Eventos

A axencia de viaxes Augasantas, de Ribadeo, que dirixe o barreirense Adrián Expósito Dorado, organiza unha excursión a Cádiz, Jerez e outras localidades que están na zona coñecida como Ruta de los Pueblos Blancos, concretamente Ubrique, Prado del Rey, Grazalema e Arcos de la Frontera. Será do 19 ao 22 de marzo.

A actividade inclúe o desprazamento en autocar con seguro de viaxe, excursións con guía oficial durante todo o percorrido, pensión completa, aloxamento en hotel de 3 estrelas con bufet libre, asistencia a un espectáculo ecuestre, visita con degustación a unha bodega e ao museo Jesulín de Ubrique. O prezo é de 265 euros por persoa en habitación dobre.

Para a reserva de prazas nesta excursión, que son limitadas, hai que dirixirse á axencia de viaxes Augasantas, que está no baixo número 6 das galerías San...

A Casa do Mar de San Ciprián acolleu a presentación do programa do Día Internacional da Muller que organizan o Concello de Cervo, a través da delegación de Muller e igualdade, que dirixe Pilar Armada, e as diferentes asociacións de mulleres do municipio: Asociación de Mulleres de San Ciprián, Amas de Casa “Alborada”, Mulleres Rurais “As Espalladoras” e Mulleres en Igualdade.

Os actos están programados para o sábado 7 de marzo. 

Haberá unha cea para todas as mulleres do Concello que desexen asistir. Será no restaurante Buenavista, ás 22:00 horas. As interesadas teñen ata o 6 de marzo para retirar os seus tickets na Casa da Cultura de San Ciprián (982.59.51.57).

Haberá agasallos sorpresa para todas elas. Ademais, farase entrega dos trofeos ás gañadoras dos campionatos de tute e parchís que...

O desfile de Entroido en O Valadouro celebrarase o vindeiro domingo, 23 de febreiro, ás 17:00 horas, con saída do parque Concepción Arenal e ata avenida Viveiro, pasando por A. López Palmeiro, praza de Santa María e A Ponte.

Haberá premios para a categoría infantil, en Individual: 100€, 70€ e 50€; en Parella: 120€, 90€ e 70€; e en Grupo: 200€, 150€ e 100€. Para a categoría de adultos, en Individual: 150€, 100€ e 70€; en Parella: 170€, 120€ e 90€; e en Grupo: 300€, 200€ e 120€. Tamén haberá premios para Comparsas de 400€, 250€ e 150€, e o entroido simpático de 60€.

Ao final do desfile celebrarase un baile e a entrega de premios, no pavillón polideportivo, con Discoteca Móbil Eventec. A inscrición previa deberá facerse nas oficinas da Casa da Cultura e o mesmo día no local do parque Concepción Arenal, de 15:00 a 16:...

Este xoves, día 20, ábrese o prazo para apuntarse ao primeiro evento destas características que terá lugar en Ribadeo.

O concurso, no que se participa por parellas, celebrarase o vindeiro 15 de marzo na Escola Municipal de Música de Ribadeo a partir das 11.30 horas. 

A parella gañadora será aquela que antes remate un quebracabezas de 500 pezas, sendo 2 horas o tempo máximo.

Haberá premios para as tres parellas máis rápidas así como tamén para a primeira parella local. 

A iniciativa desde evento xorde de socias de Aepuzz (Asociación Española do Puzzle) e aficionadas locais, e está respaldada por Aepuzz ademáis de polo Concello de Ribadeo, a Asociación SwingEo, Acisa e colaboradores privados como Gráficas Iriarte, Manualidades Marta, Trece Eventos, Sibimar...