Eventos
A Iniciativa Xove “Techno con-Ciencia” desenvolverase os días 22 e 23 de xullo en Sargadelos (Cervo)
O concello de Cervo será o escenario da Iniciativa Xove Techno Con-Ciencia, “unha proposta pioneira de expresión xuvenil e creatividade electrónica” impulsada polo grupo Fonte da Tella (da man de Inoa Pardo, Simón Villarquide, Paula Rodríguez Ares, Borja Lorenzo, Xoel Carreiras Paula Rodríguez Franco , Noé Fernández e Roberto Balseiro) en colaboración co Concello de Cervo, que se desenvolverá os días 22 e 23 de xullo en Sargadelos. O proxecto está financiado pola Dirección Xeral de Xuventude da Xunta de Galicia a través do programa Iniciativa Xove, anuncia o Concello de Cervo, que engade: “a iniciativa nace co obxectivo de poñer en valor a música electrónica como ferramenta de aprendizaxe, cohesión social e innovación cultural, promovendo a participación activa da mocidade na vida cultural do territorio”.
O martes 22 de xullo...
leer más
Presentouse a primeira edición de O Vicedo En Marcha Contra o Cancro, unha actividade lúdico-deportiva que se celebrará este domingo, 20 de xullo, desde as 11:00 horas e que contará cunha andaina con saída dende a Ponte Vella do Vicedo (ponte metálica sobre o río Sor) ata o parque de O Vicedo.
“Con este evento local queremos tinguir de verde O Vicedo, co obxectivo de concienciar a sociedade sobre a importancia dun estilo de vida saudable para previr o cancro, e demostrar que a provincia de Lugo é un exemplo de loita contra o cancro. Patrocinado por Solán de Cabras; colabora o Concello de O Vicedo e Eroski Center”, anuncia a Asociación Española Contra o Cancro en Lugo.
Para participar pode facerse a inscrición online en...
leer más
A parroquia mindoniense de Santa María Maior celebra as súa festas esta fin de semana, desde o venres 18 ata o domingo 20 de xullo.
As actividades comezarán o venres ás 22:00 horas cunha churrascada popular; e despois haberá verbena coa orquestra D’Noche e Discomóvil The Sound Proyect.
O sábado ás 13:00 horas celebrarase misa solemne; e a continuación haberá procesión co grupo Lecer, que tamén actuará na verbena.
E o domingo ás 14:00 horas celebrarase misa solemne; e despois procesión e sesión vermú co grupo Lecer.
A organización anuncia tamén que haberá inchable gratis para os nenos e nenas.
A Asociación de Comerciantes, Industriais, Servizos e Autónomos (Acisa) de Ribadeo colabora coa terceira edición do Vendaval Fest, que se celebra na vila os días 25 e 26 de xullo.
A presidenta de Acisa, Carmen Cruzado, explicou que “máis de 20 establecementos asociados a Acisa ofrecerán descontos especiais os días 25 e 26 de xullo aos asistentes á terceira edición do Vendaval fest. Esta é unha actividade da nosa asociación en colaboración cos organizadores deste festival. Participan comercios, locais de hostalaría, hoteis... con descontos que van dende o 10 ao 30% a maiores das rebaixas nos comercios participantes, 2x1, prezos especias en consumicións como cañas ou copas, descontos en comidas ou combos especiais de comida e bebida, son so algúns exemplos”.
O xerente do colectivo empresarial ribadense, Jesús Pérez...
leer más
A parroquia de Lago, no concello de Xove celebra as festas na honra á Virxe do Carme e San Antón esta fin de semana, desde o venres 18 ata o domingo 20 de xullo. Na presentación estivo o alcalde de Xove, Demetrio Salgueiro, e a primeira tenente de alcalde, María Dolores Meitín, acompañando a Andrés Prieto e Modesto Rodríguez, como membros da Asociación de Festexos A Granda, que organiza estas festas.
O venres arranca a programación cunha “gran churrascada estilo Lago” a partir das oito da tarde. A continuación haberá verbena amenizada pola orquestra Ocaband e Conxuro Discomóvil.
O sábado ás 14 horas, sesión vermú con orquestra Tokio, que tamén actuará na verbena xunto ao dúo D'Caché Music.
E o domingo ás 13:30 horas celebrarase misa solemne e procesión; a continuación haberá sesión vermú...
leer más
O Concello de Trabada anuncia que colabora un ano máis coa organización das Festas de Santiago e Santa Ana na parroquia de Santiago de Abres, “unha celebración singular que une á veciñanza da parte galega e asturiana nun ambiente de convivencia, tradición e música”.
As festas darán comezo este sábado, 19 de xullo, co Campionato de Balinera con carabina, organizado no Campo da Festa a partir das 19:30 horas. A continuación celebrarase unha churrascada popular, amenizada polo DJ Marcos.
A programación continuará o xoves 25 de xullo cunha misa solemne ás 13:00 horas, seguida dunha sesión vermú co dúo Belinda, e pola noite, verbena coa actuación das orquestras Suavecito e Costa Dorada.
O sábado 26 de xullo terá lugar outra xornada de celebración con misa, sesión vermú coa música de DJ Pedro...
leer más
O Concello de Burela presentou este martes no Barco Museo Reina del Carmen dúas das principais iniciativas culturais e gastronómicas para este verán: a quinta edición do Tapeo Bonito, que se celebrará esta fin de semana, e o programa de música en vivo Verán Bonito 2025, que se desenvolverá ao longo dos meses de xullo e agosto.
No acto de presentación do Tapea Bonito estiveron presentes a alcaldesa, o concelleiro de Turismo e as concelleiras de Festas e de Comercio, hostaleiros e hostaleiras, a confraría de pescadores e representantes da asociación Ledicia, organizadora do evento. E en representación da asociación de hostalaría, que organiza o Verán Bonito, estivo o seu presidente acompañado dos citados concelleiros e concelleiras.
O concelleiro de Turismo, Ramiro Fernández Rey,...
leer más
A festa do Carme celebrase na zona portuaria de Ribadeo esta fin de semana, sábado 19 e domingo 20 de xullo.
O sábado ás 13:45horas haberá sesión vermú co grupo Las Vegas Galicia, que tamén actuará na verbena. E ás doce da noite haberá un concerto de La Penúltima Sabinera, grupo tributo ao cantautor Joaquín Sabina.
E o domingo ás 12:00 horas celebrarase misa solemne na igrexa da Atalaia. Ao remate farase a procesión coa imaxe da Virxe do Carme desde a Atalaia ata o porto de Porcillán, para realizar a procesión marítima, que irá acompañada polo cuarteto Illa Pancha. De volta ao porto a Coral Polifónica de Ribadeo cantará unhas pezas, entre elas a Salve Mariñeira. Ás 14:00h haberá sesión vermú a cargo da orquestra Channel, que tamén actuará na verbena, xunto ao grupo Eureka.
O día 31 de xullo, xoves, terá lugar a sétima comida anual dos veciños da Regueira, en Ribadeo.
Os actuais residentes e aquelas persoas que nalgún momento viviron nas rúas Deputación e San Lázaro, na zona ribadense coñecida popularmente como A Regueira, están organizando a súa sétima comida anual, que terá lugar o día 31 de xullo, xoves, no restaurante Araucaria (rúa Carlos III) ás 14:30 horas.
O prezo da comida é de 35 euros e as tarxetas para participar neste encontro veciñal poden adquirirse na tenda de Sargadelos, de Ribadeo, que está situada na rúa Reinante, ata o 28 de xullo.
As persoas interesadas en obter máis información poden dirixirse a Mª Carmen Pillado (600.277.791), Paco Roibás (639.136.601) e Manolo Álvarez (649.979.036).
A parroquia de Xudán, no concello da Pontenova, celebrará as festas na honra a Santa María Magdalena esta fin de semana, desde o venres 18 ata o domingo 20 de xullo.
As actividades comezarán o venres 18 a partir das 22:00 horas cunha churrascada popular e seguidamente haberá verbena a cargo do dúo Dilema e DJ Bombardero.
O sábado ás 13:30 horas celebrarase misa solemne e despois procesión e sesión vermú co trío Karma, que tamén actuará na verbena.
E o domingo ás 14:00 horas haberá misa solemne, procesión e sesión vermú amenizada polo grupo de música tradicional A Chocolateira, da Pontenova.
