Deportes
A asociación Os Sendeiros de Foz organiza o 25 de febreiro unha ruta pola ribeira do río Sor dende Ponte do Porto ata Monte da Insua.
A saída será ás 8:30 horas do Concello, a comida será en Loiba e despois farase unha visita a Estaca de Bares.
O derradeiro día para anotarse é o mércores 21 de febreiro, e as inscricións poden facerse nos números de teléfono 676 561 594 e 670 369 017, ou no e-mail ossendeiros@yahoo.es
O prezo para os socios federados é de 20 euros, para os socios non federados 25€ e para os non socios 30 euros. O ingreso debe facerse en conta bancaria.
A organización recomenda levar equipo de sendeirismo e informa que a ruta ten un grado de dificultade media.
O concelleiro de Deportes, Ramiro Fernández Rey, destaca o interese deportivo e turístico que terá para A Mariña a celebración do Campionato de España de Seleccións Sub17 de Fútbol Sala Feminino, que se disputará en Burela, Foz e Viveiro do 7 ao 11 de febreiro. Hoxe tivo lugar a presentación deste evento deportivo no salón de pleno do Concello burelés.
Fernández Rey contou que “tivemos a presentación no salón de plenos do Concello de Burela do Campionato de España Feminino Sub17 de Fútbol Sala Feminio. Queremos agradecer, en primeiro lugar, á Federación Galega de Fútbol que se acordara de Burela para este tipo de competicións, que para min, como concelleiro de Deportes, e para o equipo de goberno son prioritarias, sobre todo as competicións de deporte base, como é este caso. O ano pasado xa apostamos polo campionato de baloncesto. E máis...
leer más
O Presidente da Deputación e Alcalde da Pontenova, Darío Campos Conde, e a Deputada de Economía e Alcaldesa de Trabada, Mayra García Bermúdez, presentaron este luns o Campionato Galego de Seleccións Comarcais de Fútbol Sala, que organizan conxuntamente coa Real Federación Galega de Fútbol e que se celebrarán por primeira vez nos Concellos da Pontenova e Trabada.No acto estiveron presentes, o Delegado da Federación Galega de Fútbol, Manuel Castro Núñez, e o responsable do Campionato, Manuel Piñeiro. Esta cita deportiva terá lugar o sábado 10 de febreiro, dende ás 9:00 ata ás 21:30 horas, no Pavillón Municipal da Pontenova e no Polideportivo de Trabada.
Campos Condeexplicou “que o Pavillón Municipal da Pontenova acollerá dende ás 9:00 da mañá os partidos que disputarán as 8 selecciónsparticipantes nas categorías de infantil masculino. Serán...
leer más
A Asociación Deportiva de Sendeirismo Pasada das Cabras de Burela organiza o sábado, 3 de febreiro, a Ruta das Xanas por Quirós, en Asturias.
A saída será ás 8:30 horas da Estación de Autobuses de Burela, e a ruta ten 8 quilómetros de percorrido cunha dificultade baixa segundo informa a organización.
O prezo para os socios é 20 euros e 25 para os non socios, e inclúe autobús, comida e seguro.
Para poder participar é imprescindible anotarse en Gráfica Arfe ou no número de teléfono 982 580 504, antes do 1 de febreiro ás 20:00 horas.
As seleccións de fútbol sala A Mariña Alevín e Infantil saltaran ao parqué este domingo para disputar o Torneo Amigable de Seleccións de Lugo, que repartirá as súas sedes entre Sarria e Mondoñedo.
O combinado Alevín, baixo a batuta do adestrador da Escola Celeiro-Xove FS Andrés López e de Michael Sante, de ED Lourenzá, medirase á Terra Chá, Sur-Montaña e Lugo Centro no pavillón municipal José Mario González (O Chanto) de Sarria en horario matinal. O primeiro duelo dos mariñáns será ás 11.00 horas, coa Terra Chá.
O cadro estará composto por Jorge Rodríguez, Yago Díaz e Bruno Expósito, de ED Barreiros; Iago Pérez e Mateo Deán, de ACD Xove; Rafa Cancelos, Iago López, Esther Riveira e David Gomes, de Pescados Rubén Burela FS; xunto a Lucas Suárez, Anxo Méndez e Xabier Rodríguez, de AD Santiago de Foz.
... leer más
O vindeiro 1 de febreiro dará comezo nas parroquias unha nova edición de Aquí?... coma de 20!. Nesta ocasión a actividade estará centrada no envellecemento e movemento activo e está baseada na práctica do Chi-Kung e do Tai-Chi “co obxectivo de paliar e retrasar os efectos do paso do tempo tanto no corpo como na mente e de mellorar a calidade de vida”.
Desde o Concello sinalan que “esta actividade é apta para todas idades, ten carácter gratuíto e todas as persoas interesadas en participar o único que teñen que facer é achegarse á parroquia correspondente e cubrir a ficha de inscrición”. Tamén poden obter máis información na Casa da Xuventude ou chamando ao seguinte número de teléfono 982 129 889.
Os martes haberá envellecemento activo en Cinxe de 15:30 a 17:00 horas e en Remourelle de 17:30 a 19:00 horas. Os...
leer más
O Pescados Rubén Burela FS xa ten á disposición de tod@s @s interesad@s os abonos de media tempada. Con 50% de desconto, poderás gozar de toda a segunda volta de Primeira RFEF e de Segunda LNFS en Vista Alegre.
Ademais terás as mesmas vantaxes que os abonados de comezo de tempada, cun 10% de desconto no Servizo de Wellness do Thalasso Resort Las Sirenas de Viveiro.
Tarifas Media Tempada 2017-18:
Individual: 40 euros
Familiar: 70 euros
Xubilado: 25 euros
Abono 25 (de 18 a 25 anos): 13 euros
Podes formalizar o teu carné na nova sede do club laranxa (avenida Arcadio Pardiñas, número 97, entreplanta 10). Horario de atención ao público: De luns a xoves, 10.00-14.00 //16.00-19.00 Venres: 10.00-14.00 horas
Non socios. En...
leer más
O Presidente da Deputación, Darío Campos Conde, avanzou que o Executivo Provincial achega un investimento de 100.000 euros para dotar dun novo céspede natural ao campo de fútbol Martínez Otero de Foz, onde realizan os adestramentos todas as categorías deste club e que empreganmáis de 300 rapaces da vila, xa que tamén adestran as Escolas Deportivas e os alumnos do Colexio. Campos Conde fixo este anuncio tras visitar estas instalacións deportivas acompañado do Presidente do Club Deportivo Foz, José María García Rivera.
“Con estas actuacións, levamos achegado, no último ano e medio, case 2,9 millóns de euros á mellora de infraestruturas deportivas. Así, só na modalidade de fútbol xa actuamos en 14 campos da provincia. Somos a administración galega que, sen dúbida, máis inviste en deporte na nosa provincia, a pesar de non ser a institución...
leer más
Burela, Foz e Viveiro acollerán o Campionato de España de Fútbol Sala Feminino de Seleccións Sub-17, que se disputará do 7 ao 11 de febreiro. Son 200 persoas as que se desprazarán á zona, xunto aos seus acompañantes. O concelleiro de Deportes e Turismo de Burela, Ramiro Fernández Rey, subliñou a importancia que ten tanto a nivel deportivo como turístico a celebración deste evento para toda a comarca. Nas últimas horas os edís de Deportes dos tres Concellos mantiveron un encontro para ultimar os preparativos desta importante cita deportiva.
Fernández Rey contou que “os concelleiros de Deportes de Burela, de Viveiro e de Foz mantivemos unha reunión na sede do Burela Fútbol Sala para preparar o Campionato de España de Seleccións sub 17 Feminino de Fútbol Sala que se vai disputar en Burela, en Viveiro e en Foz e que ven de anunciar a Real...
leer más
O 28 de xaneiro terá lugar o primeiro andareiro do ano, organizado por Sendeiros de Foz. A ruta será por Pena Abaladoira - Fervenza Escouridal.
Segundo os organizadores “trátase dunha ruta espectacular por terras de Alfoz, onde veremos unhas xoias que temos por estos lares moi pouco valoradas como a Fraga da Moradoira, a Pena Abaladoira, a Pena das Banzas, a Fervenza Escouridal, todo nas estribacións da Serra do Xistral”.
A saída será o 28 xaneiro, domingo, ás 8:45h do Concello. O prezo para os socios federados será de 20 euros, para os socios non federados 25 euros e para os non socios 30 euros. Inclúe o xantar.
O derradeiro día para anotarse será o 24 de xaneiro. Pódese facer a través dos seguintes números de teléfono 676 561 594, Nelli – 670 369 017, Morís ou no correo electrónico...
leer más