Eventos
A Asociación de Sendeirismo Terras de Lourenzá organiza un percorrido pola Ruta dos Miradoiros do Navia, no municipio asturiano de Boal, para o día 26 de abril, sábado. A distancia a percorrer son 11 quilómetros, de Castrillón a Boal, e a dificultade é baixa. Ao rematar a camiñada os participantes xantarán nun restaurante.
A saída será ás 07:30 horas desde o Cantón de Vilanova de Lourenzá e as inscricións deben facerse antes das 14:00 horas do xoves 24 de abril. O prezo é de 40 euros para os socios do colectivo organizador e de 45 euros para os que non o son.
O Teatro das Cortes, que está no lugar de Xestoso, na parroquia de Cabanas (O Vicedo) organiza unha xornada en lembranza ao artista Xosé Vizoso, recentemente falecido. Será o día 19 de abril, sábado.
As actividades comezarán ás 18:00 horas coa proxección da curtametraxe documental titulada Lembrando a Vizoso, de Arraianos producións e tamén haberá un coloquio titulado Xosé Vizoso e Sargadelos, co director do documental, Aser Álvarez
Ademais ás 19:30 horas o colectivo cultural Ollomao, de Barreiros, representará a obra de teatro O traballo de Andrea. Ao remate haberá unha conversa co director e o elenco do espectáculo.
A entrada é de balde para esta xornada organizada pola asociación cultural Volta e Dálle.
Música, teatro, presentacións de libros, exposicións, proxeccións e unha nova edición de Letras no Campo son as propostas culturais de Ribadeo para o segundo trimestre do ano. A axenda foi presentada pola concelleira de Cultura, Begoña Sanjurjo.
A edil ribadense dixo: “comezamos a presentación desta axenda cultural pola música. A EMMeD de Ribadeo continuará neste trimestre co seu ciclo de audicións das diferentes disciplinas que se imparten. Estas exhibicións fanse coa afán de difundir a actividade da escola, de espertar interese nun futuro alumnado e achegar as distintas disciplinas ao público xeral”.
Sanjurjo seguiu a relatar: “a música ten ademais outras propostas ben diferentes. Esta mesma fin de semana, hoxe, unha que inclúe a Beetle Judge e The Ninetines, que forma parte do xa afianzado ciclo do Galiñeiro...
leer más
A asociación organizadora das Feiras e Festas das Quendas e das San Lucas, de Mondoñedo, anuncia que a pregoeira de As Quendas 2025 será Xulia Nogueira, directora do coro Mestre Pacheco e mestra de música da Escola Municipal O Pallarego.
O colectivo organizador dos festexos mindonienses explica que “Xulia Nogueira naceu en Lugo. Afeccionada á música dende moi cativa, titulouse en violonchelo polo Conservatorio Superior de Música de Santiago, dedicando a súa vida á arte e á ensinanza musical. A súa formación académica inclúe estudos avanzados en técnica vogal, educación musical infantil, improvisación musical e cursos de postgrao en Musicoterapia. Durante os seus primeiros anos de docencia participou activamente en cursos especializados como as Xornadas de Formación Orquestral da Xoven Orquestra de Galicia e dende o ano 1990 ata a...
leer más
O Concello de Cervo anuncia que programa para esta Semana Santa actividades para todos os gustos e para todas as franxas de idade.
Este sábado, 12 de abril, a programación arrinca coa IX Foliada Nordestía organizada por A Rebolaxe, coa colaboración do Concello de Cervo. Con cantos de taberna desde o mediodía, un xantar popular, diferentes actividades durante todo o día, e concertos á noitiña de Xisco Feijóo, Tumba e Dálle e A Requinta da Laxeira.
Este domingo, día 13 de abril, terá lugar a II Ruta Cabalar organizada pola asociación Cabaleiros da Bidueira, coa colaboración do Concello de Cervo. A saída está prevista para as 10:00 horas do pavillón de San Román; haberá aperitivo para os participantes á metade da ruta que será duns 15 quilómetros aproximadamente, e sesión vermú e baile no polideportivo da man de...
leer más
O Concello de Viveiro anuncia que a Biblioteca Municipal organizará nos meses de abril e maio tres iniciativas enmarcadas no programa Ler conta moito. Incluirán actividades para conmemorar o Día do Libro e do Día das Letras Galegas.
A sala de exposicións albergará o sábado 26 de abril, ás doce da mañá, A maxia dos libros, con Nami e O Mago da Boina. Será como celebración do Día do Libro.
Tamén haberá dúas actividades para conmemorar o Día das Letras Galegas: o venres 16 de maio desenvolverase Das pandeireteiras de Mens ás Tanxugueiras ás seis da tarde. O venres 23 de maio, ás seis da tarde, organizarase unha sesión de Bibliocanta para nenos de entre 3 e 9 anos.
Os interesados en participar nas actividades poden inscribirse na Biblioteca de Viveiro ou...
leer más
O Concello de Burela presenta a súa programación especial para a Semana Santa, unha oferta variada de actividades culturais e turísticas que se desenvolverán entre o 15 e o 19 de abril. As propostas están abertas tanto á veciñanza como ás persoas visitantes, cun enfoque de posta en valor do patrimonio local.
Unha das principais atraccións será o Barco Museo Boniteiro, que permanecerá aberto do 15 ao 19 de abril. As visitas realizaranse en cinco quendas diarias: ás 11:00 h, 12:00 h, 13:00 h, 17:00 h e 18:00 h. Esta actividade permite coñecer de preto a tradición pesqueira local e o importante papel do norte na historia da vila. As prazas poden reservarse a través da páxina web: reservasbarcoboniteiro.burela.org
No ámbito natural programáronse as XeoRutas, que permitirán explorar a costa burelá desde unha...
leer más
Lourenzá acollerá esta vindeira Semana Santa diversas actividades: visitas guiadas ao mosteiro de San Salvador, a décimo sexta edición do torneo de baloncesto feminino Lourenzá en Xogo, e o festival musical Vilou Spring Fest coa actuación da orquestra Panorama.
As visitas guiadas ao mosteiro de San Salvador serán desde o luns 14 ata o sábado 19 ás 12:00 horas e o prezo é de 3 euros por persoa. Para participar hai que reservar previamente a través dos teléfonos 982.121.006, 982.147.156 ou 646.384.124 ou do correo electrónico lourenzaturismo@outlook.es. As entradas venderanse na Oficina de Turismo, que está no Centro de Interpretación da Faba.
O Vilou Spring Fest será o Xoves Santo, día 17 de abril no Campo dos Bolos, onde se instalará unha...
leer más
A parroquia de Galdo, no concello de Viveiro, celebra a Festa da Empanada e dos Bolos Preñados este sábado, día 12 de abril. Será no local social (escola vella).
Este evento está organizado pola comisión organizadora das festas de San Pantaleón e Santa María de Galdo, que anuncia que “as empanadas son de bonito, bacalao e cecina con queixo. As racións serviranse entre as 14:00 e as 20:00 horas. Contaremos con actuacións musicais durante todo o día: sesión vermú ás 14:00 horas amenizada por Verónica Cambón; sesión de tarde coas actuacións de Amigos do Folk, Grupo Zerna e Grupo Alovai; e remataremos coa sesión de noite, con DJ Juanjo”.
Mondoñedo acolle este sábado, día 12 de abril, unha homenaxe a José Sánchez Gacio, que foi presidente da Deputación de Lugo e gobernador civil da provincia da Coruña. Está organizada polo colectivo Memoria da Mariña.
As actividades comezarán ás 12:00 horas na Casa da Xuventude, que está na rúa Pacheco, número 5. Alí haberá relatorios de Alba Díaz Geada (historiadora e profesora da USC), que falará sobre Exterminar unha causa. O golpe de 1936 na Galiza; e Antonio Reigosa (cronista oficial de Mondoñedo), sobre José Sánchez Gacio, un mindoniense de ben represaliado polo franquismo. Tamén está programado un coloquio moderado por Xusto Fernández Haro.
Ás 13:15 horas no Cemiterio Vello haberá intervencións de Xulio Rodríguez e Xosé Luis Fernández Rivera, en representación de Memoria da Mariña;...
leer más