Eventos
A Casa do Mar de San Ciprián está a acoller estes días o campionato de tute e parchís, que organiza o Concello de Cervo, a través da delegación de Muller e Igualdade, con motivo do Día Internacional da Muller, que se celebrará o 10 de marzo.
Están xogando, en horario de mañá e tarde, 20 parellas, 10 ao parchís e 10 ao tute.
A edil delegada de Muller, Pilar Armada, sinalou que “as gañadoras recibirán os correspondentes trofeos na Cea do Día da Muller, que terá lugar no Restaurante Buenavista, o sábado 10 de marzo, ás 22:00 horas; alí entregaremos unha figura de Sargadelos a cada unha das integrantes, das tres mellores parellas de cada disciplina”.
Armada destacou que hai motísima afección por parte das mulleres de Cervo tanto polo tute como parchís e boa mostra diso son os anos que...
leer más
A Casa da Cultura de Foz acollerá este sábado, día 3 de marzo, ás 20:00 horas o Festival dos Namorados, evento no que se entregarán os premios aos galardoados no XVII Certame de Poemas de Amor convocado pola biblioteca pública municipal focense.
No festival actuarán alumnos da Aula Moderna da Escola de Música de Foz e Felipe Sánchez.
Este evento está organizado pola biblioteca pública municipal de Foz e os patrocinadores son os restaurantes Xoiña, Rincón do Mis e Barrilete.
A asociación cultural O Picato de Trabada organiza este sábado, 24 de febreiro, diferentes actos do Entroido.
Ás 16:00 horas haberá pintacaras, e a partir das 19:00 horas un desfile no que se repartirán 3.000 euros en premios. Posteriormente terá lugar un cátering servido por Castro y Castro para o que é preciso facer as reservas no número de teléfono 679 42 83 44. Pola noite celebrarase unha verbena amenizada polo Grupo Fénix e Discomóvil Mourelle. Todas estas actividades desenvolveranse nun recinto con carpa.
Colaboran o Concello de Trabada e a Deputación de Lugo.
As segundas Xornadas de Historia Local Concello de Lourenzá celebraranse os días 2 e 3 de marzo, venres e sábado, no salón de actos municipal. O cartel do evento foi presentado pola alcaldesa, Rocío López, e o concelleiro de Cultura, Manuel Arango.
As xornadas darán comezo o venres 2 ás 19:30 horas coa inauguración a cargo do concelleiro de Cultura e a continuación terá lugar a conferencia titulada Lourenzá, orixe e evolución histórica, a cargo de Vidal Martínez-Sierra López.
O sábado 3 empezarán os actos ás 18:00 horas coa conferencia Lourenzá no Camiño Norte, a cargo de Manuel Díaz Sánchez, estudoso do Camiño de Santiago. Ás 20:00 horas terá lugar unha mesa redonda co título Lourenzá, emigración viva, na que intervirán varios veciños e veciñas do concello que viviron a emigración en diferentes países. Estará...
leer más
A Casa do Mar de San Ciprián acolleu a presentación do programa do Día Internacional da Muller, que organizan o Concello de Cervo, a través da delegación de Muller e igualdade, e as diferentes asociacións de mulleres do municipio.
Os actos están programados para o sábado 10 de marzo.
O alcalde de Cervo, Alfonso Villares, asistiu á presentación da programación, na que tamén estivo presente a edil responsable do departamento, Pilar Armada; e representantes das diferentes asociacións de mulleres do municipio que colaboran: Asociación de Mulleres de San Ciprián, Amas de Casa “Alborada”, Mulleres Rurais “As Espalladoras” e Mulleres en Igualdade.
Armada recordou “que entre todas, conseguimos perfilar e consensuar un programa co que pretendemos chegar a todas as mulleres de Cervo, protagonistas...
leer más
O vindeiro 10 de marzo terá lugar no Edificio Multiusos do Concello de Ourol, a II Xuntanza de Mulleres.
A programación para ese día comezará ás 13:30 horas cunha sesión vermú, e a partires das 14:30 haberá unha comida. Despois celebrarase un baile dende as 16:00 horas.
Esta actividade é gratuíta para as mulleres empadroadas no concello e para as mulleres non empadroadas o custe é de 15 euros.
A data límite para anotarse é o día 7 de marzo, e as mulleres interesadas en participar nesta xuntanza deberán retirar a súa entrada no departamento de Servizos Sociais.
O restaurante O Asador, de San Cosme de Barreiros, organiza o seu segundo showroom de vodas, bautizos e comuñóns os días 3 e 4 de marzo de 2018, sábado y domingo. Neste evento colaboran, dando a coñecer os seus traballos, outras trece empresas: Decoraciones Pura, de Foz y Burela; Centro médico estético Coida de ti, de Barreiros; Floristería Sefa, de Mondoñedo; Celebra o teu día, de Burela; Peluquería Cid, de Barreiros; Boutique Catycris, de Xove; ElFarero Audiovisuales, de Ribadeo; Pastelería Cabaleiros, de Vilanova de Lourenzá; Discomóvil Eventec, de Mondoñedo; Viajes Rodríguez, de Foz; Oscar Rodríguez Joyeros, de Viveiro; Auto Forum, da Coruña; e Rec Audiovisual, de Barreiros.
O segundo showroom de vodas, bautizos e comuñóns no restaurante O Asador, de Barreiros, será inaugurado o sábado 3 de marzo ás cinco da tarde e todos os asistentes...
leer más
O vindeiro luns, 19 de febreiro, terá lugar no colexio Sagrado Corazón, de Ribadeo, unha xornada de portas para a dar a coñecer as instalacións, as actividades e o funcionamento do centro. Será de 10 da mañá a tres e media da tarde.
O Sagrado Corarón atópase situado na rúa Carlos III, nº 4. O seu teléfono é o 982 128 415 e a web wwwcsagradocorazon.es
Solidaridade
O pasado día 6 de febreiro levouse a cabo no colexio Sagrado Corazón de Ribadeo a "Operación Bocata" na que participaron os rapaces de todas as etapas: Infantil, Primaria e Secundaria. En total foron recadados 1600 euros que se doaron a Manos Unidas para loitar contra a fame a través da campaña "Comparte o que importa".
Mañá, sábado, terá lugar a Queima do Entroido en Ribadeo. A comitiva fúnebre, que estará acompañada das charangas Aturuxo e A Choca, partirá ás 21 horas das inmediacións do Concello.
Desde a organización sinalan que “como ben sabemos todos os ribadenses, aquí e de xeito oficial, as festas non rematan ata a Queima do Entroido. Así, este sábado, 17 de febreiro, mantendo as boas costumes e finalizar este viaxe teremos a espectacular Queima, unha tradición que naceu como sátira dos xuízos da inquisición, e hoxe en día é dun dos actos máis destacados do noso Carnaval, momento en que se prescinde das cores, deixando en troques un tropel de viúvas chorando”.
Desde o Concello e desde Acisa, organizadores do Entroido este ano, “animámosvos a acompañarnos neste broche final do Entroido 2018”.
E...
leer más
A Fundación TIC da Deputación emitirá en directo o XI Campionato Internacional de Baristas de Escolas de Hostalería de Foz, o VI Campionato Internacional de Catas de Cafés de Escolas de Hostalería e o VI Campionato Internacional de Baristas Profesionais, que se celebran do 21 ao 23 de febreiro. Alumnos da Escola de Imaxe e Son serán os encargado do streaming, que poderá verse a través de Facebook e YouTube.O patrón da TIC e Deputado de Relacións Institucionais, Álvaro Santos, acompañado polo director do IES de Foz, Nicolás Asensio, e o coordinador das competicións, Xosé Ríos, presentou este xoves a nova colaboración nun acto no que un alumno de hostalería do centro focense preparou unha degustación de cafés.
Santos Ramos dixo que “celebramos dez anos de frutífera colaboración, que vai máis aló do ámbito formativo, xa que grazas a esta...
leer más