Teatro
Ollomao, de Barreiros, representa a obra teatral “Dona Clara” en Viveiro este sábado, 13 de decembro
O grupo teatral do Colectivo Cultural Ollomao, de Barreiros, representará en Viveiro a obra titulada Dona Clara. Será este sábado, día 13 de decembro, no Teatro Pastor Díaz ás 20:30 horas. É unha actuación incluída no Circuíto de Teatro Afeccionado da Vicepresidencia da Deputación de Lugo. A entrada é de balde ata completar aforo e non é necesario facer reserva previa.
O Concello de Viveiro anuncia que é unha traxicomedia para público adulto cunha duración de 90 minutos. Tamén explica que se trata dunha tradución e adaptación da obra orixinal O regreso da vella dama, de Friedrich Dürrenmatt, a cargo de Ramón Casas, que ademais é o director.
O elenco está formado por: Juan Rodríguez, Benito Pérez, Patricia Pérez, Ramón Ángel Ares, Sandra Novo, Xosé Friol, Tino González, Fanny Pedre, Miriam Bouso,...
leer más
Este venres, día 12 de decembro, o grupo humorístico Trípode representará en Burela a obra titulada A presa. Será ás 21:00 horas na Casa da Cultura con entrada de balde.
“Estaremos en Burela, despois dun tempo sen acudir. Convidados polo Concello e dentro dos Circuítos de Teatro Afeccionado da Deputación Provincial de Lugo, representaremos a nosa última obra, A presa, que fala diso, dunha presa, pero tamén dunha forma de vivir e de entender a vida”, anuncia o grupo Trípode.
Este domingo, día 14 de decembro, a compañía Lume Escénico representará a súa comedia titulada Activ@s en Barreiros. Será ás 19:00 horas no Centro Sociocultural de San Cosme, con entrada de balde. É unha obra apta para público a partir de 12 anos.
O Concello de Barreiros anuncia que é “unha peza con moito humor que nos convida a reflexionar sobre o traballo, o descanso e iso que tantas veces chamamos o retido dourado. A cousa comeza cunhas simples preguntas: Non estaremos a traballar por riba das nosas posibilidades?, Estamos dispostos a perder o noso descanso?, O retiro dourado será unha utopía imposible de acadar? E como resposta, a Administración pon en marcha un plan experimental para manter o estado de benestar. Pero como todo o mundo sabe... os experimentos, con gaseosa”.
Este domingo, día 14 de decembro, ás 19:00 horas na Casa da Cultura Manuel Lourenzo en Ferreira do Valadouro o grupo de teatro Abrente presenta a súa obra A Herencia de Xoana.
O Concello do Valadouro explica que “esta obra esta inserida na edición do Circuíto de Teatro Afeccionado organizado pola Vicepresidencia da Deputación de Lugo - Área de Cultura. Abrente é unha asociación polifacética que desenvolve a súa actividade entre a música, o baile tradicional e o teatro. O grupo de teatro, formado por veciños e veciñas das Nogais e da súa contorna, leva xa moitos anos actuando, sacando sorrisos alá onde vai”.
A sinopse da obra é a seguinte: “ao parecer, Xoana rematou os seus días nunha residencia por non ter ninguén que a puidese coidar. Os seus achegados estiveron máis preocupados pola herdanza que pola...
leer más
Chega o II Ciclo de Teatro a Bravos, no municipio de Ourol, organizado pola Asociación Cultural Recreativa Deportiva Aturuxeiros, que anuncia: “unha nova edición chea de humor, emoción e boas historias para gozar en comunidade durante o Nadal e o mes de xaneiro. Funcións os días 27 de decembro, 17, 24 e 31 de xaneiro. Ao longo destas datas pasarán polo noso escenario: Grupo de Teatro Sr. López, coa obra A viaxe do Sr. López; Grupo de Teatro Ardora, de Cervo, coa obra Aire fresco; Grupo de Teatro Antas de Ulla, coa obra Catro cortos nun banco; e Grupo de Teatro Aturuxeiros, de Bravos, coa obra Vaia co pronóstico”.
As representacións serán no Local Social de Bravos e todas comezarán ás 18:00 horas.
O Concello de Lourenzá dá a coñecer os nominados e nominadas aos premios do VII Certame de Teatro Afeccionado, que se entregarán nunha gala o sábado 13 de decembro.
O xurado do VII Certame de Teatro Concello de Lourenzá decidiu que os nominados e nominadas nas diferentes categorías son os seguintes:
Para o premio Conde Santo á mellor representación: Campanas de Bastabales, de Imaxina-T, de Narón; A Xuntanza, de El Ruiseñor, de Culleredo; e O caso do cadáver asasinado, de Teatro do Asteleiro, de Ferrol.
Para o premio Lourenzo ao mellor actor: Rubén Pena, de The-sastre Teatro, de Barbadás; Ramón A. Ares, de Ollomao, de Barreiros; e Fernando Moares, de El Ruiseñor, de Culleredo.
Para o premio Ana á mellor actriz: Patricia Pérez, de Ollomao...
leer más
O Concello de Trabada “consolida a súa aposta pola cultura e polo teatro afeccionado coa continuación dos ciclos teatrais que, como cada primeiro sábado de mes, ofrecen á veciñanza unha proposta escénica de calidade e aberta a todos os públicos”. Este sábado, día 6 de decembro, ás 21:00 horas, o salón de actos da Casa da Cultura acollerá a representación da obra Sen frores nin coroas, a cargo do grupo 57 Palabras, “unha compañía que chega a Trabada cunha peza cargada de humor, retranca e emoción”.
O alcalde de Trabada, Rubén García, destaca a importancia de manter unha programación cultural estable no municipio: “estes ciclos teatrais mensuais son unha mostra do noso compromiso coa cultura de proximidade. Queremos que a veciñanza teña acceso a propostas escénicas variadas, de calidade e que contribúan a dinamizar os nosos espazos...
leer más
O grupo teatral Os pícaros de Lagoa representará a obra Estes vellos saben moito… ou non no Valadouro este sábado, día 6 de decembro. Será na Casa da Cultura ás 19:00 horas, dentro do Circuíto de Teatro Afeccionado organizado pola Área de Cultura da Vicepresidencia da Deputación de Lugo.
A sinopse é a seguinte: “Un asilo calquera, uns vellos con moito xenio. De súpeto a dona morre en estrañas circunstancias, ao parecer envelenada. Todos tiveron contacto cun café sospeitoso. Un sarxento da Garda Civil e o seu aprendiz (un pouco torpe) investigan o posible asasinato”.
A compañía Redrum teatro representará en Viveiro a obra titulada Os contos do Lobicán este sábado, día 6 de decembro. Será no Teatro Pastor Díaz ás 18:00 horas.
Cunha duración de 40 minutos está obra de monicreques está dirixida ao público infantil, de 3 a 6 anos de idade. A autora é Eva Mejuto e está dirixida por Alex Sampayo.
O elenco artístico está formado por Guillermo Carbajo e Victoria Pérez. E a sinopse é a seguinte: “Os contos do Lobicán é unha historia en verso, áxil e atrevida, destinada a nenos e nenas de entre 3 e 8 anos, que busca darlle a volta aos contos clásicos ao tempo que transmite unha mensaxe educativa e valores universais como a amizade, a cooperación, o respecto pola natureza, o pensamento crítico e a importancia da imaxinación. O marabilloso texto de Eva Mejuto foi gañador...
leer másAlfoz acolle este sábado, 29 de novembro, unha representación teatral a cargo de Os Pícaros de Lagoa
Alfoz acollerá este sábado, día 29 de novembro, unha representación teatral a cargo do grupo Os Pícaros de Lagoa, que ofrecerán a obra titulada Estes vellos saben moito … ou non. Será ás 20:30 horas na Casa da Cultura.
“Este sábado pechamos o mes de teatro cunha nova proposta do Circuito de Teatro Afeccionado 2025: Estes vellos saben moito … ou non, de Os Pícaros de Lagoa. É unha comedia costumista para todos os públicos cunha duración de 60 minutos e entrada de balde”, explica o Concello de Alfoz, que tamén anuncia que “antes da obra, ás 19:00 horas, terá lugar a presentación do libro As tolas que non o eran, de Carmen V. Valiña, actividade incluída na programación do 25N”.