A Pontenova
O grupo musical galego A Banda da Loba actuará na Pontenova este sábado, día 21 de agosto. O concerto será na Praza dos Fornos ás 21:30 horas.
A Banda da Loba é unha formación galega integrada por cinco mulleres que decidiron unir as súas traxectorias individuais para dar voz a este proxecto. Destaca a creación dun repertorio propio baseado tanto en letras da súa autoría como en musicalizacións de poetas célebres ou outros textos tomados dos poemarios de escritoras contemporáneas. Todo isto, baixo un estilo ecléctico e heteroxéneo que bebe do rock, do pop, do folk... e fai do seu repertorio un fantástico caleidoscopio musical. En decembro de 2017 saíu á rúa o seu primeiro traballo discográfico, “Bailando as rúas”, no que contaron coa produción musical de Adrián Saavedra e as colaboracións de Guadi Galego e Tanxugueiras. Tras o gran éxito...
leer más
O domingo 5 de setembro celebrarase a ruta ciclista Desafío do Ferro, que se desenvolverá nos municipios de A Pontenova e Riotorto en dúas distancias. Este evento deportivo, que sairá da Praza das Rodrigas, en Riotorto, ás 10:00 horas, é para bicicletas BTT e E-BIKE.
As inscricións fanse a través da web championchipnorte.com.
A ruta ciclista Desafío do Ferro esta organizada polo club Pretorianos e patrocinada polos concellos de Riotorto e A Pontenova.
Cine ao aire libre, teatro, danza, música e xogos acuáticos no Pozo do Ola serán algúns dos protagonistas das actividades de verán que organiza o Concello da Pontenova. “Presentamos unha ampla selección de actividades nas que poden participar toda a familia, ademais este programa que se celebrará dende finais de xullo e agosto é completamente gratuíto” dixo Campos Conde.
“Quero lembrar que esta programación ao aire libre está adaptada ás actuais condicións sanitarias, e respectaranse escrupulosamente as medidas sanitarias preventivas fronte aos contaxios por covid-19. Non podemos baixar a garda”, avanzou o rexedor.
Programación
A escola Municipal de Teatro da Pontenova inaugura a tempada estival co “Misterio da Via Rexia”, a cita será 23 de xullo ás 23.00 horas. O día 24 haberá cine ao aire libre coa...
O libro de Fran Zabaleta titulado A(través)ando Galicia será presentado no salón de actos da Casa da Cultura de A Pontenova o día 12 de xuño, sábado, ás 21:00 horas.
O autor, Francisco Javier Zabaleta Estévez, é un escritor, editor e guionista vigués apaixonado pola historia, a literatura e as viaxes. En setembro de 2020, despois de moitos meses de confinamento, decidiu atravesar Galicia de extremo a extremo, partindo de Ribadeo para rematar en A Guarda. Esta publicación é froito dese percorrido.
A asociación Os Sendeiros de Foz organiza un andareiro pola ruta das Minas, na Pontenova, o 25 de abril. A saída será ás 9:00 horas de Foz (diante de Cenor) e de Ferreira.
As persoas interesadas poden anotarse ata o 23 de abril nos teléfonos 606 718 482 e 670 369 017 e no correo electrónico ossendeiros@yahoo.es. O prezo é de 3 euros para os socios non federados e 4€ para os socios temporais. A actividade é gratuíta para os socios federados.
A organización recomenda levar equipo de sendeirismo, máscara e lanterna para poder camiñar por algún túnel, e informa que a ruta ten un nivel de dificultade medio cunha distancia de 12 quilómetros. Se o tempo o permite, os participantes xuntaranse para comer cumprindo os protocolos da pandemia.
O Concello de...
leer másO Concello de A Pontenova e os comerciantes promoven a campaña de Nadal, con 1.500 euros en premios.
O Alcalde da Pontenova, Darío Campos Conde e o Presidente da Asociación de Comerciantes da vila, Jose Luís Balseiro, presentaron a campaña de nadal do comercio local, coa que colabora o Concello. Repartiranse un total de 30 vales de compra cun importe de 50 euros cada un.
Campos Conde explicou que a campaña “inclúe un investimento total de 3.000 euros, na que ademais dos 1.500 euros en premios, haberá unha campaña de promoción, e bolsas reciclabes ca marca da Pontenova que regalaran os establecementos da vila”.
O rexedor remarcou que a través desta colaboración queremos “incentivar e promover entre a veciñanza as compras nos comercios da Pontenova durante o Nadal. Por iso é fundamental traballar da man da Asociación de Comerciantes da vila para contribuír a mellorar a situación do noso pequeno comercio. Este é o...
leer más
A cuarta edición das Xornadas da Terra de Miranda, actividade que organiza o colectivo Nova Escola Galega coa colaboración da Deputación de Lugo, celebrarase na Casa da Cultura da Pontenova os días 30 e 31 de outubro de 2020.
A organización explica que as xornadas “nesta ocasión estarán centradas na atención sanitaria no rural nestes tempos, na sobreexplotación do solo e na perspectiva das familias do rural ante as circunstancias educativas tan especiais que vivimos. Haberá tamén relatorios sobre o patrimonio específico da Terra de Miranda. A convocatoria dos Encontros por cuarto ano consecutivo constitúe, globalmente, unha proposta para a análise da situación do medio rural galego na actualidade. Esta análise realízase, por unha parte, desde a óptica especialmente educativa, pero tendo en conta que o que sucede no ámbito da educación non...
leer más
A Asociación Cultural e Deportiva As Minas de A Pontenova plantea unha colaboración cos negocios e comercios locais para paliar, na medida do posible, a crise económica orixinada polo COVID-19. Esta colaboración terá lugar durante o próximo XIV Festival das Minas, que se celebrará o 12 de decembro se as condicións e as autoridades o permiten.
Grazas a esta colaboración, o ACD As Minas doará de forma gratuíta aos locais de hostalería do Concello que o soliciten, a xestión da cea e o bar do día do festival. Ademais, colaborará co resto de comercios poñendo a súa disposición camisetas, cuxo gasto corre a cargo da asociación, e Lotería de Nadal. Os beneficios das ventas destes artigos serán integramente para os propios negocios colaboradores.
Desta forma, a Asociación Cultural e Deportiva As Minas quere investir as...
leer más
A piscina municipal da Pontenova inicia os seus cursos de natación de verán para nenos e adultos. A presentación será o vindeiro 17 de xullo, ás 13:00 horas para os nenos e nenas e a partir das 20:00 horas para os adultos. Este curso dividirase en dúas sesións semanais (martes e xoves) desde o 21 de xullo ata o 13 de agosto.
O prezo total da tempada serán 30 euros, aínda que se poderá abonar semanalmente cunha tarifa de 8 euros por semana. Ademais, os máis pequenos gozarán de dúas sesións: unha de perfeccionamento entre as 12:00 e as 12:45 horas e outra de iniciación, desde as 13:00 ás 13:45 horas.
Por outra banda, o curso para adultos comezará ás 20:00 horas e finalizará ás 20:45 horas. Os interesados poden poñerse en contacto chamando ao teléfono 686 66 52 77 ou ao 678 72 80 15.
A XIII edición do Festival As Minas, de A Pontenova, celébrase este sábado, 14 de decembro. Ás 11:00 horas procederase á apertura e visita da mina Consuelo para espeleólogos federados.
Ás 21:30 horas dará comezo a churrascada popular, as prazas son limitadas e o prezo é de 15 euros (inclúe a entrada aos concertos). O menú estará composto por calamares, empanada, churrasco, tarta Santiago, pan, viño caseiro, auga e café. Este ano pódense reservar os tíckets con antelación facendo transferencia bancaria á conta da asociación ACD As Minas, organizadora do evento. Unha vez feita a transferencia é necesario mandalo xustificante por whatsapp ao 615 82 87 62. O número de prazas é limitado.
Ás 23:30 horas comezará o concerto de Heredeiros da Crus que presentará o seu traballo Derretidos. Tamén actuarán A Chocolateira AM...
leer más