACAL (Axencia Galega de Calidade Alimentaria) con degustacións de produto galego. Tamén haberá unha mostra de diferentes produtos da horta e a exposición Alimentos con Superpoderes, que sensibiliza dos beneficios da...
leer más
A parroquia ribadense de Piñeira celebrará as festas do Santo Cristo esta fin de semana, desde o venres 11 ata o domingo 13 de outubro.
As actividades empezarán o venres ás 22:00 horas coa verbena amenizada por grupo Beatriz e América SL.
O sábado haberá verbena ás 22:00 horas, coas orquestras Capitol e New York, e espectáculo de fotos artificiais ás 00:00 horas.
E o domingo celebrarase ás 13:00 horas misa solemne cantada pola Coral Polifónica de Ribadeo. Despois haberá procesión co Cuarteto Illa Pancha e sesión vermú a cargo de Los Adrianos, con degustación de xamón cocido e empanadas de balde.
A organización, que corre a cargo da Asociación de Festas do Santo Cristo de Piñeira, destaca que disporán de carpa.
A Espiñeira, no concello de Foz, celebrará as festas na honra da Virxe do Pilar os días 11 e 12 de outubro, venres e sábado.
As actividades comezarán o venres ás 22:30 horas cunha verbena amenizada polo dúo Sensación e a orquestra Cinema.
E o sábado ás 13:00 horas haberá misa solemne e despois procesión e sesión vermú coa orquestra Solara, que tamén actuará na verbena xunto ao dúo Belinda.
A organización anuncia que disporán de carpa.
O día 26 de outubro, sábado, ás 21:30 horas no pavillón de San Cosme de Barreiros terá lugar unha cea baile organizada pola comparsa Habelas Hainas.
“Comida, música, agasallos... e sobre todo moita festa. Dádelle a voz de alarma a un dos integrantes da comparsa ou poñédevos en contacto (antes do día 21 de outubro) para a reserva das entradas nos seguintes teléfonos: 666.820.228 ou 647.086.991”, anuncia a comparsa Habelas Hainas.
O conselleiro do Mar da Xunta de Galicia, Alfonso Villares, e maila xefa territorial da Consellería do Mar, Mariña Gueimunde, recibiron este venres na delegación da consellería en Celeiro ao xerente da Fundación Expomar, José Manuel González ‘Brais’, e ao concelleiro de Mar do Concello de Burela, Ramiro Fernández.
Na reunión, xa acordada con miras á vixésima edición da feira monográfica náutico-pesqueira, que terá lugar no porto de Burela en maio de 2025, os representantes da Fundación Expomar tamén detallaron á Consellería as súas próximas actividades previstas.
A acción máis achegada será a segunda edición do “Día do Orgullo Mariñeiro”, que se iniciou con grande éxito o ano pasado e que a mediados de decembro de novo combinará a divulgación nas escolas, a exaltación da cultura mariñeira e a gastronomía do mar...
leer más
Viveiro acolle diversas actividades desde o día 4 ata o 20 de outubro con motivo dos Días da Rede Euroepa de Celebracións da Semana Santa e Pascua.
O programa desta edición, que se celebra con carácter anual, inclúe máis de medio centenar de actividades que se desenvolven, durante as datas citadas, en quince dos municipios adheridos á Rede Europea. No caso de Viveiro, haberá unha exposición de imaxes da Semana Santa, un concerto de música procesional, visitas e xornadas de portas abertas a igrexas, e o encontro infantil ‘Colorea a túa Semana Santa’.
A alcaldesa de Viveiro, María Loureiro, destaca que “esta iniciativa permite coñecer, fóra da súa época de celebración, o patrimonio cultural e histórico vinculado á Semana Santa con actividades para todas as idades”. Este programa permite ademais, fóra da época de...
leer más
Mañá arrincan en Ribadeo as XIX Xornadas Mar por Medio. Ata o domingo haberá conferencias, mesa redonda, exposicións, documental e actuacións musicais.
A concelleira de Cultura, Begoña Sanjurjo, explicou que “esta fin de semana terán lugar en Ribadeo as Xornadas Mar por Medio na súa edición número 19. Comezarán ás 10:15 horas do venres co acto inaugural presidido polo conselleiro de Cultura, José López Campos. A continuación, a conferencia inaugural será impartida por don Francisco José Prieto Fernández, arcebispo de Santiago de Compostela, co título Os Camiños de Santiago e a Igrexa. Esta conferencia está enmarcada no título xenérico Os Camiños de Santiago, itinerarios de espiritualidade, tradición e cultura”.
A edil ribadense seguiu a relatar que “outras ponencias versarán sobre as asociacións xacobeas, as...
leer más
O Concello da Pontenova organiza diversas actividades infantís este domingo, 6 de outubro, de 17:00 a 21:00 horas na Praza do Concello.
Haberá inchables para nenos e nenas maiores de 4 anos, tattoos con purpurina e pintacaras.
Este domingo, día 6, volven os Pasos de Sabiduría ao centro social de Ribadeo, que se prolongarán ata xuño de 2025.
A concelleira de Benestar Social, Elena Sierra, explicou que “este domingo, 6 de octubre, comenzamos de nuevo con Pasos de Sabiduría, lo haremos de la mano del dúo Mar de Caión, desde las seis de la tarde hasta las nueve de la noche”.
A edil ribadense contou que “los Pasos de Sabiduría serán todos los domingos hasta finales del próximo mes de junio en el centro social de Ribadeo. Esperamos contar una vez más con todos vosotros para pasar unas tardes divertidas y llenas de movimiento. Estará con nosotros, de nuevo, Susana Álvarez, para ayudarnos a amenizar las tardes de los domingos”.
A trixésimo sétima edición da Feira do Mel do Valadouro celebrarase o día 12 de outubro, sábado.
O Concello do Valadouro anuncia que “a Concellería de Cultura ten o orgullo de presentar unha nova edición da Feira do Mel. O sábado 12 de outubro terá lugar unha das convocatorias máis esperadas e queridas do outono no noso concello e en toda a bisbarra. Un evento que celebra a excelencia do noso mel e o coidado traballo dos nosos apicultores. Esta xornada completarase, ademais da venda de mel e material apícola, con obradoiros, degustación de eco-cócteles, filloas con mel, castañas, contacontos, ambientación musical e moitas máis sorpresas”.