Teatro

Rendos Pequeno, o novo proxecto teatral do cómico e músico Félix Rodríguez, presenta en Ribadeo o seu espectáculo titulado Charlatán Rodríguez este xoves, día 14 de agosto. Será ás 20:00 horas no Campo de San Francisco e se chove trasladarase ao Teatro.

Este espectáculo, dirixido por Fran Rei, ten unha duración de 55 minutos e a sinopse é: “Un charlatán chega á vila coa súa lingua afiada, os seus instrumentos afinados e seu posto de venda ateigado de remedios para todos os males. Armado de retranca e coa sabedoría que dá percorrer todos os camiños, será quen de vender ao público menciñas que non necesitan a prezos que non poden pagar, cun catálogo infinito de solucións inútiles para problemas inexistentes, laretadas baleiras, melodías inventadas, pequenas grandes ilusións e contos de impostor. Porque o noso protagonista sabe sempre o que a...

O Circuíto de Teatro Profesional da Vicepresidencia da Deputación de Lugo bota a andar coa actuación de Mircromina Títeres este sábado, 19 de xullo, en Alfoz.

A compañía mindoniense representará a obra Pasmo de pedra, unha comedia para publico infantil e familiar arredor da figura de Pardo de Cela. A actuación será ás 13.00 horas no Castelo de Castrodouro, no marco do Mercado Medieval de Alfoz.

A Vicepresidencia da Deputación de Lugo anuncia: “trátase da primeira actuación deste ciclo, co que dezaseis compañías lucenses xirarán ao longo do ano por distintas localidades da provincia, en colaboración con concellos e asociacións. Ademais de Mircromina Títeres, Trécola Producións, Xamón Producións, Ítaca Teatro, Ubú Teatro, Teatro do Miolo, Señor López Producións, Satori Teatro, Lîlâ Teatro, Bátega Teatro,...

O Mago Antón presenta o día 14 de xullo, luns, en Viveiro o espectáculo co que celebra os seus 50 anos sobre os escenarios. Será nos Xardíns Noriega Varela en catro funcións: ás 13:00, ás 17:00, ás 18:30 e ás 20:00 horas. En cada unha delas a capacidade é de 70 prazas e a entrada é de balde.

O Concello de Viveiro anuncia que “o Mago Antón celebra no Magomóbil os seus 50 anos sobre os escenarios cun espectáculo que reúne as súas mellores interpretacións e novas ilusións, explorando sempre os límites do imposible”.

O Concello de Barreiros anuncia: “o domingo 13 de xullo ás 19:00 horas na carpa da festa de Vilamarín Grande temos una cita con Caxoto Díaz Valle, de A trastenda dos contos”.

“Este contador de historias vén cargado de humor e desta volta tráenos a Vilamartín o espectáculo titulado Contos con mar de fondo. Aínda que nunca se afastou da costa máis dunha milla mar adentro, Caxoto é un home de mar, cando menos filoxeneticamente. Bisneto, neto e fillo de armadores e mariñeiros, o mar corre polas súas veas e a súa memoria dende o mesmo momento de nacer. Ao longo da súa traxectoria como narrador oral Caxoto foi atesourando un rico repertorio mariñeiro de contos, lendas, anécdotas e feitos históricos que agora decidiu enfiar neste espectáculo de narración oral. Un espectáculo para os cinco sentidos cheo de salitre, mar picada e vento...