Eventos
A asociación cultural Saíñas, de Xove, organiza a XVI Festa do Lacón este sábado, día 8 de febreiro, a partir das 20:30 horas no Pavillón Municipal de Deportes. Haberá sorteos, música en directo e karaoke.
O evento foi presentado este martes na praza do Concello polo presidente da asociación, Jairo Míguez, xunto á concelleira de Cultura, Dolores Meitín, e o alcalde, Demetrio Salgueiro.
A Deputación de Lugo abriu hoxe o prazo para reservar praza nas rutas fluviais pola Ribeira Sacra, unha das propostas turísticas máis destacadas da provincia e que ofrece a institución provincial. A tempada 2025 comezará o próximo 22 de marzo e prolongarase ata finais de ano.
As persoas interesadas en realizar estas viaxes poden adquirir os seus billetes a través da páxina web reservas.rutasembalses.es, onde terán acceso en tempo real a toda a información sobre horarios, tarifas e dispoñibilidade das rutas. A plataforma permite tamén modificar reservas e consultar detalles adicionais de forma sinxela e rápida, estando dispoñible as 24 horas do día. Non se aceptan reservas por teléfono nin por correo electrónico.
A Deputada de Réxime Interior, Promoción do Territorio e Turismo, Pilar García Porto, destacou o éxito...
leer más
A Vicepresidencia da Deputación de Lugo renovará o apoio ao festival ribadense Xara, de cara á vindeira edición.
A deputada de Cultura Iria Castro e o deputado de Mocidade Daniel García reuníronse esta mañá coa asociación organizadora para valorar a colaboración mantida na pasada anualidade e avanzar na proposta de cara á terceira edición.
Asi, no encontro, incidiron no éxito do mercadiño de produtos de proximidade ou na proxección que supuxo a actuación no festival para o rapeiro da Limia Kid Mount, e bosquexaron as liñas do próximo cartel no que manterán a aposta en artistas emerxentes e nas músicas urbanas que incorporan ritmos tradicionais.
A organización formulou como obxectivos para a vindeira edición chegar a un público máis interxeneracional e lograr un crecemento sostible, respectuoso coa vida e os ritmos de Ribadeo.
Daniel...
leer más
A parroquia de San Xurxo, no concello de Lourenzá, celebrará o día 22 de febreiro, sábado, o evento denominado San Xorxe Fest.
Está organizado pola comisión de festas da localidade e inclúe cea a partir das 20:30 horas e as actuacións musicais dos grupos Lume, Montreal e La Tremenda, ademais do DJ Cosmedeejay.
O Centro de Iniciativas Turísticas (CIT) da Pontenova anuncia que Miguel Ángel Revilla será o pregoeiro da Festa da Troita da Pontenova 2025, evento que se celebra o día 1 de maio, xoves.
O CIT explica que Miguel Ángel Revilla “naceu en Salceda, no concello de Poblaciones (Cantabria). É pescador, economista, profesor e escritor. Foi Presidente de Cantabria. O seu carácter afable e sincero levouno a ser todo un personaxe mediático en España. Ademais ten vínculos familiares na Pontenova. Será todo un acontecemento telo como pregoeiro e imporáselle a Troita de Ouro da festa”.
A concelleira de Comercio e Turismo, Marta Saiz, explica que “estamos a traballar no programa do Entroido 2025, que presentaremos nuns días. Pero xa podemos adiantar que a Gala será o 22 de febreiro no Teatro. Lluvia de estrellas é a temática elixida para esta cita na que queremos animar a participar a todas as veciñas e veciños de Ribadeo que así o desexen”.
Saiz lembra que “na Gala do ano pasado prepararon actuacións diferentes asociacións, grupos moi vinculados ao Entroido e charangas de Ribadeo. Neste 2025 queremos animalos a todos a participar de novo e tamén ás veciñas e veciños de Ribadeo, que a título individual ou en grupo, se queiran sumar á grande Gala que terá lugar o vindeiro 22 de febreiro. O único que teñen que facer é poñerse en contacto con nós para anotarse”.
A edil ribadense agarda que “sexan...
leer más
A asociación musical Cova do Can presenta a primeira Noite Rock en Burela. Será o 8 de febreiro, sábado, desde as 20:00 horas.
A organización explica que é unha “xuntanza de socios/as á que calquera está invitado/a a pasalo ben con nós”. De 20:00 a 21:30 horas en L´Urbana haberá sesión rock de Dj PEPU. Ás 22:00 terá lugar a cea no restaurante a Mares. E a partir das 23:00 horas haberá sesión Rock con Dj XEVI, tamén en A Mares.
A cea é previa reserva (data límite o 7 de febreiro), cun custo de 28 euros e co seguinte menú: “entremeses variados, croquetas, calamares, cachopo, bebida, postre, café e chupito”.
A Asociación de Irmandade Ribadeo-Loctudy organiza unha viaxe a esta localidade da Bretaña francesa do 1 ao 9 de xullo.
“Durante a estancia aloxarémonos coas familias de acollida e gozaremos dun amplo programa de actividades e visitas. O desprazamento será en autobús, con parada intermedia para durmir”, explican os organizadores.
Para máis información as persoas interesadas poden chamar ao teléfono 629.47.52.99 ou enviar correo electrónico á dirección irmandade.ribadeo@gmail.com.
La Asociación de Pensionistas e Xubilados U.D.P. Val de Miranda, de A Pontenova, organiza una comida baile de Carnaval para el sábado 22 de febrero de 2025. Será desde las 14:00 horas en el Local de las Sociedades.
La organización explica que el precio para los socios será de 20 euros y las personas que no pertenezcan a la asociación deben pagar 30 euros. El plazo para apuntarse está abierto hasta el día 18 de febrero.
La comida será servida por el restaurante O Lar de Balbina y posteriormente actuará el dúo Muralla hasta las ocho de la tarde.
Viveiro terá unha Festa do Antroido o 3 de marzo, organizada pola comisión dos festexos de San Roque
Viveiro terá unha Festa do Antroido o día 3 de marzo, luns, organizada pola comisión dos festexos de San Roque para recadar fondos.
“Desde a Comisión Viveiro en Festas convidámosvos á gran Festa do Antroido 2025. O luns 3 de marzo viviremos unha noite chea de diversión, música e moita troula na Carpa dos Xardíns Noriega Varela para celebrar o Antroido como nunca antes!”, anuncia a organización, que tamén explica: “haberá Cea de Antroido a partir das 22 horas e ao remate, concurso de disfraces e baile aberto a todo o público para que a festa non pare durante toda a noite”.
As entradas poden reservarse a través do teléfono 614.191.962 e están a venda en: Casa Eladio, Bar A Curva, Temple Bar, Cafetería Doce 12, Bar A Zapatería, Restaurante A Chabola, Café Bar Rolindes.