Burela
Carlos Blanco e Xosé Antonio Touriñán están de volta cun novo espectáculo de Somos Criminais, o proxecto máis exitoso dos últimos tempos do teatro galego. Os dous humoristas regresan con esta nova entrega na que poñerán punto e final á súa particular busca do que nos fai ser criminais.
Dirixida por Tito Asorey e con textos de José Prieto, Carlos Blanco e Xosé A. Touriñán, en Somos Criminais e punto final os dous cómicos están ao mando dunha misión espacial moi particular: Falta pouco máis dunha hora para a fin do mundo. En Galicia, unha nave, a Arteixo II, está a piques de despegar cuns poucos elixidos a bordo en dirección a un planeta onde empezarán unha nova vida. Os capitáns da nave, Carlos Blanco e Touriñán, son os encargados de que a evacuación se leve a cabo con éxito e de meter nesta Arca de Noé galega todo o noso patrimonio humano...
leer más
Burela acolle un curso de prevención de accidentes domésticos. Será no salón de conferencias da antiga biblioteca o día 9 de outubro, mércores, de 17:00 a 19:00 horas.
A inscrición realizarase na Casa do Concello ou no número de teléfono 982.58.60.00 en horario de 9:00 a 14:00.
Trátase dun curso acreditado pola asociación de familias e mulleres no mundo rural AFAMMER na provincia de Lugo.
O narrador e músico Caxoto presentará o seu espectáculo titulado “Grandes éxitos: 2004-2024” este sábado, día 5 de outubro, ás 18:00 horas na Casa da Cultura de Burela.
É unha actuación incluída na programación cultural do Concello de Burela, que organiza, dentro do programa Ler Conta Moito, diferentes actividades para promover a lectura. Todas elas son de balde e aptas para un público infantil e familiar e teñen lugar os sábados na Casa da Cultura de Burela.
O Concello de Burela e o Centro de Saúde do municipio organizan paseos saudables, nos que as monitoras do Centro de Educación Medioambiental Gaia servirán como acompañantes. Son abertos para a veciñanza e faranse todos os venres a partir do día 4 de outubro, de 10:00 a 12:00 horas, con saída desde o Centro de Saúde.
Esta actividade encádrase no marco da Estratexia de Promoción da Saúde do Ministerio de Sanidade e do Plan Local do Centro de Saúde de Burela.
O Concello de Burela organiza nos meses de outubro e novembrodousobradoiros de escritura creativa coa autora burelá Antía Yáñez.
Os sábados 5, 19 e 26 de outubro será para adultos e os sábados 9, 16 e 23 de novembro para mozos e mozas de entre 14 e 20 anos. As sesións serán na biblioteca municipal e con prazas limitadas (12 por curso).
“Un pracer para o Concello realizar iniciativas coma esta, especialmente cando contamos cunhaveciña e escritora da talla de Antía Yáñez, referente na literatura galega contemporánea”, asegura a concelleira de Cultura, Lina Gómez.
“Estas actividades non só fomentan a creación literaria, senón que taméncontribúen a enriquecer a vida cultural do pobo e estimular a creatividade da nosacomunidade”, engade Gómez, que agradece “a Antía a súa disposición para...
leer más
As escolas deportivas do Concello de Burela incluirán este curso 2024-25 tenis, pimpón, rutas en bici e patinaxe lúdica. Trátanse de actividades dirixidas a nenas e nenos nados entre 2012 e 2018.
As clases de tenis serán os luns de 15:30 a 16:30 horas no pavillón dos Castros, onde tamén serán as clases de patinaxe lúdica os xoves de 15:30 a 16:30 e de 16:30 a 17:30.
As clases de pimpón terán lugar no pavillón dos Castros ou na Casa da Xuventude os luns de 16:30 a 17:30 horas.
As rutas en bicicleta serán os martes e mércores de 15:30 a 17:00 horas, guiadas por un monitor para percorrer e coñecer o concello. O punto de partida será a Praza do Concello.
As cotas de inscrición son de 6 euros ao mes por actividade e as fichas de inscrición deberán ser entregadas na Casa da Xuventude, en horario de 10:00 a 14:00 horas do venres 27 ao xoves 3...
leer más
A Deputada de Economía, Recadación, Facenda e Especial de Contas e Alcaldesa de Burela, Carmela López Moreno, participou este xoves na casa consistorial do Concello de Burela na presentación da primeira etapa da 12ª Marcha Ciclista Unificada que organiza de Special Olympics. Esta proba, que se divide en catro fasese na que participarán persoas con e sen discapacidade, arrincará o 3 de outubro nos municipios de Burela e Cervo. Tras o seu paso pola comarca mariñá, a cita continuará o día 4 en Santiago de Compostela, o 5 percorrerá o concello de Carballiño e rematará o día 6 de outubro en Vilagarcía de Arousa.
Carmela López puxo en valor o “incansable esforzo que realiza unha vez máis esta entidade por sacar adiante a duodécima edición da Marcha Ciclista Unificada na que os participantes poderán percorrer diferentes puntos da xeografía galega...
leer más
O Concello de Burela organiza, dentro do programa Ler Conta Moito, diferentes actividades para promover a lectura nas próximas semanas. Todas elas serán de balde e aptas para un público infantil e familiar, e terán lugar os sábados na Casa da Cultura de Burela. A primeira delas será o espectáculo 'Radio BuleBule', de Paco Nogueiras, este sábado 28 de setembro ás 18:00 horas.
A Casa da Cultura de Burela acollerá unha exposición para conmemorar o 100 aniversario das súas Escolas Vellas. Co título “O legado dos nosos emigrantes”, poderá visitarse desde este mércores, 18 de setembro, ata o 18 de outubro de 11:00 a 13:00 e de 18:00 a 20:00 horas. Trátase da mostra itinerante Microespazo Mupega, do Museo Pedagóxico de Galicia, que recrea unha aula do pasado, coas súas dotacións de mobiliario e material didáctico.
Ademais haberá unha charla divulgativa sobre o 100 aniversario das Escolas Vellas de Burela. Será o 25 de setembro, mércores, ás 20:00 horas no auditorio da Casa da Cultura. Participarán o catedrático de Historia da Educación Antón Costa Rico; o concelleiro de Educación en Burela, Mario Pillado Mon; e a presidenta da asociación de veciños O Vencello, Brixida Pino Lestao.
Estas...
leer más
O Concello de Burela celebra unha nova edición da Semana Europea da Mobilidade, que terá lugar entre o luns 16 e o domingo 22 de setembro. Será unha semana chea de actividades de moi diversa índole para promover a sostibilidade e a accesibilidade. Este ano a campaña ten como tema o "Espacio Público Compartido”, que se suma ao lema da iniciativa, "Combina e móvete!".
A alcaldesa, Carmela López, quixo poñer en valor “a participación de Burela nesta iniciativa europea para fomentar a mobilidade sostible, que é un obxectivo central do noso Goberno e que se materializa no novo Plan de Mobilidade que estamos a desenvolver”.
Pola súa banda, Lina Gómez Pardo, concelleira responsable do Centro de Educación Medioambiental Gaia, destaca “a importancia de promover alternativas de transporte sustentable e de reducir o impacto...
leer más