Eventos
A cita de San Ciprián foi presentada polo alcalde de Cervo, Alfonso Villares, a edil de Muller e Igualdade, Pilar Armada, a de Cultura, Dolores García Caramés; e representantes da Asociación Mulleres de San Ciprián, que organiza a actividade; coa colaboración do Concello de Cervo e das asociacións Pasiño a Pasiño e Mistura, que tamén participaron na presentación.
A Cabalgata sairá ás 17:30 horas do Pavillón da Veiga de San Ciprián, ata a Casa da Cultura. Durante o traxecto As Maxestades de Oriente saudarán aos que se congreguen nas rúas e repartirán caramelos que foron doados por comercios e empresas de San Ciprián.
O Concello de Cervo anima a veciños e visitantes a gozar desta Cabalgata, e tamén da de Cervo, organizada pola Asociación Airiños do Xunco, e que partirá ás 19:00 horas, das Escolas Vellas.
...
O Concello de O Valadouro, a través da súa Concellería de Cultura, continúa este mércores, día 3, coas súas actividades de Nadal coa actuación de Os Ghazafelhos que presenta a obra de teatro infantil Iriña Bailarina. Esta representación terá lugar a partir das 12:00 horas, no salón de actos da Casa da Cultura. Neste caso está organizada pola Deputación Provincial de Lugo.
E o venres 5, ás 19:30 horas, do parque Concepción Arenal sairá a Cabalgata de Reis que percorrerá as rúas de Ferreira. Posteriormente terá lugar a recepción e ofrenda ao belén vivinte da Casa da Cultura de O Valadouro. Ao remate servirase un chocolate a todos os asistentes.
En Burela ultiman os preparativos da Cabalgata de Reis, que terá lugar o 5 de xaneiro ás 19:00 horas. A cabalgata sairá da rúa do Ril e rematará na praza da Mariña, onde se servirá unha chocolatada a partir das sete e media da tarde. O prezo da ración de chocolate e roscón será de 2 euros. Haberá máis de 100 premios escondidos, cortesía do comercio local, e o sorteo final dun pack de 10 agasallos.
O concelleiro de Cultura, José Díaz, explicou que “la cabalgata la organiza como estos años anteriores la Asociación Cultural Recreativa Ledicia. Partirá a las siete de la tarde de la rúa do Ril y recorrerá varias calles del pueblo hasta rematar en la Praza da Mariña, en la carpa que tenemos instalada ahora con actividades infantiles, pero que ese día quedará libre para poder recibir a las Reyes Magos, y organizar posteriormente a la recepción...
leer más
O Concello ultima os preparativos da Cabalgata de Reis, que terá lugar o vindeiro 5 de xaneiro. As súas Maxestades percorrerán algunhas rúas barreirenses para chegar ao centro sociocultural Manuel Díaz Sampedro a partir das 20:15 horas. Alí visitarán o Nacemento Vivente e despois participarán na recepción aos nenos e nenas que se acheguen a compartir uns minutos con eles.
O Nacemento Vivente estará aberto ao público a partir das oito da tarde do venres.
Estas tradicionais actividades coas que remata o Nadal están organizadas pola Concellería de Cultura e pola Oficina de Información Xuvenil, que contan coa colaboración de vari@s moz@s voluntari@s.
O Concello editou o seu calendario de 2018 que foi presentado nas últimas horas. Son 2.500 exemplares que se reparten estes días polos domicilios do municipio, polas Casas de Galicia, en Fitur e tamén na oficina de turismo barreirense. O calendario recolle 13 imaxes, unha por cada mes do ano máis a portada, das que é autor Andrés Bourio, un afeccionado a fotografía para quen é un orgullo formar parte deste proxecto do Concello.
O alcalde, Alfonso Fuente, manifestou que “presentamos ese calendario que xa se está repartindo a día de hoxe por todos os domicilios do Concello, e este ano contamos coa colaboración de Andrés Bourio, que foi quen fixo todas esas fotos. Como sabemos que é un afeccionado á fotografía, eu lle pedín se podía colaborar con este calendario aportando esas fotos, e el desde o primeiro momento púxose á nosa disposición,...
leer más
O Mercado da Ilusión de Foz, que abriu onte á tarde, ten este ano unha nova situación, na avenida da Mariña. Conta con seis artesáns de Galicia, Asturias e León que se mostran moi satisfeitos pola novo lugar de celebración. Este mercado de Nadal estará aberto ata o 31 de decembro.
O alcalde de Foz, Javier Jorge Castiñeira, anunciou onte que “onte, martes 26, comezou o Mercado de Nadal no concello de Foz, situado este ano na Avenida da Mariña. Son seis artesáns de diferentes puntos do norte: galegos, asturianos e leoneses”.
Javier Castiñeira salienta que “a nova situación é unha novidade para todos, moi preto de onde está ubicada tamén a árbore de Nadal, no centro da avenida da Mariña, na confluencia con Xoan Montes”.
O rexedor subliña que “os artesáns este ano están moi contentos e nos...
leer más
O Concello de Trabada organiza diversas actividades durante o Nadal que comezan este venres, 29 de decembro, ás 17:00 horas, coa representación de títeres Cantos contos contas.
A programación continuará o 3 de xaneiro cunha excursión para visitar o belén de Viveiro. Para esta actividade é necesario inscribirse previamente para facer a reserva do autobús que terá a saída ás 16:30 horas da Praza do Concello, e regresará sobre as 21:00 horas. As reservas poden facerse no número de teléfono 982 135 011 ou nas oficinas administrativas municipais.
O 6 de xaneiro ás 21:00 horas o grupo de teatro Pico do Faro, de A Roda, representará a súa obra “É así a vida”.
Ademais dentro do programa Trabada Concilia, dende o pasado 22 de decembro e ata o 5 de xaneiro, celébrase un campamento de Nadal dirixido...
leer más
A programación de Nadal do Concello de Lourenzá inclúe para esta semana obradoiros de organería e de consumo responsable, un concerto e unha representación de teatro infantil.
O concelleiro de Cultura, Manuel Arango, anunciou hoxe que “durante toda esta semana continúan as actividades de Nadal programadas polo Concello de Lourenzá. Ademais dos obradoiros sobre organería e consumo responsable, que se celebrarán o mércores e o xoves respectivamente, o xoves, día 28 de decembro, ás 21 horas no salón de actos do Concello terá lugar o concerto de Davide Salvado e Pedro Pascual. Está actuación está patrocinada pola Deputación Provincial de Lugo. Para rematar as actividades da semana o sábado 30 ás 18 horas o grupo In Bocca al Lupo porá en escena a obra Superlía, un espectáculo para público infantil e familiar”.
Manuel...
leer más
O Concello de Ribadeo organiza unha serie de actividades infantís durante o Nadal que se desenvolverán dende o 27 de decembro ata o 4 de xaneiro.
O día 27 haberá unha festa lúdica no pavillón dende as 16:30 ata as 19:30 horas. Haberá inchables, obradoiros e animación musical e a entrada será de balde.
Tamén o mércores 27 dará comezo un obradoiro de iniciación ao crochet, que terá lugar durante o xoves 28 e o venres 29. Trátase dunha actividade interxeracional realizada con Aquí? como de 20!!!. Celebrarase na Casa da Xuventude entre as 16:00 e as 17:30 horas, a inscrición é gratuíta. O obradoiro está destinado a rapaces a partir de 9 anos.
O venres 29 o grupo de teatro Pistacatro presentará Outono, no auditorio municipal Hernán Naval ás 17:30 horas. O prezo da entrada será de 4 euros e de...
leer más
En Viveiro foi inaugurado o Nacemento que promove a Asociación Bágoas da Terra e que xa é un clásico entre os Beléns da Mariña. “Con figuras realizadas por un gran artesán en Murcia e que as fixo por encargo noso ataviadas con traxes rexionais galegos; moitas delas con movemento que o bo mestre Hortensio lles dotou, así a parella de bailaríns danzando, o panadeiro enfornando, o pescador pescando, o recolledor de noces, muíños, alfareiros maiando o liño ou algunhas novas deste ano como as redeiras”, explican desde Bágoas da Terra.
Este Belén permanecerá aberto ata o 7 de xaneiro do 2018, en horario de mañás de 11:30 h a 13:30 horas e en horario de tarde de 18:30 a 20:30 horas.
E engaden que “todos os anos desfilan familias enteiras explicándolles aos nenos todo o significado desta tradición, e para Bágoas isto xa...
leer más