Eventos
O Concello de Xove confirma que, este ano, haberá desfile de Entroido que se celebrará o sábado 26 de febreiro.
A Concellería de Cultura xa sacou as bases do Gran Desfile que percorrerá as rúas de Xove e no que se entregarán 4.910 euros en premios.
Haberá premios nas categorías de Carrozas, Comparsas e Grupos de dez ou máis persoas, Grupos de Adultos de tres a nove persoas, Parellas de Adultos, Individuais de Adultos (de 14 anos en diante), Grupos Infantís de tres a nove persoas, Parellas Infantís e Individuais Infantís. Tamén haberá premios para o disfrace máis orixinal tanto individual como colectivo, para o conxunto máis numeroso, para o participante máis maior e para o participante máis novo.
Vilanova de Lourenzá celebrará o desfile de Entroido este ano. Será, como é tradicional, o Domingo de Piñata, que este ano coincide o 6 de marzo. Da organización encárgase o Concello e colabora a Asociación de Comerciantes, Industriais e Autónomos de Lourenzá (ACIAL).
A alcaldesa, Rocío López, explica que “o tradicional desfile de Entroido de Lourenzá volve celebrarse este ano, despois de que no 2021 se optara por facelo on line. A programación e as bases do desfile daranse a coñecer nas próximas semanas. Estamos a traballar para garantir todo o cumprimento dos protocolos Covid e para que o evento transcorra do xeito máis seguro posible”.
A Concellería de Festexos organiza varias actividades do 25 de febreiro ao 2 de marzo para celebrar o Entroido. Os actos foron presentados hoxe por Toñi Eijo.
A edil burelesa explicou que “o 25 de febreiro, que é venres, haberá un xogo de busca do tesouro. O 27 será o desfile, que empezará ás cinco da tarde e ao remate haberá o acto de entrega de premios, cun DJ e chocolatada”. En total no desfile vanse repartir arredor de 2.000 euros en premios.
A concelleira de Festexos subliñou que “as persoas que participen no desfile deberán facelo empregando mascarilla e atendendo a todas as medidas sanitarias que teñamos en vigor nese momento”.
Toñi Eijo seguiu a relatar que “o día 28 farase un taller de cociña na Praza da Mariña, dedicado aos doces típicos do Entroido, para o que hai que...
leer más
A Concellería de Cultura ven de presentar a súa programación para este mes de febreiro que ofrecerá teatro infantil, monólogos e actuacións humorísticas para rematar co desfile de Entroido.
O vindeiro sábado, 5 de febreiro, ás 18:00 horas na Casa da Cultura, actuará Kátarsis Educación e Teatro que presentará o espectáculo infantil Pa cama. Esta actuación está dirixida a nenos e nenas de 1 a 5 anos. O prezo da entrada é de 2´5 euros.
O 11 de febreiro ás 21:00 horas na Casa da Cultura Isabel Risco presentará o seu monólogo Bravas. É un espectáculo dirixido por Fran Rei no que recolle historias de mulleres galegas coñecidas e anónimas. O prezo da entrada é de 3 euros.
O 18 de febreiro ás 21:00 horas na Casa da Cultura terá lugar a preestrea da curtametraxe Devoradora de Nenos. A reserva de...
leer más
A.C.R. Fervenza de Sargadelos organiza a VI edición da Foliada de Cervo que se celebrará o día 7 de maio, se as condicións sanitarias o permiten.
A organización comunica que aqueles grupos que desexen participar deben inscribirse no seguinte formulario: https://forms.gle/33p1DLw7ZomMfpTjB.
Colaboran na organización deste evento: Asociación Fol do Raxal, Marmeladas a Morena e Concello de Cervo.
A Foliada de Cervo volve celebrarse despois de dous anos de parón debido á pandemia. En edicións anteriores desenvolvéronse obradoiros e actividades musicais para a xente miúda. Ademais o programa complétase cun festival folklórico, cantos de taberna e foliada libre.
O Concello de Burela en colaboración coa Universidade de Santiago de Compostela inicia a planificación e deseño de hortos urbanos. Aquelas persoas interesadas poderán inscribirse xa en hortosurbanos@burela.org e así o Concello coñecerá a demanda que pode ter esta iniciativa, que forma parte do Plan de actuación ecolóxico, de preservación ambiental e valorización de recursos naturais do Concello de Burela en colaboración coa USC.
O alcalde, Alfredo Llano, contou que “no Concello xa é coñecido que temos un convenio coa Universidade de Santiago de Compostela, a través da Politécnica de Lugo, e entre outros proxectos que compartimos están as hortas urbanas que queremos poñer en marcha en Burela. A partir do luns xa se pode ir apuntando xente. O que pretendemos con esta iniciativa de que se anote a...
leer más
Presentacións de libros, teatro, danza, música, actividades do Apego, do Concello cos coles e Cultura nas Parroquias conforman a axenda ata marzo que hoxe presentou a concelleira de Cultura, Pilar Otero Cabarcos.
O edil ribadense explicou que “comezamos coa mención de dúas presentacións de libros na sala que se habilita para este fin no segundo andar da Casa do Viejo Pancho. Hoxe mesmo Pablo Trabadelo (nado na Veiga en 1991) presenta o seu poemario Jaloffein e o vindeiro 11 de febreiro, tamén venres, Roberto Mera trae Alejandro Viana. Un galego á fronte do rescate dos exiliados republicanos, arredor dunha figura que xa se vén chamando o Schindler galego”.
Otero Cabarcos contou que “tamén esta fin de semana comeza a programación do Apego, o proxecto de ámbito galego que pula pola transmisión do galego aos nosos...
leer más
O Concello de Foz levará a aprobación ao próximo pleno da corporación municipal, que se celebrará o 3 de febreiro, a presentación do expediente para a declaración do Entroido focense como Festa de Interese Turístico Galego.
O alcalde, Fran Cajoto, explica que “o Entroido da Mariña por antonomasia é o de Foz. Este ano cumprirá a 40 edición do seu desfile (despois do obrigado confinamento e aposta polos medios electrónicos na anterior edición), mais o arraigamento e a existencia da vea carnavaleira en Foz é moito anterior”.
Dende o departamento municipal de Cultura esperan “que a corporación se una para buscar da man o recoñecemento a un evento que fortalece a Foz e une a moitos lugares da Mariña que acoden e comparten a ilusión de sacar un sorriso ao mundo cos seus múltiples traxes, cores e vitalidade”, apunta a...
leer más
En Foz seguen os preparativos para a comida de coroación do Rei do Entroido, que se celebrará o día 19 de febreiro, ás 15:00 horas.
O menú consistirá en pastelón de bonito, sopa de cocido, costela asada ao forno, viños tinto e branco, sobremesa, café e chupito. O prezo da tarxeta é de 25 euros.
As persoas interesadas en participar poden facer a súa reserva no número de teléfono 982 14 00 27-Ext. 3.
O alcalde da Pontenova, Darío Campos Conde, informou hoxe que a inauguración da tirolina, que estaba prevista para este venres, queda aprazada ata novo aviso debido ao confinamento de varios empregados da empresa adxudicataria, que xestiona esta instalación.
Campos Conde remarcou que “abriremos esta nova iniciativa turística con tódalas garantías e por suposto, atendendo sempre as recomendacións sanitarias”. Este complexo conta con dous grandes atractivos: visitar a única galería mineira aberta ao público de Galicia e lanzarse pola tirolina que conta con 330 metros de lonxitude. A instalación da Pontenova recrea o trazado do antigo tranvía aéreo que, atravesando o río Turia, transportaba o mineral desde as ladeiras da mina de Consuelo ata a mina de Boulloso.