Nenos
O Concello de Barreiros continúa coa súa programación de Nadal cunha actuación teatral que terá lugar este xoves, día 3, e a cabalgata de reis e o nacemento vivente que se celebrarán o sábado, 5 de xaneiro.
O grupo Palimoco Teatro representará Queres que cho conte?. A obra, dirixida ao público familiar, será no centro sociocultural Manuel Díaz Sampedro, en San Cosme de Barreiros, ás 12:00 horas. Esta actuación está incluída no programa Nadal pola Provincia, que desenvolve a Deputación de Lugo.
O sábado, 5 de xaneiro, ás oito da tarde terá lugar a apertura ao público do nacemento vivente. E celebrarase a tradicional cabalgata de reis. A comitiva chegará ao centro sociocultural Manuel Díaz Sampedro arredor das 20:15 horas.
Todas estas actividades están organizadas pola Concellería de...
leer más
Este mércores, 26 de decembro, o Teatro Pastor Díaz de Viveiro acolle a representación de Lila Teatro titulada "Duncan de palleiro". Será ás 18:00 horas e está dirixida ao público infantil de 3 a 12 anos.
Conta a vida dun can de palleiro moi especial chamado Duncan. Leva unha vida sinxela, á beira do seu amo Aurelio e dos seus amigos, veciñas e rébanos de sempre, nunha pequena aldea no medio das montañas. Duncan ama profundamente aos nenos e nenas e alí onde vai leva consigo unha gran sorpresa que non deixa indiferente a ninguén.
A obra é propia da compañía e baixo a dirección de Lila Teatro está protagonizada por Linés González e Lara Manzano. Está incluída no programa Proscenio da Deputación de Lugo.
A Concellería de Cultura apostou un ano máis pola instalación dunha carpa na Praza da Mariña con actividades para @s nen@s durante as festas de Nadal.
Estará aberta desde hoxe ás 17:00 horas ata o día 7 de xaneiro. Haberá obradoiros, xogos, photomaton, karaoke e inchables. Os horarios serán de 11:00 a 14:00 horas polas mañás e de 17:00 a 21:00 horas durante as tardes.
O día do neno será o 7 de xaneiro. Será a última xornada destas actividades que serán gratuítas durante esa xornada.
O concelleiro de Cultura, José Díaz, pensa que “será, como nos dous anos anteriores, un espazo para a diversión dos máis pequenos e das familias, a salvo das inclemencias meteorolóxicas e nunha época na que hai moito movemento comercial e de ocio polas rúas de Burela”.
O edil burelés...
leer más
A primeira, o belén de plastilina, terá lugar esta mesma fin de semana; mañá ás 12:00 horas na Casa da Cultura, en San Ciprián; e o domingo, na biblioteca de Cervo, á mesma hora.
Ademais, co obxectivo de favorecer a conciliación da vida laboral e familiar nestas datas de lecer, a delegación de Educación, que dirixe Dolores García Caramés, programou unha nova edición dos Enredos de Nadal que terá lugar o 24, 26, 27 e 31 de decembro, e 2, 3 e 4 de xaneiro; en Cervo e en San Ciprián. En horario de 11:00 a 12:30 horas para o alumnado de infantil e de 12:30 a 14:00 horas para o de primaria.
A este programa súmase o de Cervo Concilia no Nadal -en horario de 9:00 a 14:30 horas-; o 24, 26, 27 , 28 e 31 de decembro; e o 2, 3 e 4 de xaneiro.
Inscricións na Casa da Cultura ou no Concello de Cervo,...
leer más
O Teatro Pastor Díaz de Viveiro acollerá este sábado, 1 de decembro, o espectáculo de música infantil Eu cociño, ti cociñas?, a cargo do grupo Mamá Cabra, a partir das 18:00 horas.
Conta a historia de Timoteo que cambiou o seu quiosco por un restaurante que se chama Coki. Tan preocupado estaba porque os nenos e nenas comerán saudable que ademais ten un blog, e as súas receitas teñen uns ingredientes moi especiais: sorrisos de mamá, empanadillas con amor…
Esta é a última montaxe de Mamá Cabra, un divertidísimo espectáculo músico-teatral que parte dunha proposta metodolóxica innovadora, onde a cociña e a alimentación saudable se converten no medio perfecto para traballar diferentes aspectos curriculares e desenvolver as competencias básicas do alumnado. Eu cociño, ti cociñas? é tamén un libro, publicado por Galaxia...
leer más
Librería Bahía organiza dúas sesións de contacontos este sábado, 24 de novembro, en Foz e Ribadeo.
Ás 12:00 horas na Librería Bahía de Foz terá lugar unha sesión de contacontos a cargo de Verdemar. Trátase do selo infantil da editorial Alvarellos que presentará os contos Miña profe é un monstro e Queres ler un libro comigo?, nos que os protagonistas son un neno que busca con quen compartir as súas lecturas favoritas, e outro que non ten moi claro se a súa profe é un monstro ou un encanto.
Esta sesión de contacontos celebrarase na Librería Bahía de Ribadeo este mesmo sábado 24 ás 17:00 horas.
O Teatro Pastor Díaz de Viveiro acolle este sábado, 10 de novembro, ás 18:00 horas a representación da obra/espectáculo Aguratrat a cargo de Cía. Pérez&Fernández.
Trátase dunha adaptación teatral do libro Esio Trot de Roald Dalhl, un dos autores máis lidos da literatura infantil universal. Conta unha historia de amor e aventuras protagonizada por dúas persoas maiores, o señor Hoppy e a señora Silver. A terceira protagonista da historia é unha tartaruga, personaxe clave que dá título á peza.
Aguratrat é a segunda montaxe para público familiar da Cía. Pérez&Fernández, creadores de O poder de Amable.
O elenco artístico está composto por Manu Fernández, Victoria Pérez e Xosé Leis, estes dous últimos dirixen ademais o espectáculo.
O Concello de Cervo programa para esta fin de semana varias actividades para o público infantil. Este sábado, 20 de outubro, ás 12:00 horas na Casa da Cultura de San Ciprián terá lugar un obradoiro no que os pequenos e pequenas poderán construír o seu propio superhéroe ou superheroína. Está dirixido a nenos e nenas de entre 4 e 12 anos.
E o domingo, 21 de outubro, ás 12:00 horas na biblioteca de Cervo celebrarase un taller no que os nen@s confeccionarán unha máquina de facer debuxos animados.
Este domingo, 14 de outubro, da comezo en Ribadeo a XVI Mostra de Teatro Afeccionado Daniel Cortezón que, por primeira vez, está dedicada integramente aos nenos e nenas. No Cine Teatro o grupo Trécola presentará Choruma, un espectáculo para pícaros ata os 4 anos. A mostra seguirá os domingos 21 e 28 de outubro coas seccións infantís de A Adala e Ollomao. O evento foi presentado polo concelleiro de Cultura, Farruco Graña, e por Mati González, viúva de Daniel Cortezón.
O edil de Cultura dixo que “un ano máis vai ter lugar a Mostra de Teatro Afeccionado Daniel Cortezón, que neste 2018 chega á súa edición número 16. Este ano ademais ten moitas novidades. Aínda que xa nalgunha ocasión fixemos teatro para críos, nesta ocasión imos facer unha Mostra de Teatro Afeccionado Daniel Cortezón dedicada ao público infantil, onde ademais van ter...
leer más