Festa
18/04/2016
Todo está listo en Xove para a celebración da Festa das Flores a finais deste mes, os días 29 e 30.
O programa dará comezo o venres en Chao da Aldea co pregón que pronunciará o presentador e actor xovense Roberto Vilar, a partir das 20:30 horas. Haberá o Venres de tapeo nos locais hostaleiros, que estará dedicado á Festa das Flores. Ás doce da noite terá lugar o sorteo presencial do tapeo do mes de abril, que presentará tamén Roberto Vilar e a continuación concerto de Joni Ramos, presentando o novo espectáculo The show must go on. A primeira xornada deste evento festivo rematará coa verbena amenizada por Cronos Band, de Xove.
En Chao da Aldea o...
leer más 14/04/2016
Esta fin de semana celébranse as festas en honor a San Isidro na parroquia de Penasagudas-Monte no concello de Xove, organizadas pola Asociación Cruz de Loureiro.
O sábado, día 16, haberá despois da misa solemne e a procesión que será ás 13:00 horas, unha sesión vermú con Lembranza a partir das 14:00 horas. Ás 15:00 horas un xantar nunha carpa totalmente pechada no que para inscribirse previamente hai que chamar ao teléfono 646-647 619. A xornada remata coa verbena ás 17:00 horas que ofrecerán Lembranza e Fénix e para a que a Comisión ten preparados tres trofeos para as tres mellores parellas de baile.
O domingo, día 17, haberá ás 10:00 horas unha...
leer más 06/04/2016
A Aciam de Xove ultima os preparativos da Festa das Flores, que terá lugar os días 29 e 30 de abril. O obxectivo da asociación pasa por “potenciar unha cita que xa leva anos celebrándose incluíndo diversas novidades no programa no que seguimos a traballar, aínda que xa podemos dicir que está practicamente pechado”.
Xove engalanarase para a celebración desta data “decorando os locais asociados á Aciam entre os días 11 e 15 deste mes. A través das redes sociais o público poderá votar ao mellor escaparate, ao que máis lle guste. Ademais estes días iremos dándolle ideas á xente sobre o vestiario que poderá lucir o día 30, xornada na que teremos o Mercado da Festa das Flores e o xantar popular, entre outras moitas actividades”. Desde a...
leer más 24/03/2016
A terceira edición do Ribadeo Indiano, que organizan o Concello e Acisa celebrarase do 8 ao 10 de xullo. Comeza a conta atrás con esta cita alén do tempo.
Desde a organización sinalan que “nesta semana na que tantos viaxeiros e viaxeiras visitan Ribadeo, e na que tantos veciños e veciñas gozan duns días de descanso, o Concello de Ribadeo e Acisa queremos aproveitar a ocasión para presentarmos a terceira edición do Ribadeo Indiano. Despois de dous anos nos que o éxito foi a máis, agora toca afrontar unha nova edición coa ilusión posta nunha celebración que nos dá a coñecer polo mundo adiante e que se ten convertido nunha das referencias fundamentais do verán mariñán e galego”.
22/03/2016
A tradicional Festa do Mexillón, de San Ciprián, celebrarase este sábado, día 26, en San Ciprián. Hoxe presentouse o cartel deste evento gastronómico, acto no que estiveron o alcalde de Cervo, Alfonso Villares; a concelleira de Turismo, Manuela Méndez; e Georgina Pérez, en representación do bar Maruxaina, que é un dos establecementos hostaleiros que participarán no festexo.
Bares e restaurantes de San Ciprián ofrecerán racións e tapas de mexillóns elaboradas en diferentes preparacións durante o Sábado Santo, que é o día no que se celebra cada ano este evento gastronómico que ten como principais obxectivos exaltar o mexillón e ofrecer un atractivo máis para os veciños desta zona e para os turistas que a visitan durante a Semana Santa.
16/03/2016
A Asociación de Veciños Burgo de Trasbar, de Cervo, organiza a Festa de Pascua para este 27 de marzo a partir das 14:00 horas no campo da festa de Trasbar.
Os asistentes participarán nun xantar trala misa que será ás 14:00 horas. Haberá sesión vermú e despois do xantar gozarán de baile co dúo Agua Marina. O prezo para os socios é de 12 euros e 15 euros para os non socios. Os nenos de 2 a 12 anos pagarán 7 euros. As persoas interesadas pódense anotar no local social, no correo electrónico da asociación burgodetrasbar@yahoo.es ou comunicándollo a calquera dos socios que compoñen a directiva. O prazo para anotarse remata o día 19 de marzo.
11/03/2016
Tres cociñeiras de restaurantes galegos con estrelas Michelín e un sumiller participarán nas xornadas técnicas da 25ª edición da Festa do Ourizo, de San Ciprián, que se celebrará este sábado, día 12.
A concelleira de Turismo en Cervo, Manuela Méndez, explicou hoxe que “a inauguración das décimo sextas xornadas técnicas sobre o ourizo será ás 12 da mañá. Dende a súa orixe estas xornadas serven para divulgar diferentes eidos relativos ao ourizo de mar no seu aspecto biolóxico, científico, comercial ou gastronómico, como imos facer este ano e xa se fixo en edicións anteriores, coa celebración dun show cooking, que é cociña en vivo. Este ano contamos coa presenza de tres cociñeiras de prestixio e de renome, galardoadas cada unha delas...
leer más 08/03/2016
O grupo Leilía actuará este sábado, día 12, en San Ciprián con motivo da celebración da 25ª edición da Festa do Ourizo, que organiza o Concello de Cervo. Terá lugar na carpa situada na Praza dos Campos ás dez da noite.
A concelleira de Cultura, Dolores García Caramés, anunciou hoxe que este concerto “organízase porque se cumpre a vixésimo quinta edición da Festa do Ourizo, que é en un evento de interese turístico galego, moi importante para o concello de Cervo e que gusta a moita xente. É unha maneira de celebrar que leve tantos anos e esperamos que siga durante moitos máis”.
O grupo Leilía ofrecerá o seu espectáculo titulado CONsentimento, que “é...
leer más 02/03/2016
A Casa da Cultura de San Ciprián acolleu esta tarde a presentación do cartel da XXV Festa do Ourizo, que se celebrará o vindeiro 12 de marzo. No acto participaron o alcalde, Alfonso Villares, a concelleira de Turismo, Manuela Méndez, a concelleira de Cultura, Dolores García, e representantes da hostalaría local.
Nesta festa de interese turístico galego participarán os seguintes establecementos hostaleiros: Pizzería O Trasgo, Cervexaría Nordesía, Telvi’s Place, A Cerve, Pizzería A Sombriza, Bar Maruxaina, Cervexaría Las Titas, Restaurante Boavista, Restaurante O Noso Lar e Mesón A Bodega.
O programa de actividades da XXV Festa do Ourizo, que se dará a...
leer más 01/03/2016
O día 24 de marzo celebrarase en Xove a XV Festa do Polbo da Pedra. Esta comezará ás sete da tarde e terá lugar en nove establecementos da localidade. A organización dispón duns 1.500 quilos de polbo que vai ser preparado polos diferentes locais en multitude de variedades.
Cada edición os hostaleiros elaboran novas receitas sen deixar de cociñar o polbo nas súas formas máis tradicionais. Os establecementos participantes son Cafetería “A Roda”, Pizzería “A Fuga”, “O Refugio”, Club “Palmeiro”, Cafetería-Pulpería “Bar Cociña”, Cafetería “Centro Cívico”, “O Cabaliño”, Pizzería “Onde Sempre” e Restaurante “Terra Mar”. Esta XV Festa do Polbo da Pedra estará amenizada pola música tradicional de Saiñas de Xove. Na organización colaboran o Concello de Xove e ACIAM.