Entroido
O Círculo Recreativo Casino de Mondoñedo organiza actividades de Entroido para os días 28 de febreiro, 4 e 8 de marzo.
O venres 28 de febreiro ás 22:30 horas celebrarase a cea baile de Comadres. Consistirá en cocido e a música correrá a cargo de Eventec.
O martes de Entroido, 4 de marzo, haberá festa infantil con entrada libre de balde.
E o día 8 de marzo, sábado, ás 22:30 horas será a cea baile de Piñata, con cocido, música de Eventec e premios para as mellores mascaritas.
O Concello de Barreiros, a través da súa Concellería de Dinamización, presentou este xoves a programación do Entroido Barreiros 2025, “unha proposta chea de diversión, participación e tradición na que teñen cabida actividades para todas as idades”. As actividades desenvolveranse os días 2, 5 e 7 de marzo.
Dará comezo o domingo 2 de marzo coa Festa Infantil de Entroido que terá lugar no centro sociocultural de San Cosme de 17 a 20 horas. A cativada poderá gozar dunha tarde “chea de cor e fantasía con animación musical, xogos, baile e agasallos para as persoas que acudan disfrazadas. O espazo contará unha decoración especial elaborada polo obradoiro de emprego”.
O mércores 5 de marzo, o Concello de Barreiros organiza un Obradoiro Infantil de Disfraces como medida de conciliación familiar neses días non lectivos....
leer más
O Concello de Viveiro publicou as bases para inscribirse no concurso de disfraces e no desfile de Entroido que terá lugar o martes 4 de marzo. Especifican as normas reguladoras de participación, así como as axudas económicas e premios que se outorgarán aos participantes no desfile e concurso de disfraces. Establécense diferentes categorías de adultos -carrozas (cun mínimo de catro participantes), comparsas, grupos, parellas e individual- e infantís, con individuais, parellas e grupos.
O prazo de inscrición para o desfile é do 20 ao 28 de febreiro no rexistro ou na sede electrónica do Concello de Viveiro.
O xurado estará composto por un mínimo de tres membros designados pola organización do concurso e valorará o vestiario e orixinalidade dos disfraces, así como a posta en escena.
A concelleira de Comercio e Turismo, Marta Saiz, dixo: “feliz estou de anunciar que xa temos comisión de Carnaval en Ribadeo. Está formada por persoas, de sobra coñecidas no noso pobo, amantes do Carnaval e moi participativas na vida asociativa de Ribadeo”.
A edil ribadense tivo palabras de agradecemento para este grupo de persoas que integran a comisión do Entroido: “desde o Concello agradecemos moitísimo a súa implicación, aínda que xa eran colaborares de toda a vida, animáronse a dar este paso tan importante para o Entroido ribadense”.
Saiz contou que “xuntos estivemos traballando na programación deste Entroido e xuntos seguiremos traballando para os vindeiros Entroidos. Ribadeo ten moitísima actividade e un grande número de citas festivas que precisan de persoas que se impliquen na súa organización. Desde o...
leer más
O desfile de Entroido de Mondoñedo celebrarase o Sábado de Piñata, día 8 de marzo, e repartiranse 5.000 euros en premios.
O desfile sairá do Campo dos Paxariños, ás 17:30 horas, e percorrerá a avenida San Lucas e as rúas Bispo Sarmiento, Andrés Baamonde e Progreso para finalizar na Praza da Catedral.
Os participantes poderán anotarse no correo electrónico entroidomindoniense@gmail.com ou nos teléfonos 982.52.40.03 (inscricións) e 982.50.71.77 (información). O prazo máximo para inscribirse será ata as 23:59 horas do venres 7 de marzo.
Os dorsais deberán ser recollidos entre as 16 e 17 horas do sábado, no edificio municipal do Campo dos Paxariños (antiga oficina de Emprego) e serán adheridos ao disfrace nun lugar visible. Ás 17 horas os...
leer más
Lourenzá celebrará o seu desfile de Entroido o Domingo de Piñata, día 9 de marzo, con máis de 5.000 euros en premios. Estará amenizado coa música do dúo Epo-K.
O desfile empezará ás 16:30 horas e haberá premios para as categorías infantil e adulta individual, parellas, grupos, carrozas, charangas, comparsas e premio especial ao máis chistoso. As inscricións para participar poden facerse na Biblioteca Municipal de 17:00 a 20:00 horas de luns a venres, por teléfono no 982.12.10.06 ou por WhatsApp no 637.05.51.63. E tamén o propio domingo 9 de marzo no recinto feiral de 12:00 a 15:00 horas.
Está organizado polo Concello de Lourenzá, coa colaboración da asociación de comerciantes, industriais e autónomos ACIAL.
O primeiro tenente de alcalde, Javier Huertas, destaca que “ao ser o 9 de marzo...
leer más
O Concello de Cervo xa ten todo a punto para celebrar un Entroido “por todo o alto, con actividades e festa para todos os públicos que xirarán en torno a tres desfiles, que se celebrarán en Cervo, en San Ciprián e en San Román de Vilaestrofe”.
A alcaldesa, Dolores García Caramés, e a concelleira Mali Méndez presentaron a programación xunto cos representantes das asociacións Airiños do Xunco e Mulleres Rurais As Espalladoras -colectivos que se encargan da organización dos entroidos de Cervo e de San Román, respectivamente- e tamén de membros da Comisión de Festas de Lieiro, que se encargará da venta de bolos preñados, sobremesas e pastelón no Entroido de San Ciprián, na Praza dos Campos; e da asociación de veciños de San Román de Vilaestrofe e da comunidade de Montes Veciñais, que colaboran no Entroido de San Román.
... leer más
O Concello de Burela xa ten listo o programa do Entroido 2025, unha cita que cada ano reúne a centos de veciños e veciñas, así como visitantes que se achegan á vila para gozar das celebracións.
O festexo arrancará o venres 28 de febreiro e prolongarase ata o mércores 5 de marzo,cunha programación pensada para todas as idades na que non faltarán obradoiros, desfiles, música e o tradicional Enterro da Sardiña.
Desde o Concello de Burela animan a toda a veciñanza a participar nestas festas e a saír á rúa para “encher o pobo de cor, diversión e tradición”. A concelleira de Festexos, Patricia Eijo, destaca que teñen preparada!unha programación variada para que todas as persoas, desde os máis pequenos ata os maiores, poidan desfrutar do Entroido en Burela”.
Pola súa parte, a concelleira de...
leer más
O alcalde de Xove, Demetrio Salgueiro, e a concelleira de Cultura, Dolores Meitín, presentaron a programación para o vindeiro Entroido. As actividades comezarán o 28 de febreiro, venres, ás 17:30 horas cun baile infantil de disfraces, amenizado por Disco Móbil Conxuro, no pavillón municipal. Pero será o sábado día 1 de marzo, a partires das 17:00 horas, cando chegue o prato forte do Entroido en Xove: o desfile de Carnaval polas rúas de Xove, “con divertidas carrozas, centos de participantes e charangas, onde se repartirán máis de 5.000 euros en premios para os mellores disfraces e comparsas”, anuncia o Concello. As bases do concurso do desfile poden atoparse e descargarse da páxina web do Concello de Xove: www.xove.es. Aqueles que se inscriban antes do 28 de febreiro obterán un agasallo.
Despois do desfile...
leer más
A Asociación Cultural e Xuvenil O Castelo organiza o desfile de Entroido en Alfoz para o luns 3 de marzo ás 21:00 horas no pavillón municipal. Entregarán premios aos mellores disfraces
“O luns 3 de marzo tedes unha cita no pavillón de Alfoz. Ás 19:30 horas será a apertura de inscricións e ás 21:00 horas o gran desfile. Contaremos coa música de Discomóvil Eventec e con bocadillos quentes”, anuncian os organizadores.