Teatro
Ribas de Sil, Mondoñedo, Burela e As Nogais son as vindeiras paradas do Circuíto de de Teatro Prefesional impulsado pola área de Cultura da Vicepresidencia da Deputación que botou a andar o pasado mes de xuño e que este ano inclúe 59 representacións de 14 compañías por toda a provincia.
Axenda: do 12 ao 15 de outubro
12 de outubro. 19.00 horas. Ribas de Sil. Salón de Actos do Concello.
Teatro do Miolo. Saíndo do cerco.
Comedia. Todos os públicos
Suso é o un novo residente do centro de maiores. Pensa que por estar na última etapa da vida, esta xa non merece ser vivida. Amalia, unha compañeira de residencia, pode ser a peza que faga dar un xiro aos acontecementos, facendo que Suso atope o sentido da súa vida.
Autoría e dirección:...
leer más
Do 11 ao 13 de outubro terá lugar en Ribadeo a XXI Mostra de Teatro Afeccionado Daniel Cortezón, que foi presentada pola concelleira de Cultura, Begoña Sanjurjo, e pola viúva do autor ribadense, Mati González.
A edil ribadense indicou que “como cada ano lembramos ao autor ribadense Daniel Cortezón acollendo unha mostra do teatro afeccionado que se está a facer agora mesmo en Galicia. O Grupo de Teatro de Ribadeo é o anfitrión desta cita, que contará tamén coa participación de 57 Palabras, de Viveiro, e de Rebuldeira Teatro, de Sarria. As funcións serán no auditorio municipal ás 20.00 horas os días 11,12 e 13 de outubro (venres, sábado e domingo) e a entrada terá un prezo de 3 euros”.
Sanjurjo explicou que “o venres, o grupo 57 Palabras representa dúas pequenas obras: Orde e matrimonio e Entre nosoutras. 57...
leer más
Viveiro acollerá este sábado, día 12 de outubro, no Teatro Pastor Díaz, a representación da obra titulada 'Arte', de Hipócrita Teatro. Comezará ás 20:30 horas e terá unha duración total de 70 minutos. A entrada será de balde, non sendo necesaria reserva previa.
Jose Campanari dirixe esta obra de Yasmina Reza cos actores Carlos Rebolo, Teo García e Iván Redono.
Na obra “tres amigos fan saltar polos aires unha relación de quince anos e compórtanse como nacións en guerra, con alianzas secretas, pactos rotos e, sobre todo, tolerancia cero”.
A Casa da Cultura de Burela albergará un espectáculo de Trécola Producións titulado “Historia dunha gaivota”. Será ás 18:00 horas deste sábado, día 12 de outubro, con entrada de balde.
Dirixido a un público infantil e familiar, este espectáculo é “unha divertida reflexión sobre a cooperación e a amizade”, anuncia o Concello de Burela, que inclúe esta actividade no programa Ler Conta Moito, que ten como obxectivo promover a lectura.
O Concello de Viveiro celebra entre os días 14 e 20 de outubro a 6º edición de Superarte, a mostra de teatro feita por persoas con diversidade funcional. A mostra dedícase este ano ao síndrome de down, “cun certame multidisciplinar para sensibilizar e facer divulgación a través das artes escénicas e as artes plásticas”, explica a concelleira de Cultura, Lara Fernández Fernández-Noriega.
O Concello de Viveiro anuncia que haberá tamén un taller de percuterapia para os usuarios de Aspanane e para aquelas persoas con síndrome de down ou outro tipo de diversidade funcional e as súas familias que queiran participar.
“Superarte é xa un sinal de identidade do noso goberno local, un piar desde o que construír paso a paso un Viveiro máis inclusivo; o certame cumpre a súa sexta edición como un referente na visibilidade das...
leer más
Carlos Blanco e Xosé Antonio Touriñán están de volta cun novo espectáculo de Somos Criminais, o proxecto máis exitoso dos últimos tempos do teatro galego. Os dous humoristas regresan con esta nova entrega na que poñerán punto e final á súa particular busca do que nos fai ser criminais.
Dirixida por Tito Asorey e con textos de José Prieto, Carlos Blanco e Xosé A. Touriñán, en Somos Criminais e punto final os dous cómicos están ao mando dunha misión espacial moi particular: Falta pouco máis dunha hora para a fin do mundo. En Galicia, unha nave, a Arteixo II, está a piques de despegar cuns poucos elixidos a bordo en dirección a un planeta onde empezarán unha nova vida. Os capitáns da nave, Carlos Blanco e Touriñán, son os encargados de que a evacuación se leve a cabo con éxito e de meter nesta Arca de Noé galega todo o noso patrimonio humano...
leer más
O Concello de Barreiros anuncia: “viaxamos a Compostela para ver Terceiro Acto, unha produción do Centro Dramático Galego, o domingo 6 de outubro, desde a Praza do Concello. Hai 25 prazas e para anotarte chama ao 982.124.002 ou escribe a administracion@concellodebarreiros.gal. A admisión será por rigorosa orde de apuntamento. A actividade ten un custo de 5€ por persoa que se recadará no propio día da viaxe”.
A saída desde Barreiros será ás 14:45 horas e a función en Santiago empezará ás 18:00 horas.
Será ás 20:30 horas no Teatro Pastor Díaz.
“Cinco minutos sen respirar” retrata os anhelos, o medo e a escuridade que pode albergar unha persoa a través de dous personaxes: Margarita, unha (ex) empregada de banca, e Víctor, supervisor nun supermercado. A montaxe é unha proposta baseada no traballo de interpretación e cunha dirección escénica que incide nos delirios e nas dualidades propias do mundo de hoxe.
“Cinco minutos sen respirar”, fala da vida, dos abusos bancarios, do amor, da explotación laboral, do suicidio, da familia, da violencia... e de tantas outras cousas, que non da tempo a resumilas en cinco minutos. A poesía é a única proba concreta da existencia do home.
Entradas á venda na billeteira do teatro unha hora antes da función.
O Concello de Alfoz anuncia que “o domingo 6 de outubro chega a Alfoz o autobús do teatro, sobes? É unha actividade dentro do programa de mobilidade do Centro Dramático Galego, que está a celebrar o seu 40° Aniversario. Este autobús sairá da Casa do Concello de Alfoz ás 14:15 horas e levaranos ata Santiago de Compostela para desfrutar da obra "Terceiro acto", unha produción do Centro Dramático Galego. Entón, sobes ao autobús do teatro?”.
A representación será ás 18:00 horas. A viaxe en autobús é gratuíta e o prezo da entrada ao teatro é de 5 euros.
As prazas limitadas e as inscricións pode facerse a través do teléfono 982.55.80.01 ou na Casa do Concello de Alfoz.
O venres 11 de outubro chega a San Miguel de Reinante "Cóntoche un traxe", da man de Montse Rivera. Será ás 17:30 horas nos colexios vellos, con entrada gratuíta.
É unha actividade organizada pola asociación O Arco da Vella, que anuncia: “mergúllate nesta viaxe no tempo para descubrir como era o vestiario dos nosos tátara-tátara-avós. A narración de Montse estará acompañada de cantigas referidas ás pezas de roupa que os vestían, poemas de grandes da literatura galega e proxección de imaxes de traxes tradicionais e materiais cos que se fabrican as teas. E ao final do camiño, catro participantes acabarán vestidos como os nosos ancestros”.