Foz

O xoves, 1 de xullo,  ás oito e media da tarde, terá lugar un Encontro Literario entre Marta Sanz e Pedro Feijoo na Casa da Cultura de Foz. Será moderado por María Linheira e está organizado pola Librería Bahía con financiación da Dirección Xeral do Libro a través do programa Afinidades Electivas.

Marta Sanz é unha das máis interesantes e recoñecidas escritoras en español da actualidade. Cunha extensa obra publicada, recibeu os premios literarios máis prestixiosos. Escritora fondamente comprometida e tremendamente lúcida, a súa é unha prosa afiada e sen concesións que nos move e nos remove tanto no emocional coma no intelectual.

Pedro Feijoo é un dos escritores máis exitosos do panorama literario galego. Aínda que ten algunha obra doutros xéneros, a novela negra é a que lle reporta máis seguidores. Mestre na...

O Instituto de Educación Secundaria (IES) de Foz oferta para o vindeiro curso 2021-22 un ciclo dual de grao superior en Dirección de Servizos, para o que conta coa colaboración de Paradores, empresa hostaleira pública na que o alumnado fará prácticas remuneradas. Esta nova ensinanza que se poderá cursar no IES de Foz foi presentada no Parador ribadense polo director e a vicedirectora do centro educativo focense, Nicolás Asensio e Leticia Maseda, e polo director dos Paradores de Ribadeo e de Vilalba, Antonio Graña, e o xefe de sala do establecemento ribadense, Alejandro Lara.

Nicolás Asensio explicou: “estamos contentos de esta colaboración con Paradores, empresa con la que en años anteriores ya habíamos realizado prácticas e intercambios, pero a partir de ahora la consolidamos de una forma más institucional impartiendo en conjunto un ciclo...

Pastelería Anduriña, de Foz, organiza a 7ª Festa da Empanada do 22 ao 27 de xuño. 

Moncho Castro, o propietario do establecemento, explica que “durante eses días os amantes da empanada poderán degustar ata 40 tipos diferentes. Teremos, coma sempre, empanadas do mar, da terra, veganas, vexetarianas e doces”. 

Na ampla oferta de empanadas de Pastelería Anduriña podemos atopalas salgadas de zamburiñas, de berberechos, de polbo con gambas, de pescada con gambas, de sardiñas, de carne de tenreira e cabrales, de zorza, de polo con patacas fritas, de espinacas con bechamel e tropezóns de xamón york e queixo, de cebola caramelizada, de salteado de verduras con tofu ou rechea de escalibada con bechamel. E doces como pastelón de mazá, de cabelo de anxo, capricho de crema ou torta de roxóns. 

Moncho...

Foi inaugurada en Foz a versión itinerante de “Amar a mar: mariñas, marosas e maruxainas”, un proxecto expositivo que naceu do 50 aniversario do Museo Provincial do Mar e que aborda, desde distintos enfoques temáticos, a importancia do mar na configuración cultural e material da comarca da Mariña.

A segunda pranta do CENIMA (Centro de Interpretación do Mar) acollerá ata o vindeiro 13 de xullo as tres mostras que forman o proxecto: 

“Mariñas, marosas e maruxainas, que inclúe 16 retratos de traballadoras do mar e da terra, unha por cada concello da comarca. As fotografías, asinadas por Germán Limeres, Xosé Reigosa, Ignacio Castro “Nachok” e Lucía Sánchez, amosan o paso do tempo polas facianas e as mans de pescantinas, redeiras, mariscadores, percebeiras, empregadas de conserveiras, taberneiras ou labregas.