Eventos
A Asociación de Veciños San Pedro da Ribeira de Saldoira, no concello da Pontenova, anuncia que “o proxecto Ninfas, da Asociación de Empresarias da Provincia de Lugo en colaboración coa Deputación de Lugo, chega a Saldoira o venres 18 de outubro. Teremos baile dende ás 20:00 ata ás 22:00 horas”.
O colectivo que elabora a alfombra floral de Burela organiza unha cea para o día 19 de outubro, sábado. Será no Hotel Nordés ás 22:00 horas.
A cea estará amenizada por DJ Tomás e sortearase unha cesta de peixe valorada en 250 euros, doada por ABSA. Os tickets, cun prezo de 40 euros, para asistir están á venda no Hotel Nordés.
“Anímate e únete a compartir unha divertida velada”, di a organización.
A décimo sétima edición da Feira de Antigüidades e Artesanía de A Pontenova celebrarase desde o venres 6 ata o domingo 8 de decembro. Estará aberta ao público o venres e o sábado 11 a 14 horas e de 16 a 21 horas, pero o domingo pechará ás 20:00.
De maneira paralela a este evento tamén se celebrará na Pontenova a oitava Xuntanza de Vespas, Motos e Coches Clásicos.
A asociación Camiña organiza un taller de Samaín e unha cea baile benéfica o 26 de outubro en Burela
A asociación comarcal de nais, pais e titores de persoas con discapacidade da Mariña lucense Camiña organiza un taller de Samaín e unha cea baile benéfica para o día 26 de outubro, sábado, en Burela.
O taller de Samaín é para nenos e nenas de 3 a 12 anos de idade e desenvolverase de 11 a 13 horas.
E a cea baile benéfica será no hotel restaurante Nordés e comezará ás 22 horas. “O prezo será de 35 euros (30 para a cea e 5 de donativo para a asociación). Contaremos coa colaboración de Dj Beto,que amenizará a noite. As entradas están dispoñibles tanto en Camiña A Mariña coma no hotel restaurante Nordés. Non esquezas facer a túa reserva con antelación”, explican desde Camiña.
A parroquia de San Román celebrará as festas na honra á Virxe do Pilar e á Virxe do Carme do 11 ao 13 de outubro. Os diferentes actos previstos foron presentados pola alcaldesa de Cervo, Dolores García Caramés, polo concelleiro Alfredo Fernández e por unha representación da Comunidade de Montes de Vilaestrofe, entidade que organiza a festa, coa colaboración do Concello de Cervo.
O programa arrinca este venres 11 co SanroDance 2024 a partir das 23:00 horas, no pavillón da parroquia, e que contará coa participación de DJ Pablo Conxuro, DiscoMóbil Alejandro Martínez, e os DJ invitados, Marcos Peón e DJ Balbin.
O sábado 12 haberá misa solemne cantada polo Coro Parroquial de Cervo ás 13:00 horas, e a continuación a orquestra Costa Dorada será a encargado da sesión vermú, que tamén protagonizará a verbena co grupo Da Silva.
O domingo 13 volverá haber...
leer más
O 12 de outubro celebrarase en Ribadeo a II Feira do Mercado Social. Será de 11 a 20 horas. Haberá actividades de lecer e animación e parladoiros divulgativos.
A concelleira de Comercio, Marta Saiz, explicou que “o vindeiro sábado, 12 de outubro, no entorno do parque de San Francisco, terá lugar a II Feira do Mercado Social organizada polo Concello de Ribadeo, unha actividade que está cofinanciada pola Rede EuSumo impulsada pola Xunta de Galicia e á que o Concello de Ribadeo está adherida. Tamén se conta para o seu desenvolvemento coa colaboración de REAS Galicia (Rede de Economía Alternativa e Solidaria de Galicia)”.
A edil ribadense indicou que “o obxectivo deste mercado social é achegar ao público outro modelo de economía centrado nas persoas, isto é actividades económicas privadas que operan no mercado tendo...
leer más
A asociación cultural deportiva Pequenos Pasos, de Landrove (Viveiro), organiza a sétima edición da Festa Labrega os días 11 e 12 de outubro, venres e sábado. O campo da festa estará no atrio de Landrove, onde se instalará unha gran carpa.
As actividades empezarán o venres ás 21:00 horas co prendido da chama olímpica. A partir das 21:30 repartirán boliños preñados gratis e ás 22:00 horas actuará Amigos do Folk.
O sábado os actos comezarán ás 13:00 horas con sesión vermú amenizada polo dúo Estrellas e os asistentes poderán degustar pinchos labregos de tortilla, que venderán a 4 euros para os socios do colectivo organizador da festa e a 5 euros para os que non pertencen á asociación. Ás 16:00 horas comezarán as sétimas Olimpíadas Rurais e ás 20:30 actuarán os grupos Espera que vou mexar e Hortensio. A partir das 21:...
leer más
A vindeira fin de semana seguirán por Trabada e por Xove as rutas e visitas guiadas de outono da Mancomunidade: A Mariña. Plans con Corazón. Trátase dun proxecto promovido pola Mancomunidade, coa colaboración da Xunta de Galicia e da Deputación de Lugo, que busca dinamizar a actividade turística durante os meses de outubro e novembro.
A paisaxe fluvial e a etnografía de Trabada serán as protagonistas o vindeiro 12 de outubro. A visita será guiada por Carmen Delia. Os asistentes realizarán unha pequena visita para descubrir tradicións, a historia, o patrimonio natural e industrial de Trabada comezando polo Eo nun espectacular recuncho de Ría de Abres. Os participantes terán a posibilidade de coñecer a vía verde que vertebrou a comarca, ademais de ser parte do patrimonio industrial da Mariña, como é o caso da Sociedade Mineira de Vilaodriz....
leer más
O Presidente da Deputación de Lugo, José Tomé Roca, recibiu este martes en San Marcos á asociación veciñal Barrio de Cobas, de Monforte de Lemos, no marco do programa de viaxes gratuítas Coñece a túa provincia. Esta iniciativa da institución provincial ofrecerá rutas durante esta semana a máis de 180 veciños e veciñas de Monforte de Lemos, Foz, Pantón, Viveiro, Burela, Riotorto e Sober.
Tomé Roca deu a benvida aos monfortinos e monfortinas no Salón de Actos da sede da Deputación e explicou o impacto positivo que ten o Coñece a túa provincia no territorio: “Un programa que ideamos durante a pandemia para axudar aos sectores máis desfavorecidos, dinamizar a economía e dar a coñecer o patrimonio da provincia e que mantemos grazas a súa boa acollida”. O mandatario provincial compartiu un tempo con eles, explicando a historia do edificio e...
leer másCoa Festa da Horta o vindeiro 13 de outubro rematarán en Ribadeo os Mercados dos Domingos deste 2024
Haberá obradoiros para adultos e nen@s, exposicións, degustacións, tapas especiais nos bares da contorna da praza de abastos e música.
A concelleira de Comercio e Turismo, Marta Saiz, dixo que “o vindeiro domingo, 13 de outubro, terá lugar a Festa da Horta, unha cita que servirá como colofón do Mercado dos Domingos deste ano. A xornada estará dedicada aos produtos de tempada e proximidade”.
A edil ribadense contou que “durante a festa o público poderá disfrutar de diferentes actividades como unha degustación de zume de mazá recén prensada ou visitar a carpa Experiencias de Calidade da man de AGACAL (Axencia Galega de Calidade Alimentaria) con degustacións de produto galego. Tamén haberá unha mostra de diferentes produtos da horta e a exposición Alimentos con Superpoderes, que sensibiliza dos beneficios da...
leer más