Eventos
Este sábado, 11 de maio, no Conservatorio de Música de Viveiro terá lugar a Foliada do Maio, actividade organizada polo Colectivo Pensamento e Sementeira.
Ás 19:30 horas dará comezo un obradoiro de baile impartido por Ramón do Serrador e ás 21:00 horas será o inicio da foliada, na que actuarán os grupos Bágoas da terra, Saíñas, O son do sor, Cordenaia, As Ferriñas e Espera que vou mexar.
Está é a primeira actividade organizada pola nova directiva do Colectivo Pensamento e Sementeira, que se fixo cargo do mesmo recentemente para revitalizalo.
O Concello de Ribadeo programa actividades para celebrar o centenario da morte do poeta ribadense-uruguaio El Viejo Pancho, que naceu un día 7 de maio e faleceu un 28 de xullo.
A concelleira de Cultura, Begoña Sanjurjo, anunciou que “é un programa preparado por persoas de Uruguai e Galicia, co respaldo de ambos gobernos. Este conmemoración xa comezou coa exposición 100 anos sen El Viejo Pancho, preparada polo alumnado e profesorado do obradoiro e que podemos ver na Sala do Campo. Pode ser visitada por todos aqueles que o desexen pero ademais o alumnado de Ribadeo, desde educación infantil ata secundaria, gozará cos traballos manuais, as xincanas, os percorridos pola vila, as creacións literarias e incluso vídeos de TikTok preparados para cada grupo de idade. Os centros escolares recibirán tamén unha unidade didáctica para...
leer más
O Concello de Barreiros celebra una nova edición dos seus mercadiños estacionais. Será na Praza do Concello e o horario de apertura será de 11 da mañá a 8 da tarde.
Neste caso o Mercadiño na Primavera achegará ata a Praza do Concello produtos de calidade e proximidade en máis de 30 postos que encherán a praza de vida acompañados de actividades durante todo o día. Aos postos, que van desde alimentación a artesanía ou ornamentación, acompañaranos diferentes actividades e actuacións en directo durante a xornada.
O horario previsto para as mesmas é o seguinte:
Ás 12:30 horas actuación do grupo Os Mustélidos, que interpreta versións de temas coñecidos. Á mesma hora comezarán degustacións, de balde ata rematar existencia, tanto de minihamburguesas de Porco Celta, a cargo das ganderías Celtagal...
leer más
O Concello de Foz presenta a súa programación cultural para os meses de primavera, que inclúe actividades musicais e teatrais.
A concelleira de Cultura, Inés López Couto, anuncia: “despois dun abril cargado de libros e letras, maio comeza con música cos combos da Escola de Música Arcadio Mon, que serán todos os venres deste mes ás 18.00 horas ao lado da escola, no paseo da Ribeira (en caso de mal tempo serán no CENIMA). Polo medio temos actividades coma a deste próximo venres, na biblioteca municipal, “lettering: debuxar letras”, para a que é necesario anotarse no teléfono 982.140.675, “unha actividade moi bonita para todos aqueles nen@s aos que lles guste facer caligrafías bonitas”, explica a concelleira de Cultura, Inés López Couto, quen engade: “a continuación será a poetisa local Natalia Alonso a que nos dea Advertencias para un...
leer más
Guía tu día comezou este ano a facer visitas guiadas polo Monumento Natural da praia das Catedrais para poñer en valor este conxunto de arcos rochosos sito no concello de Ribadeo.
Esta actividade iniciouse o pasado mes de abril e tralo éxito volve en maio. "Unhas visitas ideais para realizar nesta época xa que o areal está máis tranquilo e aínda se pode acceder con mascotas. Están abertas a todo o mundo", comenta a guía.
Todas elas terán lugar pola mañá coincidindo co horario de baixamar e cunha duración de hora e media. O xoves 9 de maio será ás 11 horas, o venres 10 ás 11:30 horas e o sábado 11 ás 12 horas.
As persoas interesadas poden obter máis información no teléfono 654 99 68 57.
O Concello de Barreiros presenta as súas actividades para o mes das letras. A programación de maio comeza este sábado, día 11, coa obra de teatro “Trepa, Tripa e Tropa”, do grupo O Centiño. Será ás 19horas no Centro Sociocultural de San Cosme.
A fin de semana do 17 de maio haberá un obradoiro de ilustración para crianzas; o Concerto das Letras Galegas das agrupacións barreirenses (Coro Airiños do Mar e O Arco da Vella Infantil); unha xornada formativa sobre a velutina e o Mercadiño na Primavera.
No domingo 26 volverá o recital poético musical “Versos na Baixamar”, no que tamén actuará a orquestra infantil do Sinfónico no Rural, na que participan nenos e nenas de Barreiros.
E o peche do mes será cun concerto didáctico dirixido aos centros de ensino que levará a cabo a Escola de Música de...
leer más
A terceira edición do mercado “Aos pés de Cornería” celebrarase na parroquia focega de Vilaronte este domingo, 12 de maio, desde as 10 da mañá. Estaba previsto para o pasado día 5, pero aprazouse debido ás adversas condicións meteorolóxicas.
“Baixo o nome poético de Aos pés de Corneria, coa imaxe de durmir debaixo deste monte mítico da zona de etimoloxía anglosaxona e portador de diversas lendas, celebrase por terceira vez o mercado de proximidade en Vilaronte (concello de Foz) organizado pola Asociación Cultural O Atrio de Vilaronte. O mercado ten como propósito visibilizar aos produtores, artesáns, iniciativas culturais da comarca, aos autónomos da zona, a arte da vecindade, e dinamizar a parroquia de Vilaronte cargada de historia que comeza a sufrir os efectos da despoboación e concienciar no consumo próximo. É pois o centro de...
leer más
O pavillón de San Román de Vilaestrofe, no concello de Cervo, acollerá o próximo 17 de maio, con motivo do Día das Letras Galegas, a I Xuntanza Espallando Letras, organizada pola asociación de Mulleres Rurais As Espalladoras e a asociación de veciños de San Román de Vilaestrofe, coa colaboración do Concello de Cervo.
O encontro terá lugar a partir das 18:30 horas e contará coa participación dos Acordeonistas da Mariña, a S.C.R. Ledicia de Burela, e os grupos locais Cordenaia e Fol do Raxal.
Ademais haberá racións de pan, touciño, chourizo e bebida, a prezos populares durante a tarde.
A cita foi presentada pola alcaldesa de Cervo, Dolores García Caramés, e por representantes das asociacións organizadoras ante a Casa do Concello. A alcaldesa quixo darlle os parabéns tanto ás Espalladoras...
leer más
A localidade de Goios, no concello da Pontenova, celebrará as súas festas na honra da Ascensión os día 10 e 11 de maio.
O venres 10 haberá churrascada veciñal e verbena con DJ Pedro Bermúdez e Disco Bombardero.
E o sábado 11 ás 13:30 horas celebrarase misa solemne no campo de festa e despois sesión vermú amenizada pola orquestra La Florida Band e Disco Bombardero, que tamén actuarán na verbena.
Muras prepara a VIII Romaxe Artesá da Chaira, que se celebrará o vindeiro 25 de maio na área recreativa da Veiga coa colaboración da Vicepresidencia da Deputación de Lugo. O evento presentouse este mediodía nun acto en que participaron a deputada de Cultura, Iria Castro, o alcalde de Muras, Manuel Requeijo, a tenente de alcalde Paula Gómez e a concelleira de Cultura Cristina Franco, xunto á artesá Iria Pigueiras e á fotógrafa Mayder Pumiñariño.
A responsable de Cultura de Muras detallou o programa desta nova edición da Romaxe que describiu como “unha festa da artesanía e da cultura galega, que demostra o potencial da tradición como fonte de inspiración e de coñecemento para o presente e o futuro” e destacou “a aposta por unha programación para público novo e familiar, na que persoas de todas as idades atopen algo do seu interese”. Nesa...
leer más